رواية بعنوان
#السارقة
الحلقة_9
...............🌹..............
مريم تتأفف : يعني اقل شيء قولي وين رافعني
مالك رقتله : انتي بالعه راديو خليك ساكته وبعدين شن تبي
مريم : من بكري نقولك تعبانه نبي نرتاح حرام عليك من الصبح واني نخدم
مالك رحمها : بنرفعك لامي تبي تشوفك ..
مريم عقدت حواجبها : امك ..
مالك : اي امي وصلنا يلا انزلي والا تبي انزلك
مريم طنشت كلامه ونزلت ..
مالك : الحقيني ومانبيش نسمع حسك
مريم تتأفف وتهمس : فوق منها متزوجني غصب وفوق منها يتأمر لكن دواك عندي .. ههههههاي اني تهددني بعيلتي جبته لروحك ياملوووكوو ...
مالك شاد ضحكته بالسيف : نسمع فيك للعلم وتوا نشوفوا من دواء عندي والا عندك وطالعة حلوة من فمك كلمة ملووكوو وغمزلها ..
مريم فاتحه فمها بصدمة كيف سمعها
مالك بقرف : سكري فمك الدبان خش وطلع وانت قاعدة فاتحه فمك
مريم بغل : كيفي هوا فمي والا فمك ..
مالك قرب منها
مريم بدت توخر تلقائيا
مالك بحب : شد خدها انتي كلك ملكي مش فمك بس
قرب عليها وباسهة من شفايفها
مريم فنصت عيونها لما باس شفايفها .. حست بقلبها قريب يطلع من مكانه .. حتي من الكلام هرب وخانها ..
مالك حس بيها : هههههه عارف روحي جننتك
مريم حكت راسها بأحراج : ياريت معاش تعاودها لانه عيب والمرة هذه سكتلك المرة الجاي..
مالك قام حاجبه وقطع عليها كلامها : ماكنتش نعرف اني صاحبك لا ياقلبي اني راجلك
مريم انحرجت ووجها تلون لاول مرة وتكلمت بتوثر : وين امك
مالك : تعالي معاي ..
مريم مشت وراه بصمت تتلمس في شفايفها وتبتسم
مالك شافها من المرايا ابتسم علي حركاتها وعجبة الوضع
وقف فجاءة
مريم نخبطت في ظهره : اييييي خشمي
مالك تلفت للخلف ..
مريم : كسرت خشمي ياغجري
مالك هز كتفه بمعني شن بنديرلك
مريم :حقدت عليه😂😂😂
مالك خبط ع الباب ..
خيرية : منووو
مالك : اني مالك
خيرية : تعالي خش ياولدي
مالك خش ووراه مريم
بمعني خيرية ماشفتهاش
خيرية : وينها ياولدي مش قلت بتجيبها معاك ..
مالك : وفعلا جبتها ياغالية .. مريم سلمي علي امي
مريم بعدت من خلف مالك وشافت مراة مقعدة حست براحه لما شافتها مدت يدها : اهلين اني مريم
خيرية شدت يدها وجدبتها لحضنها حضنتها بخفه : الله يبارك عليك
مريم انخلعت في الاول بس بعدين حست بالامان
خيرية : اهلين بي مرت الغالي مبروك زواجكم يابنتي
مريم انحرجت : الله يبارك فيك يا وسكتت
خيرية : يا امي
مريم : ابتسمت ياامي
خيرية : والله تمنيت انديرلكم عرس مطنطن تحكي عليه المدينة كلها لكن مالك حكالي كل شي
مريم اتذكرت ونزلت راسها هيا عمرها ماحلمت انها تتزوج لبال ادير عرس
مالك مقعمز معاهم بصمت ويراقب في كل تحركات مريم
خيرية : يابنتي هادي هديتي مع انها بسيطة بس مش غالية ع مرت الغالي
مريم عقدت حواجبها بإستغراب مش متعودة علي الاشياء هادي ..
خيرية فتحت بوكس بلاك مخملي وفيه دبلة راقية وباين عليها من الالماس
مريم مع انها مش متعودة علي الاشياء هادي بس حبتها وعجبتها هلبااا
خيرية شدت يد مريم ولبستهولها : مبروك يابنتي ان شاءالله غير عجبك ذوقي
مريم بخجل : بصراحه عجبني ماشاءالله الحق
خيرية : تسلمي وقعدت تدعيلهم بالذرية الصالحه
ومريم ميته خجلللل
مالك : ان شاءالله يارب
خيرية : شد حيلك نبي حفيد
أنت تقرأ
السارقة ( روايات ليبية )
Romanceالدنيا القاسية جعلتها سارقة محترفة و لكن سرقة من السرقات تقلب حياتها بعد ان وجدت الحب أمامها ؟ ما موقفها ؟ رواية تجمع بين الحب و الأكشن ؟ و البطل كارتة ❤️ للكاتبة : ميمي
