جَمَعتْنا الصِدْفَة

البارت-٨-

جَمَعتْنا الصِدْفَة

...

(بعد مرور ٤اشهر ): كانت العلاقة بين مريم و علي جافة بدون اي مشاعر و لا تواصل قوي مجرد نظرات وسلام فقط بينما كان ابو كرار و ام كرار يخططون كل هلمدة لشي علمود يغصبون ابو علي يزوج علي لمريم رغم عدم علم مريم بالموضوع و لا علي يدري طبعاً

٩:٣٠ صباحاً

علي/ گعدت على صوت صياح و عياط ركضت الهم جوة شفت ابوي يتعرك وية امي و شهد ، ها خير بوية ها
ام علي : انت اسمع ابوك شنو يگول ؟
علي : خير بوية شكو
شهد : يريدك تتزوج مريم اليوم
علي : ههه شبيكم جاي يتشاقة اكيد
ام علي : يا ريت هذا الزواج ما يتم حتلو على موتي
علي : بوية هذا الحجي صدك؟
ابو علي : بابا علي انت مو ردتهة قبل هسة اهلهة يقبلون ينطونة اياهة اكيد انت موافق والبنية مؤدبة و اخلاقهة عالية شنو المانع و انت عمرك مناسب للزواج
علي : بس انت يا تجبرني انة ما اريدهة هسة ولو مدري شيصير ما اريدهة انة اكرهة افهم اكرهة وهذا الحب جان قبل واندفن انت شكلك نسيت شسوت بية
ابو علي : هذا الزواج يتم و اليوم هم
ام علي : يتم بس على جثتي
علي : بوية افهم اني ما اريدهة وانت جاي تجبرني على وحدة بايعة روحهة علمود الفلوس انت نسيت اهلهة شسوو بينة نسيت شكالو علينه و طردونة من الباب تتذكر حجاياتهم لو اذكرك بيهن؟؟؟
ابو علي : خلص هذا الموضوع يتم و راح تتزوجهة و رجلك فوگ راسك، خلة و طلع من البيت
ام علي : اكيد ابوك معصب ما راح يجبرك على شي
علي : انتِ ما تسمعينة شيمضرط شهل حجي احنة بيا زمن عايشن وين اكو زواج غصب خير ؟؟؟؟؟ لو يموت ما اتزوجهة لو يموووت
حسن ( اخو علي عمره ٢٢ سنة يدرس صيدلة مرحلة ثالثة ): خير شصاير ؟؟؟
*محد رد عليه
منار ( اخت علي وهي گعدت البيت عمرهة١٤سنة و بالمدرسة): حسن اصعد اني احجيلك
حسن : تمام صعدت ، شكو ؟
منار : ابوي يريد يزوج مريم لعلي غصب وعلي ما يقبل يتزوجهة
حسن : بس هو يحبهة ليش ما يتزوجهة
منار : ما ادري بس سمعته يگول اني اكرهة
حسن : وانتِ فصعونتنة حاطة اذانج يمهم والله شيطان
منار : لازم اسمع لعد اني مو من هلعائلة
...

ام كرار : مريم تعاي اريد احاجيج
مريم : نعم ؟
ام كرار : اليوم راح تتزوجين علي
مريم : شنو ؟ نعم ؟ خيررر؟؟ شبيكم مصخنين ؟ 😂
ام كرار : لا الحمدلله كلش زينين وخليت الخدامة تودي المهر مالتج طلبتلج كلشي لا تخافين و خليتهم يرتبونة بغرفتج
مريم : هههه هاي شبيكم تخبلتوا و برأيكم اني موافقة مثلاً ؟؟؟؟
ابو كرار: اكيد موافقه انتِ تحبي اكيد راح تقبلين
مريم : بس هاي قبل جانت سوالف مراهقة هسة ما احبة ما احبة ومنو سمحلكم تتخذون قرار عني منو انتمم؟؟؟؟ اني ما اعتبركم اهلي اصلاً شلون تتخذون هيج قرار بدون علمي اصلاً و برايكم هم راح يتقبلون لو يوكلني خرا و يموتوني جوع بيوم وليلة اصير زوجة لابنهم خيرررر؟؟؟
ابو كرار: تنجبين وتاكلين تبن تتزوجينه ان رضيتي او ما رضيتي كل البنات الي بگدج تزوجن وانتِ باقية عانس على گلبي
مريم : لو تموت ما ازوجة لو تموت
ابو كرار : كضهة من شعرهة اذا ما تزوجتي راح اكتله واكتلج بدم بارد و گبالج هم و بس ترجعين زعلانة او تطلبين الطلاگ او توقعين لاوراق الطلاگ ولو مرة وحدة راح اكتلج و اكتلة وادفنكم بگبر واحد فاهمة ؟  و اسويهة صدك و تدرين بهذا حجيي يتنفذ (فتح الجرارة وطلع مسدس ) شوفي هذا افرغه براسه و براسج فاهمة!!!؟؟؟؟