بدأ بيتر و يوسف عملهم في ورشة منصور بكل جد فكانوا يتلقون كل ما يمليه عليهم منصور بكل اهتمام و اخيرا استطاعا ان يتعلموا ابجديات هذه للمهنه
كانوا يعملون و كانت النظرات تتابعهم عن كثب منها نظرات متسائلة عن هذين الغريبين
و نظرات هائمة ... فكانت نظرات البنات و لا سيما النساء هائهة بهم و بوسامتهم الفتاكة
و هناك نظرات حاقدة و مترقبه ايضا ... فكان حسانين يتابعهم بأهتمام و قلق ايضا .. فهو حتي الآن لم يعرف عنهم اي شئ
ثواني و حضر مصطفي حامل معه الاخبار
حسانين بخشونه : عملت ايه في الكلفتك بيه يا مصطفي
مصطفي بجدية : جبتلك اصلهم يا سيد المعلمين
حسانين بنفاذ صبر : ما تقول و تخلص و لا محتاج عزومة
مصطفي ببعض الخوف : الاتنين اخوات توأم واحد اسمة سليم و التاني اسامة و ابوهم اسمة جابر السيد
مقطوعين من شجرة و تربية ملاجئ و لما كبروا طلعوهم من الملجأ .. ... و محيلتهمش حاجة لا شغله و لابيت و لا اي حاجة خالص... و صعبوا علي الحاج منصور لما شافهم في الجامع و عرف حكايتهم فأجرلهم ورشته و شقته الفاضية
أومأ حسانين برأسة براحة مردفا : متأكد من الكلام دا و انهم مش مدسوسين علينا من البوليس او اي حد من التجار اللي بينافسونا
مصطفي : عيب يا سيد المعلمين هو انا اول مرة اجيب قرار حد ..
حسانين : عندك حق ... بس احنا لازم ناخد احتياطتنا برضو العملية الجديدة ميعادها قرب و لو وقعنا الكبير مش هيرحمنا
مصطفي ؛ متخفش يا معلم هتم زي اللي قبلها
حسانين : كلم خليفة و حنفي و قلهم يفوتوا عليا علشان نروح للكبير علشان نرتب كل حاجة ... وانت كمان اعمل حسابك هتروح معايا ...
مصطفي : وجب يا سيد المعلمين ...
واخرج هاتفه و هاتف المدعو خليفة و حنفي يخبرهم بكلام حسانين .. ثواني و التفت الي حسانين
مصطفي : كل تمام يا سيد المعلمين ...
اومأ له حسانين برضا و اكمل تفكيرة الشيطاني و تخطيطة لهذه العملية
كانت المعلومات التي جلبها مصطفي لحسانين ما هي الا المعلومات التي اوصلها له محمد بطريقة او بأخري عن بيتر و يوسف حتي يأمنوا لهم و لا يشكوا فيهم
________________________________________
في مجموعة شركات المنياوي ... كان ستيفن منكب علي عمله حتي ينجزه فها هو منذ رحيل الجميع عنه لتنفيذ مخططهم و هو استلم ادارة جميع الشركات
كان يعمل بجهد حتي لا يلاحظ احد غياب اخوته ... ولا يؤثر هذا الغياب علي عملهم ...
ثواني و استمع طرق علي الباب .. فسمح للطارق بالدخول
دخلت شرين ممسكة بفنجان من القهوة و وضعته امامة علي المكتبة
أنت تقرأ
لعشقها سجين ( نورسين )
General Fictionالحياه مثل مسرح كبير لكل فرد دور يجب ان يؤدية بكل اتقان واثناء ذلك يجب علية الاندماج مع الشخصيات الاخري . فيتأثر بهم ويتاثرون به .لكن الشخص الناجح هو من لا يدع الظروف تتحكم به وتشكله وتحطم ارادته .بل هو من يقهر كل شئ ويشكله حسب ارادته ...
