رواية بعنوان
#السارقة
الحلقة_ 4
...........🌹..............
احمد : فنص عيونه يابنت اللذينا وقعد يتلمس في الموطو ... شدها من التشيرت وقامها فوق من وين جبتي حقة يابنت
مريم تضحك بعباطه : نزلني باش نقولك
احمد نزلها بعنف بعض الشي شبك يده وبصوت حاد شوي : تكلمي توا هيا ..
مريم ترقص في حواجبها : افردها شوية ياعم وقولي شن رايك في الموطو تحفه صح شن صدقت كلامي توا
احمد بصوت عالي شوي ويكرط في سنونه : قتلك من وين جبتي حقه لاخر مرة بنسأل
مريم : بالشوية ع سنونك توا ينكسروا اممممم ساهله سرقتهم شن الجديد يعني
احمد : شن قولنا احني يامريم
مريم امممم وبدت تبكي
احمد حن عليها : خلاص اسكتي معاش تبكي
مريم : انت عيطت عليا ....طبعا تمثل عليه كالعادة لما تتزرط تقعد تبكي وتخدع فيه بالبرائة المزيفة ..
احمد : خلاص بس اخرلك مرة تتصرفي هكي وبعدين صدقيني مش راح يسيبك صاحب الفلوس لان المبلغ مش شوية ..
مريم تضحك بغباء : ماتخافش عليا نعجبك وحش قدامك ..
احمد : الله يصبرني عليك وخلاص شن بنقول غير هكي
مريم : حول حول شوف هذكه شكله معبي خلي نمشي نقلبه
احمد شدها من يدها : فوتيه
مريم : انت عارف بوي مش راح يرحمني لو مانجيبش فلوس ومش عارفه امس كيف فاتني ....
احمد اضايق منها : اني عندي خدمه سلام دبري راسك ومشي وخلاها ..
مريم سرقت الراجل وركبت الموطوا بفرحه اول جولة ليها عليه .. فرحانه قريب تموت من كثرة السعادة دارت العار وهيا تعيط الناس كلها تشوفلها ومستغربين فيها .. وهيا مطنشة الكل وتسوق وتعيط.....
مشت للسريع وقفت مع اشارة المرور لانه زحمه مش لانها تبي توقف هههه عمرها ما احترمت القانون ..
شافت يمينها ولقت نفس الشخص اللي سرقاته ( مالك)
خافت يعرفها بعدين لمعت في راسها فكرة مجنونه وقعدت تضحك بشر
(( هيهيهي ولله جيت برجليك يامالك حظك ياحبيبي تحفه وجوي رايق )) ....
شافت للاشارة لقتها مزال شوية وتولي خضره سلبت الخودة وضربت مرش السيارة بيدها بطريقة مستفزة وطلعت لسانها بطفولية ودارت روحها حولة وقعدت ادير في حركات غبيه وعبيطة ....
مالك كان يتكلم في التلفون وشافها تحجر في مكانه جاي بينزل ماقدرش قعد يتحلف فيها ...
مريم وهيا ميته بالضحك تستفز فيه لبست الخودة وولت الاشارة خضرة ومدتله الوسطي🖕 وشدتها منعه ملقتاش وراها فرحت علي الاخير جذبها منظر البحر نزلت تتأمل فيه ...
علي حطت يد علي كتفها : حلو المنظر صح
مريم خافت من الصوت الغليض وتلفتت وهني كانت الصدمه نفس الشخص
مالك : انصدمتي صح
مريم : هههه صح لكن مش راح تقدر اديرلي شيء ..
مالك ابتسم علي جنب
مالك : علاش واثقة كل هادي الثقة اني مش راح نديرلك شيء بالعكس اني راح نوريك ايام اسود من سواد شعرك ..
أنت تقرأ
السارقة ( روايات ليبية )
Romanceالدنيا القاسية جعلتها سارقة محترفة و لكن سرقة من السرقات تقلب حياتها بعد ان وجدت الحب أمامها ؟ ما موقفها ؟ رواية تجمع بين الحب و الأكشن ؟ و البطل كارتة ❤️ للكاتبة : ميمي
