جَمَعتْنا الصِدْفَة

البارت-٩-

                جَمَعتْنا الصِدْفَة

...
علي: وصلت للبيت دخلت للغرفة باوعت عليهة فارشه بالارض و نايمة يلة تولي لو يغزر جان ما نامت وانا الكاعد الوم بروحي و ست الحسن نايمة بسابع نومة

الساعة ٧:٢٠ صباحاً

علي : هي انتِ كومي سوي ريوگ وية البنات
مريم : تمام ، دخلت للحمام غسلت و بدلت ملابسي و نزلت اساعدهم ، ما جان المفروض يصير هيج حالي جان المفروض اليوم اسعد يوم اليوم اول يوم عرسي جان لازم ما اشتغل لان عروسة جان لازم افرح بس الزمن سواهة و خربلي عيشتي بيوم وليلة ، ضليت احضر وياهم و نصب واجتي شهد
شهد : هاي شنو تسوين هنا ؟؟
مريم : جاي اسوي ريوگ وية البنات ( الخدامة تحديداً )
شهد : ومنو سمحلج تدخلين للمطبخ اكو واحد عتب عليج وگلج تعاي و سوي ريوگ احنة ما ناكل من جوة ايدج انت فد وحدة ما تستاهلين اخوي و راح تطلعين من هذا البيت راح تطلعين
مريم : درت وجهي عنهة وكملت شغل استقبلت الي گالته بسلاحي الي هو الصمت
شهد : ( وهي تدورهة عليهة) مو احجي وياج حيوانة
مريم : شنو تردين ؟
شهد : استغفر الله باع هاي انتِ والله ما تستحين و عينج صلفة
مريم : اذا ما عندج شغل بالمطبخ روحي گعدي على الطاولة واني هسة اجيب الاكل
شهد : الله يصبرني عليج و يصبر اخوي على هيج نماذج ، طلعت ورحت گعدت على الطاولة مال طعام جانو كلهم گاعدين
مريم : اجيت واني جايبة صينية بيهة مواعين الاكل وردت اوزعه على الطاولة
حسن : هاي شنو جاي تسوين ؟؟
مريم : جاي اجيب الاكل
حسن : بس انتِ عروس واحنة عدنة مساعدة فبناتنة ما يستغلون منو كلج روحي اشتغلي ؟
مريم : باوعت على علي و باوعلي بخزرة تجاهلته ، هاا اني ردت اي ردت اساعدهم
حسن : تعاي گعدي يم زوجج و البنات يحلونهة لو شافج ابوي اكيد راح يعصب
مريم : ضليت واگفة خايفة اگعد و يصرخ عليه هذا المخبل باوعتله هو باوعلي وما اهتم گلت خلص راح اگعد و شيريد يسوي خل يسوي .گعدنة و بدوا ياكلون واني مالي نفس بالاكل صارلي من امس ما ماكلة شي بس ما اشتهي ضليت بس العب بالشوكة و ما اكلت
منار : مريم ليش ما تاكلين ؟
مريم : لا جاي اكل
منار : باعي ماعونج ما ماخذة منه لگمة وحدة
ابو علي : شنو عمو ما عجبج الاكل
مريم : لا لا كلش طيب بس ما مشتهية الف عافية ، عفتهم ياكلون وصعدت للغرفة شفتهة كلش مزعبلة گلت خل التهي بيهة و انظفهة لميت  الزبل ورتبت الجراباية وشفت ملابس علي مطشرات يمكن من بدل طشرهن گعدت اصفط بيهن و هو دخل
علي: انتِ شگاعد تسوين ؟؟؟
مريم : جاي الم ملابسك
علي: جريتهة من مقدمة ملابسهة ورفعتهة عن الكاع، و منو سمحلج تتدخلين بخصوصياتي هاي اول مرة واخر مرة اذا لگيتج كاضة شي يخصني ما راح تشوفين خير
مريم : وخر ايدك عني جاي تاذيني
علي : اوه اوه اسف اسف ست مريم جاي ائذيج
مريم : باوعتله و بدون جواب و لا سوال ولا كلمة طلعت من الغرفة ، نزلت جوة شفت صبا( خدامتهم ) تريد تصعد و بيدهة گهوة ، هذي المن ؟
صبا : هيدا لعلي افندي فيكي تاخدي و بتصعدي لانو الطبخة علنار
مريم : تمام انطيني اياه ، اخذت الصينية و صعدت فتحت الغرفة جان گاعد على المكتب مالته
علي : منو گالج جيبيلي گهوة؟؟
مريم : تريدهة لو لا ؟ ، طگت الصينية و خلى الكهوة تتبده علي و تكسر الكلاص احترگت ايدي باوعت عليه بنظرة بلكي تتحرك مشاعره اذا جان يكرهني ما لازم يعذبني لان اني هم مجبورة ما يدري سويت كل هذا علموده طلعت من الغرفة بسرعة
علي : انة طگيت الصينينة ما جنت ناوي ابديهة عليهة من احترگت ايدهة ردت اگوملهة بس نظراتهة شعلت النار بگلبي رغم الى الان احس بگلبي يدگ الهة بس ما اگدر اوخر الحقد الي عاميني
مريم : نزلت جوة و ايدي توجعني ما اعرف شنو احطلهة ( لا تكولون صيدلانية ترة بعدنة ما متعلمين شي )
حسن : اهلاً بصديقتي شجاي تسوين ؟
مريم : اريد اطلب منك شي ولو راح اتعبك
حسن : افف افف شنو هذا الاسلوب برايج هذا اسلوب مال اصدقاء ؟
مريم : ههه تمام راح احجي زين بس ترة اني وحدة خبلة احتمال تتندم انك خليتني ابينلك اسلوبي الصدگ
حسن: 😂😂 يمة هسة تكتلني هاي الخبلة ، ها صدگ شنو ردتي ؟
مريم : ها اي ردت شي احطه لايدي
حسن : هاي شبيهة ايدج ؟؟؟؟
مريم : ايدي صعدت اودي الگهوة لعلي و يعني ووو... اي  اقصد عثرت و تبدت على ايدي
حسن : انتِ ما تعرفين تجذبين ، شنو صاير ؟ شلون تبدت ؟ علي بداهة عليج
مريم : لا لا مو هو اني عثرت
حسن: زين ايدج الثانية باعي شلون زرگه ولج خاف بيهة شي امشي اوديج للدكتور يشوفهه
مريم : لا لا عادي ما بيهة شي هاي قديمة
علي / جنت نازل و سمعت حجيهم صدمتني ليش ما گالتله ليش تستر عليّ للمرة الثانية
حسن : اها تمام هسة اروح اجيبلج مرهم من علبة الدوة الي بغرفتي تعاي انطيج اياهة
مريم : تمام ، رحت وراه و صعدت الدرج و شفت علي باوعلي و اني باوعتله وخرت عيوني منه و صعدت وية حسن
حسن : تعاي دخلي شبيج مستحية
مريم : ها لا ما مستحية
حسن : انطيني ايدج
مريم : لا ما يحتاج اني احطلهة
حسن : لا تعاندين نسيتي احنة اصدقاء و اصدقائي من يتأذون لازم اداريهم مدي ايدج ، مدتلي ايدهة و عقمتهة وحطيتلهة مرهم و لفيتهة بباندج ، اها خلصنة خو ما تأذيتي
مريم : لا ما تأذيت شكراً
حسن : ما اكو شكر بين الاصدقاء
..
علي/ ورما صعدت مريم و حرگتني بنظرتهة صعدت لغرفة حسن جان الباب مفتوح اشوف حسن شلون تعاملة وياهة و يهتملهة وشلون هي فرحانة بهل اهتمام ، حسيت بتأنيب الضمير لان حرگت ايدهة بس يبقى ما اكدر اسوي شي لان بعدني حاقد عليهة لان خربتلي حياتي للمرة الثانية واسلوبها و سكوتها يخليني افور و اشيط وما اسيطر على اعصابي

