جَمَعتْنا الصِدْفَة

بارت-١١-

...

٧:٤٠ صباحاً

مريم/
فتحت عيوني لگيت وجهي بوجه علي چان نايم ضليت اتأمل بوجهة مديت ايدي اريد اتلمس لحيته فجأة گعد
علي/
چنت گاعد اباوع بوجهه و حسيت بيهة بدت تگعد گبل قربت وجهي اكثر منهة وسويت نفسي نايم بقت تباوع وراهة حسيت بأيدهة گامت تتلمس لحيتي ، عجبتج؟ ، باوعت عليه بصمت وخجل
مريم: صباح الخير
علي : صباح النور
مريم / گمت من الفراش بسرعة ودخلت للحمام احس گلبي راح يطير من مكانه يا الله شلون مشاعري هيج متخربطة ساعة اعشقه ساعة اضوج منه وهو احس جاي يلعب بيه ساعة يعصب على كلشي اسوي وساعة يصير لين اووف ياربي خلصني من هلعذاب

......
( بعد مرور اسبوع ) : بقت معاملة علي نفسهة لمريم احتقار اشمئزاز اظهار للكره چانت كلشي تسوي يكسره وما ياكل من ايدهة اي شي ، اما حسن بقى يتقرب من مريم اكثر من الاول وجانت مريم تتونس وياه لان كلهم يكرهوهة و يحتقروهة بس هو ومنار .....اما شهد وامها لا هذول غير سالفة شوفوهة الويل بهذا الاسبوع

صباحاً ٧:٤٨

علي: هييي انتِ گومي
مريم : گعدت بگمزة لان گعدني بصراخ
علي : اليوم راح يجون بيت خالتي من اربيل علمود يباركولي تدارينهم زين و راح نمثل احنة متزوجين عن حب و انتِ حب الطفولة اي تصرف تشوفينه من عندي لا عبالج رجعت احبج فهمتي مو؟؟
مريم : هزيت براسي و رحت دخلت للحمام غسلت وجهي و فرجت اسناني و طلعت ،رايحة اساعدهم بالتنظيف تريد شي ؟
علي : لا
مريم: نزلت جوة ساعدتهم خلصت تنظيف صعدت اريد ابدل لگيت علي گاعد على اللابتوب مالته ، راح ادخل اسبح تريد تدخل ؟
علي: ما اريد
مريم : دخلت للحمام سبحت و طلعت بدلت ملابسي لبست فستان لونه ماروني يوصل للركبة  ووياه حزام بي فيكات على خصر اجت صبا دگت الباب ، تعالي صبا
صبا: وصلو الضيوف
مريم: نزل علي واني ضليت لان بعدني ما مسوية شعري نشفته ومشطته رفعته و نزلت كم خصلة من گذلتي ترست روحي عطر و لبست حذاء كعب اسود
علي: چنة گاعدين وية خالتي و وولدهة و بدينة نسمع صوت طگطگة مال كعب دخلت مريم بدخول مال اميرات على الرغم من البساطة بس طالعة تموت جمالهة يسحرك غصباً عنك
هشام : ( وهو يندس اخوه) هاي منو الحاته ؟
احمد: انجب لا يسمعك علي يمكن مرته هاي
علي : چنت گاعد وافور واني اسمعهم صح بس حجي بس احس اشتعلت شعل شهل لبس الفضيحة انه اعلمهة بس خل انفرد بيهة واني الج  بس حيل حلوة ما يصير هيج ضلت تسلم عليهم و باوست خالتي و بناتهة واجت يم الولد بدت تصافحهم ضليت احترگ حرگ وين كاعدين
مريم : ضليت اسلم عليهم شو علي بس يخزر بية خير شسويت هلمرة الله يستر ، بقيت گاعدة و سوالف وية بنتهم نرمين كلش خوش بنية وحبابة و عفوية صارت ساعة ١١:٤٠ تقريباً ترخصت منهم و گمت گامن وياي البنات چنة جاي نصب واجة علي صاحني رحت ورا يم الدرج اشو سحبني من ايدي وصعدني الدرج وهو يسحبني دخل للغرفة و صرخ بوجهي
علي : اگول انتِ تخطيتي حدودج
مريم : شكو شنو سويت هلمرة؟
علي: جاي تشوفين لبسج حتى خالتي گامت تحجي بس انتِ ثولة ما فهمتي السهم الذبته
مريم : ليش شبي لبسي ؟ و همين هاي حريتي ما يعجبك شي غض البصر عنه
علي : لا لبسج استغفر الله كلشي ما بي بس كلشي فاضحته باعي رجليج باعي صدرج كلشي طالع كلشي وين گاعدين بملهى
مريم : (بصراخ وهاي اول مرة اصرخ عليه ) شنو قصدك گاعدين بملهى قصدك اني وحدة ساقطة و مو خوش بنية وجاي اسويلهم اغراء ولبسي كله فاضح اذا هذا تفكيرك مو كلها نفس تفكيرك الخلل بيك مو بية اذا انت ما تتحكم بغرائزك اني مو ذنبي حريتي هاي محد اله حق يتدخل واذا ما عاجبك شي لا تباوع عليه ، ردت اطلع من الغرفة سحبني قوي من ايدي التفيت و وجهي قابل وجه بثواني من نظرات عيونه طفه كل الغضب الي بداخلي ضلينة هيج لفترة وواحد يباوع للثاني حسيت گلبي راح يطير احساس ما اعرف اوصفه هل هو حماس او خوف او فرح بس كلشي حلو اله نهاية ( الكاتبة: هاي حجاية علي ،مريم لا تبوگين😂)اندگ الباب و خربت اللحظة و خرت من عنده بسرعة و فتحت الباب
صبا: خانم اذا فيكن تعالو نزلو لتحت مشان الاكل لا بيبرد
علي : تمام صبا نزلي واحنة هسة نجي
مريم : خفت يرجع يتقرب مني طلعت من الغرفة بسرعة
علي : باوعتله وهي خجلانة نزلت وراهة واني اتبسم
ام احمد ( خالة علي ): وين چنتوا يمة تأخرتوا
مريم : اني من سمعتهة ضليت ابلعم ما عرفت شحجي بس الحمدلله تلاحگهة علي 
علي :  خالتي چنت اريدهة تشوف العصافير واگفة على الشباك لان هي تحبهن