اشرقت الشمس بنورها تعلن عن صباح جديد مليئ بالتفاؤل والسعادة وايضا لا يخلو من المرح والمزاح
استيقظت نور علي اثر نسمات الهواء التي تداعب وجنتيها في حين دق المنبه الخاص بها بنغمته المميزة ... استفاقت و توجهت الي مرحاضها واخذت شور و ارتدت ملابس بيتية مريحة و خرجت من غرفتها وتوجهت الي غرف اخوتها حتي توقظهم . وفي طريقها تقابلت مع والدتها
نور : صباح الجمال والحنان علي احلي حبيبه
حبيبه : صباح النور يا قلب حبيبه ..
نور : شيري وماهي صحيوا ولا لسه ؟؟؟
ضحكت حبيبه واردفت : اللي متأكدة منه ان ماهي صحيت بس شيري الله اعلم
ضحكت نور وقالت : مادام ماهي صحيت انا كدا اتاكدت ان شيري انه صحي وصحي وصحي كمان ههههه
ضحكت حبيبه واردفت : ربنا يستر عليه وينزل سليم . انا مش عارفة هيبطلوا مشكساتهم امتي
ضحكت نور ووجهت كلامها لوالدتها : مامي انا هروح اصحي العيال ولادكم اوك
حبيبه : ماشي يا حبيبتي وانا هنزل هشوف الفطار لحد ما تنزلوا
وتوجهت حبيبه الي اسفل حتي تشرف علي اعداد الفطار . وفي اثناء ذلك توجهت نور حتي تستكمل مهمتها وها هي امام غرفة اخيها الاكبر ريمون دقت الباب و دلفت للداخل . كان ريمون قد استيقظ
نور : صباح الفل والياسمين علي احلي ابيه في العالم .وركضت اليه واحتضنته
ريمون وهو يستقبلها في احضانه بحنان اعتادت عليه من الجميع : صباح النور والهنا والسرور علي حبيبتي و قلبي الصغنن دا يا ناس
نور: ايه يا عم انت والواد اللي اسمة ستيفن بتناموا اخرنا وسبحان الله بتصحوا اولنا الهم والباقي علينا
ريمون : يابت انا مش عارف بتجيبي الكلام دا منين اللي يسمعك يقول متربيه في الشارع مش أمريكا
نور وهي تشوح بيدها : ياعم ماتدوقش وخلي البساط احمدي
ريمون : ماتدوقش واحمدي ... بس انا عرفت مين السبب في التغير الجذري اللي حصلك دا وليا تصرف معاهم
نظرت له نور بتوجس واردفت : بتفكر في ايه يا ابيه مش مطمنالك انا
ريمون : مادام قولتي ابيه يبقي قرأتي افكاري
نور : اممممممم ربنا يستر بقا وملبسش اسود قريب
ريمون : يارب يا حبيبتي حد عارف
وظل الاثنان يضحكا الي ان قالت نور بقولك يا ريمو اسيبك انا بقي كمل تمرينك وخد شور و البس وابقي اشوفك علي الفطار . سلام بقا لسه عندي جولة طوووويله
ضحك ريمون وقال : ماشي يا حبيبتي وربنا معاكي
ارسلت له نور قبله في الهواء وضحكت علي كلام اخيها وذهبت لاستكمال جولتها المعتادة
امام غرفه ستيفن فهي تلي غرفه ريمون دقه نور الباب و دلفت وهي تقول بابتسامتها المشرقة صباحو مسك وعنبر يا قمر وركضت الي احضانه
ستيفن وهو يستقبلها في احضانه ويردف من بين بابتسامه جميله : صباحو الماس علي عيون حبيبتي احلي الناس . واكمل حديثة قائلا : حبيبي اخبارة اية النهاردة
نور : كله تمام وتحت السيطرة يا سيفو
قهقه ستيفن علي كلامها واردف : مادام تحت السيطرة فربنا يستر
ضحكت نور علي كلمات اخيها واردفت : بما انك صحيت اسيبك بقا واروح للمهمه الصعبه . سلاموز بقا
ستيفن : من ناحيه انها صعبه فصعبة ربنا يوفقك يا قلبي
ضحكت نور واستدارت حتي تغادر لتكمل مهمتها الصعبه وتوجهت الي غرفة بيتر و دلفت للداخل بدون ان تطرق علي الباب لعلمها بان اخيها مازال يغط في نوم عميق
دخلت وتوجهت ناحية فراش اخيها واردفت : استعنا علي الشقا بالله وما ان انتهت من جملتها حتي صرخت بصوت عالي : بيترررررررررررررر اصحي يا بيبووووووو اصحي
استيقظ بيتر من نومة مزعور وهو يقول : في ايه مين قتل مين ومين ولع في مين انا فين وانتوا مين
وهنا لم تتمالك نور نفسها وانفجرت في الضحك علي اخيها .
