داخل قاعة كبيرة تضم مئات الاشخاص .هذا يتحدث مع هذا . وهذا يتحين الفرصة لعقد صفقة مع رجل اعمال ناجح . وهذا وهذا وهذا....
فجأة يعم السكوت المكان ويتسلط الضوء علي منصة الحفل حيث تضهر فتاه لا تتجاوز الحادي والعشرين من عمرها تطل بمظهرها وجاذبيتها التي تذيب القلوب حيث شعرها المسترسل الذهبي الذي يتخظي ظهرها بمراحل وقوامها الممشوق وعيونها التي يتغير لونها بحسب مزاجيتها و بشرتها البيضاء كالثلج مع غمازتيها الظاهرين دايما بسبب ابتسامتها التي لا تفارقها
كان يدور حوار صحفي موجه لتلك الفتاه فكان الكل منصت و يتستمع ويدون ما تتفوه به هذة الفتاه لانه سيكون عنوان رئيسي في الكثير من الصحف والمجلات
احد الصحافيين : طبعا حضرتك غنيه عن التعريف لكن يهمنا النهاردة اننا نعرف ازاي وصلتي لكل دا ومين كان ليه الفضل ف تكوين شخصيتك ؟؟
الفتاة : اولا انا بشكركم علي الترحيب دا
ثانيا انا وصلت ازاي لكل دا فاجابتي هتكون الاصرار .. الاصرار علي فعل الشئ وتحقيق النحاج
اما شخصيتي دي تعود لعيلتي هما اللي دعموني وكانوا دايما بيشجعوني علي المثابرة ولولاهم مكنتش واقفة هنا النهاردة
صحفي أخر : حضرتك برغم سنك الصغير ازاي قدرتي تحصلي علي دكتوراه في جراحة القلب وكمان الكانسر والطب النفسي .. دا غير الهندسه والبرمجيات والحقوق . بالاضافة للمواهب اللي عندك زي الرسم والعزف علي الات موسيقيه متعدده والغناء .. ازاي قدرتي توصلي لكل دا وازاي قدرتي توفقي بين وقتك وانك تدرسي اكتر من تخصص في وقت واحد
الفتاه : النجاح شغفي وانا اتعوت ان لما اكون عايزة حاجة بوصلها فاني انجح واكون رقم واحد دا شئ اتعودت عليه من صغري
وبعدين دا كله يرجع للطموح والهدف وتنظيم الوقت . ومش تنظيم الوقت بس لا كمان نعرف نستغل وقت الفراغ بطريقة صحيحة وكمان محتاج مثابرة ومجهود وصبر
احد الصحفيين : تقريبا الكل عارف انك عيشتي ودرستي في نيويورك بس اللي مستغربينه ان ليكي صداقات متعددة هنا في اسكندريه وبتتعاملي مع الكل عادي رغم مركزك ومركز عيلتك ودرجتك العلمية فأيه السبب في دا ؟؟
الفتاه : ان اعيش وادرس في نيويورك دا مايمنعش اني مصريه ولا وكمان صعيدية وانا اساسا اجتماعية بطبعي . وبعدين انا ضد حكاية الطبقات دي والفروق الاجتماعية كلنا واحد وكلنا بنكمل بعض
صحفية اخري : زي ما حضرتك ما قولتي انك اجتماعية . يعني مفكرتيش انك ترتبطي ؟؟
الفتاه : الارتباط والحب دا شئ مش من ضمن مخططاتي حاليا . بس الله اعلم ايه ممكن يكون في المستقبل
وتوالت الاسئله والفتاه تجيب بكل ثقه ووضوح .
وفي نهايه الحوار ووسط تصفيق الجميع تخرج الفتاه بثقة و كبرياء ورأسها مرفوع للاعلي ولما لا وهي تكون ( نورسين ماجد المنياوي ) ابنه اللواء الشهيد ماجد المنياوي . غير عائلتها التي تتميز بحسن خلقها رغم ثرائها الفاحش ومركزها المرموق فلكل فرد بها مركزة الخاص ورغم ذلك يتعاملون بكل تواضع مع الاخرين ..