حسن : علي ليش واگف هنا ، اهاا جاي تشوف حبيبت الگلب مو
علي : حسن بلا تمسلت ، مريم تعاي وراي
مريم : جاية  يلة حسن اني رايحة ، دخلت للغرفة
علي : شنو چنتي تسوين بغرفة حسن ؟ صايرة تفترين بالبيت على راحتج عجبج مو شرايج اسجلة باسمج كلش تحبين الفلوس انتِ
مريم : طلبت من عنده ينطيني مرهم لايدي
علي : اشو تردين من ورة خشمج احجي عدل لا تشوفين شي ابد ما يعجبج
مريم : ( بعد هل معاملة كلهة شنو اشوف مثلاً ؟ ) سكتت و ما رديت عليه
علي : احجي وية الحايط فهمتي شنو جاي اكول لو ما تفتهمين الا بالضرب ؟
مريم : باوعتله وهزيت راسي باشارة فهمت
علي : يلة انقلعي من وجهي
مريم : طلعت من الغرفة ما عرفت وين اروح واني منبوذة بهذا البيت اروح يم امه لو يم شهد هه علمود يراووني الضيم ، نزلت جوة جانت عمتي كاعدة بالصالة قررت اطلع للحديقة لان ما عندي حل ثاني عبرت من الصالة و صاحتني الغضب الي الله ذبه عليّه
ام علي : ها خانم تفترين بالبيت على مزاجج بس كون استمتعتي و ارتاحيتي امر خدمة تردين چاي گهوة
مريم : ضليت بس اباوعلهة حتى ما ادري شنو ارد سكتت
ام علي : ها بلعتي لسانج يا حرامية
مريم : بقيت ساكته و حاولت انسحب من الصالة للحديقة طلعت احس مثل الحمامة الي جانت بقفص و فتحولهة اول باب من السجن حسيت براحة اكثر ضليت گاعدة و اتنفس بعمق لان احس روحي چنت مخنوگة بهذا البيت صح هي الحديقة تابعة لهذا البيت بس على الاقل مو يمهم چنت گاعدة  واحس نذب سطل مال ماي عليه ، اييي شنو هاي ، انت!!؟؟

.....
خلص البارت
ادعموني بالنجمة 🥺♥️♥️✨✨✨✨✨
احبكم كومات😊♥️♥️♥️♥️♥️♥️♥️♥️💛💛💛💛💛💛💛💛💛💛😻😻😻😻😻😻😻🥺🥺🥺🥺🥺🖤🖤🖤🖤🖤🖤🖤🖤🖤🥰🥰🥰🥰🥰🥰🥰🥰🥰🥰🥰💚💚💚💚💚💚💚💚💜💜💜💜💜💜💜💜💜💜😻😻😻😻😻😻😻😻😻😻😻💜💜😻💜💜💚💚🌿💋💋💋♥️♥️♥️♥️