رواية بعنوان
#السارقة
الحلقة_5
...................🌷...........
الهام خايفة موت
مريم قدرت تتخلص منهم بسهولة وسلاسه فاتتهم بأشواط ... و زادت خشت بين الزناقي لين وصلت لحوش اختها ... كانت تتمني تزيد تلعب بأعصابهم بس ماتبيش اضحي بعيلتها ... دخلت السيارة للقراج علي السريع
ودرست ..
مريم : يلا انزلوا حمد لله علي السلامة ..
الهام خشت متكنطيه حست روحها زي الغبية مش فاهمه شيء ...
ريما ترعش مع بعضها من الخوف
اللوحيدة اللي مش خايفة وصابرة وعارفة الموضوع مرت بوهم
مريم خشت معاهم للحوش ..
الهام : ممكن نفهم شن قاعد يصير بدل لا اني زي الاطرش في الزفة
ريما : صح مريم شن صاير ياريت يعني تتكرمي وتفهمينا ..
مريم : اني راح نفهمكم شن صاير بس اهدو
وبدت تحكي شن قاللها بوها وشن صار امس
الهام حطت يدها علي فمها من الصدمة : يعني كلنا في خطر كبير ... الله يسامحك يابوي حتي متت ما ارتحناش من بلاويك لاحقتنا لاحقتنا
مريم : للاسف ومزلنا في خطر
ريما : والحل توا
مريم : انتم راح تقعدوا اهني لان مافيش حد يقدر يوصلكم ..
الهام : اي باهي والمقصد يعني وانتي
مريم : اني راح نرجع للحوش
وطلعت شنطة معبية فلوس وهذا فلوسكم اللي بوي كان يجمع فيها يعني حقكم ...
الهام : الفلوس ماتهمنيش انتي اللي تهميني توا وين تحسابي روحك راهم عصابة واكيد عرفوا انك تعرفي عليهم كل شيء لانهم يراقبوا فيك ليهم وقت يعني راح يقتلوك زي عمي وامي لا يامريم مستحيل نخليك تجازفي ..
مريم : صعبة عليهم ياحلوة والا ناسية اني شن نكون حبيبتي اني عشت في الجحيم بعينه .. تعلمت الخنبة والخفة وحمل الاسلحة من لما كنت صغيرة .. وتعلمت الدفاع علي النفس يعني خافي علي نفسك مش عليا اني ...
الهام : مريم ارجوك تعودي من الشيطان وعيشي حياة طبيعية زي اي بنت ..
مريم ضحكت بحزن : للاسف فات الاوان ..
ريما : حرام عليك يا مريم تظلمي في روحك
مرت بوهم (مسعودة) : يابنات اني واثقة ان مريم راح تكون قدها
الهام : بس اني مش راضية بالي قاعد يصير انها تعرض حياتها للخطر لا
مريم : علي اساس انتم في امان يعني قتلك اني ننهي الموضوع بس خيرك معقدة الامور وبعدين من انتي حتي تحاسبيني
الهام : احترمي نفسك اني اكبر منك
مريم : مايهمش للعلم
الهام تكنطت : ديري اللي تبيه اني نصحتك وانتي حره
ريما شدت يد مريم : مريم ارجوك ساد بوي متكمليهاش علينا
مريم : صدقيني لصالحكم .. ولله راح يقتلوكم خلي ندير حل
وبعدين احمد معاي ماتخافيش
ريما : اوعديني انك راح تكوني بخير
مريم : وعد خلاص اني توا نستاذنكم اتأخرت
هلبا علي احمد ..
مسعودة حضنت مريم : ديري بالك علي روحك يابنتي ..
مريم شادة دموعها بالسيف : ان شاءالله
وطلعت جري للسيارة ..
أنت تقرأ
السارقة ( روايات ليبية )
Romanceالدنيا القاسية جعلتها سارقة محترفة و لكن سرقة من السرقات تقلب حياتها بعد ان وجدت الحب أمامها ؟ ما موقفها ؟ رواية تجمع بين الحب و الأكشن ؟ و البطل كارتة ❤️ للكاتبة : ميمي