علي الجانب الاخر في منطقة لوران في قصر اشبه بقصور الملوك من حيث التصميم والثراء تجلس عائله امام التلفاز تتابع هذا الحوار باهتمام بالغ . واثناء ذلك نجد نورسين تقبل عليهم بابتسامتها المعتادة
نورسين : يا مساء الجمال علي احلي عيله خلقها ربنا
اشرف : مساء الفل والياسمين علي احلي نورسين في الدنيا
نورسين : حبيبي انت يا شيري 😘
اشرف : يا بت بلاش شيري دي افتكري اني عمك وكمان وزير الداخلية 😣
نورسين : ولو ايه يعني علشان وزير مدلعكش يا شيري ولا انت بتحب الدلع من ماهي بس 😜😜
اشرف : ههههههههههههه قفشاني انتي دايما
نورسين : امال دا نور يا شيري 😂😂
وبعدين ايه يا جودعان مفيش سلامات ولا تحيات ولا ايه .......
ماهيتاب : ما احنا مستنين عرض العشق الممنوع دا يخلص علشان نتكلم
نور : ايه دا ايه دا ايه دا ماهي بتغير ولا ايه ......
ماهي : هغير علي ايه بلا وكسه
نور : ههههههههه قصف جبه جامد دا يا شيري
اشرف : بقي كدا يا ماهي بتشمتي البت دي فيا
نور: لا لا لا ماتقولش كدا يا انكل انا شمتانه من زمان اصلا
اشرف : بقا كدا ي نور طيب ما...... وقبل ان يكمل حديثه قطعته حبيبه بكلامها
حبيبه : بس ايه انتوا ما بتصدقوا تتفتحوا وبعدين انت يا اشرف اللي يشوفك وانت في البيت ما يشوفكش برا
نور : بيبه قلبي وحبي مالك يا ست الكل متعصبه ليه مش فرحانه ببنتك يعني 😟😟
حبيبه : لا طبعا يا قلب ماما انا فرحانه وفخورة بيكي جدا
نور : حبيبتي انتي يا ست الكل ... وبعدين قولولي هما فين العيال وولادكم دول بيختفوا بيروحوا فين
اللي ما في حد فيهم جابلي هدية ولا حتي حتته شكولاته
وهنا يظهر صوت من خلفها .. بقي كدا يانوري احنا عيال
تتلتفت نور خلفها وتتفاجئ باحب اشخاص علي قلبها
نور : يا هلا يا هلا يا الف نهارين مرحب
ريمون : حبيبت قلب اخوها كانت منورة الشاشة النهاردة برافوا عليكي يا حبيبتي
ستيفن : حبيبي الصغنن يا ناس اللي ابهر العالم بنجاحة
نور : سيفو وريمو حبيباتي بس ايه ياعم انت وهو الف مبروك دي حاجة معنويه وانا بحب الماديات
يوسف : حبيبتي تربيتي يا قمر
نور : امال
بيتر : ايوة طبعا لازمن ولا بد تاخدي حقك كدا ناشف
ريمون : لازمن ولا بد وناشف خسارة التربيه اللي ضاعت
يوسف : الله يا جدع مش لازم البت تبقي واعية ومصحصحة للحقوقها
ستيفن : واعية و مصحصحة لا انا لازم اعيد تربيه نور تاني
حبيبه بحدة : خلاص خلصتوا ولا لسه
بيتر : ايه دا ست الكل زعلانه ليه . وجري عليها وقبل يدها
حبيبه : مش زعلانه يا حبايبي في حد يشوفكم ويزعل
اشرف : سيدي يا سيدي علي الدلع اوعدنا يارب
ماهي : بتقول حاجة يا اشرف
اشرف : بقول جعان يا حبيبتي مش هناكل بقا
يضحك الكل عليه وفي هذا الاثناء تدخل الخادمة عليهم وتبلغهم بان العشاء جاهز.
......يبتع......
أنت تقرأ
لعشقها سجين ( نورسين )
General Fictionالحياه مثل مسرح كبير لكل فرد دور يجب ان يؤدية بكل اتقان واثناء ذلك يجب علية الاندماج مع الشخصيات الاخري . فيتأثر بهم ويتاثرون به .لكن الشخص الناجح هو من لا يدع الظروف تتحكم به وتشكله وتحطم ارادته .بل هو من يقهر كل شئ ويشكله حسب ارادته ...
