رواية بعنوان
#السارقة
الحلقة_7
مريم : ههههه وقت الحماس شكله بدي خلي نطلع نزيدها شوية اكشن
وفعلا حاولت تطلع بس الباب كان مسكر بالقفل
مريم : افففف الحيوانات سكروه عليا
قعدت ادور في شيء يمكن يفيدها لقت سلاح سالم طايح تحت السرير
ضحكت بشر .....
وفعلا خدت السلاح وصوبت علي القفل انفتح الباب طلعت لقت مافي حد
فرحت 😍😍
بدت تمشي بالشوي بالشوي ومرة مرة ترقص بهبل شكلها واخده جرعه زايدة من الحماس
😁😁😁
مؤيد يشوف فيها كيف تنقز وترقص بعبط ضرب يده علي جبهته البنت هادي بتجننه
مؤيد : علي وين ان شاء الله
مريم : افففف انت ياوجه النحس ضروري تطلعلي في كل مكان
مؤيد ابتسم بإستهزاء : لاولله غير قولي حق
مريم قلبت عيونها : والمطلوب يعني
مؤيد : شدي مكانك في الدار الدنيا مش امان
مريم : امممم باهي مافيش مشكله
مؤيد استغرب فيها اول مرة تسمع الكلام بدون مصيبة
مريم تبتسم بعباطة : هيييييي هيييي يامامي دارت روحها مخلوعه
وتشوف وراء مؤيد بخضة
مؤيد عقد حواجبة وتلفت للخلف بإستغراب
مريم شدت المنعه وبدت تجري وتضحك علي الغبي اللي صدق كدبتها
مؤيد يتحلف فيها وقعد يجري في جرتها
مريم وقفت من الجري قدام الباب
شافت حاتم ...
بس حاتم كان متعصب ويعيط بمعني منظره يخوف
من الخوف بدت توخر للخلف بخفة حست بيد التفت علي فمها وسحبتها
.................🌹...............
عند ريما ...
ريما : ياربي هذا وينه ليه ايام معاش دورني ولا اتصل بيا
والا لايكون ... لالالا مستحيل يسيبني هوا وعدني انه راح يكون معاي للنهاية ... ان شاء الله خير غيابك نستناك ماعندي غير الانتظار
وفعلا خدت كل مايلزمها من السوبر ماركت وطلعت
........................🌹...............
عند مروة ...
عايشة احلي لحظات حياتها في تركيا سياحة وشهر عسل وراجلها مش منقص عليها شيء مدلعها اخر دلع ..
هذا حال المحرومين
😂😂😂😌
بديت نغني ماتركزوش هلبا كاتبتكم ضربها جفاف😂
😎😎😎
..................🌹..............
عند مريم ...
حست روحها نسحبت جت بتعيط وقفها صوت همس في ودنها خليك ساكته اني احمد
مريم : ياوسخ استنيتك هلبا وبعدين وينك رائد بالاسم بس وسخ و خسيس كنت راح نموت
احمد : ماتموتيش انتي زي القط بسبع ارواح غير تعالي وانتي ساكته لانه واضح عليه متكنطي علي الاخير
مريم بتردد : احمد بنقولك علي شيء
احمد : توا مش وقته اجلي الشي ابتاعك لبعدين توا تعالي وراي ..
مريم : يعني مافيش اكشن
احمد : مافيش اكشن اكثر من هكي تعالي وسكري فمك شن جبتي معلومات والا حاجة عليهم
مريم بتفكير : اممممم تصدق نسيت ههههي
احمد ضرب جبهته : واحني علي شنو متفقين
مريم : احمد ولله نسيت خيرك ماتبيش تصدقني حتي انت ماكنتش قد كلمتك وجيتني متاخر هلبا يعني متعادلين
أنت تقرأ
السارقة ( روايات ليبية )
Romanceالدنيا القاسية جعلتها سارقة محترفة و لكن سرقة من السرقات تقلب حياتها بعد ان وجدت الحب أمامها ؟ ما موقفها ؟ رواية تجمع بين الحب و الأكشن ؟ و البطل كارتة ❤️ للكاتبة : ميمي
