رواية بعنوان
#السارقة
الحلقة_8
................🌹...........
احمد مروح بي مريم ..
مريم : احميدة بما انه اليوم اخر يوم في الاكشن كملها وسطرب بيا فرفشها ياعم ..
احمد : في احلامك خسرتيني الالاف سيارتي الغالية مشت رابش في جرتك تبي تشيكي حتي علي هادي ..
مريم تشوف برجاء : باليززززز يالزييييييز
احمد تأفف و قعد يسطرب بيها
مريم تعيط وفتحت الاغاني علي اخر تكة وطلعت من الروشن وتعيط ...
الكل يشوف بإستغراب خيرها هادي 😂😂😂😂
احمد يضحك عليها تحمس الاخ ولا يرقص حتي هوا زي الاهبل ...
مريم تصفر وتصفق حتي وجعها نساته ..
ميمي : مش عارفه شنو تركبيتهم😂😂
احمد وصل الحوش يكلكس وجوه يهبل والاغاني علي الاخير 😂😂😂
عند الهام ...
الهام : ريموو شنو الصوت هذا
ريما : كلاكس شن يعني
مسعودة قعدت تضحك : احساسي انها مريم مش عارفه علاش
الهام بحزن : مااضنش
ريما : صوت الاغاني اوفر هلبا والكلاكس لينا شكله خلي نشوف منو
مسعودة : تعالوا نشوفوا
الهام : شوفوا انتم اني ماخاطريش انوض
تفكر في اختها 💔💔
ريما مشت وتسبسب في صاحب الازعاج 😂😂😂
مسعودة فتحت الباب .. شافت مريم ترقص والناس تتفرج عليها مستغربين فيها
ريما فتحت عيونها بصدمة
احمد مكمل الدور ويرقص معاها ويصفق ومريم زي الهبله تنقز وتستعرض ...
الهام حستهم عطلوا خافت عليهم طلعت وانصدمت حتي هيا بالمنظر
ريما تنخص في الهام : هادي اختك ولا اني نتخايل ..
الهام : لالا مش اختي ربي يخلق من الشبه اربعين خشي بالك يابنت هدوم مهابيل ..
مسعودة ميته ضحك ..
ريما : بس اللي معاها يشبه احمد ولد عمي يعني هادي اختك ياغبية
الهام ضربت راسها وتكنطت : اني كل يوم حالتي حالة وحتي نوم زي الناس مايجيني ومحملة روحي المسؤولية اني خليتها تمشي في الاخير تجيني بالمنظر هذا
ريما : واني زيك مصدومه الحق قصدي اكيد صاير شيء اني متاكدة ..
مريم وقفت رقص وعبط ومشت تجري لي مرت بوها تحضن فيهاااا ...
مسعودة : مستحيل تعقلي يامجنونه هههههه
مريم : الله غالب نهاية الاكشن والادرينالين عالي ..
ريما : انتي يابنت شن دايرة في روحك وشن هالدوشة الناس تتفرج علينا راهو
مريم قلبت عيونها : ومن امتي نهتم بالناس انا اخر همي عموما واخيرا رجعت
الهام شدت يد مريم : علي وين
مريم : شنو علي وين بنخش نرتاح من امس ما ارقدتش
الهام شدت مريم وحضنتها : خوفتيني عليك ..
مريم شاده دموعها بالسيف
ريما حضنتهم حتي هيا : وينك يامريم شغلتينا عليك ولله حالتنا حالة
مريم : خلاص يابنات كل شيء تم توا الحمد الله تغلبنا عليهم وراح ترجع حياتنا زي قبل واحسن لاخوف ولاهم يحزنون ونقدروا نرجعوا لحوشنا
الهام : مريم هذا حوشنا مستحيل نرجع غادي تاني
ريما : واني نفس الشي مستحيل نرجع تاني
مريم : واني صعب نسيب حوشنا لو علي موتي
الهام : بليز مريم خليك معانا
مسعودة : اني راح نرجع مع مريم صعب نسيب حوشي 😞😞😞 هذا ماقعدلي من ريحة الغالي ..
الهام : ماشي براحتكم
ريما وصلها مسج شفاته فرحت علي الاخير
أنت تقرأ
السارقة ( روايات ليبية )
Romanceالدنيا القاسية جعلتها سارقة محترفة و لكن سرقة من السرقات تقلب حياتها بعد ان وجدت الحب أمامها ؟ ما موقفها ؟ رواية تجمع بين الحب و الأكشن ؟ و البطل كارتة ❤️ للكاتبة : ميمي