مرت دقائق حتي استوعب بيتر الامر وان ما حدث لا يكون سوي مقلب من مقالب اخته المعتادة . هدء من روعه ثم نظر اليها وهو يبتسم وقال : يا صباح الشمس اللي منورة يا قمر انا كدا اتاكدت ان اليوم كله فل الفل كمان
ضحكت نور وجلست بجانب اخيها واردفت : يا صباحو مسا علي الناس الكويسه
قهقه بيتر عليها واردف : صباح المسك علي الناس اللي بتتعلم بسرعة
ضحكت نور وقالت : بمناسبه الناس اللي بتتعلم بسرعة دي احب احذركم ان ريمون وصله هذا الخبر ويتوعدكم .....
بيتر : يا نهار اسود وابيض داخلين في بعض ... ربنا يستر ويجيب العواقب سليمة
نور : انا حذرتك اهو بحق الاخوة اللي بينا
بيتر وهو يكاد ان يبكي : اخوة ... حصر علي الاخوة اللي هتروح بلاش مع التايجر اهئ اهئ اهئ
قهقت نور واردفت : انا كدا عملت اللي عليا . اما اروح اشوف يوسف والحق احذرة قبل القطر ما يفوت ... سلاموز يا قمر وارسلت له قبله في الهواء
بيتر : سلاموز يا قلب القمر . وجلس علي الفراش وهو يتنهد و عقله يصور له ماذا سوف يفعل به ريمون ومن ثم ذهب الي المرحاض حتي يستعد للنزول
ذهبت نور الي غرفت يوسف و فتحت الباب ودلفت وهي تجري وتصيح يووووسف اصحي يا يوووسف
يوسف : استيقظ يوسف من نومة مزعور وهو يقول : في ايه مين مات
ضحكت نور علي اخيها وقالت : اصحي يا سوسف بقي مش كل يوم تجيبولي التهاب حنجرة
استفاق يوسف ونظر اليها وهو يبتسم ويقول : صبح صبح يا عم الحاج
نور وهي تضحك : صبح صبح يا عم الحج ههههه ثم استكملت اه صح بمناسبه صبح صبح دي ريمون شكله دا ناويلكم علي نيه سودة بسبب الكلام البيئه اللي بتعلمهولي دا
يوسف : بيئه الله يرحم دادي يا اوختي هههههههه
نور : بص انا عملت اللي عليا وحذرتكم وانتوا احرار بقا
يوسف : استني كدا هو الكلام دا بجد ولا ايه
نور وهي تومأ له بالموافقة : اينعم و جد الجد كمان
جلس يوسف وهو يمثل البكاء ويقول : يعيني علي شبابك اللي راح هدر يا شبه
قهقت نور واردفت : ماتقلقيش يا اوختي كلنا لها ومن ثم اكملت حديثها يلا بقا قوم البس وانزل علشان نفطر
يوسف : ايوه صح عندك حق لازم الواحد يتغذي كويس محدش عارف ايه اللي هيجراله علي ايد التايجر اهئ اهئ اهئ....
ضحكت نور وقالت : ايوة يلا وانا هسبقك وانزل اصبح علي شيري وماهي سلام يا سوسفيتي
يوسف : سلام يا روح سوسفيتك ... ومن ثم توجة الي المرحاض حتي يستعد للنزول
أنت تقرأ
لعشقها سجين ( نورسين )
General Fictionالحياه مثل مسرح كبير لكل فرد دور يجب ان يؤدية بكل اتقان واثناء ذلك يجب علية الاندماج مع الشخصيات الاخري . فيتأثر بهم ويتاثرون به .لكن الشخص الناجح هو من لا يدع الظروف تتحكم به وتشكله وتحطم ارادته .بل هو من يقهر كل شئ ويشكله حسب ارادته ...
