كرونيك بعنوان : اغتصابوني فظلمته 💘

2

الحلقة 2
وبينما هي قاعدة تفكر في كاش حل حتي شافت طونوبيل حبست قدامها فيها راجل وزوج نسا بالجلباب والنقاااب ....خزر الراجل فيها وقال : البيس مراحش يجي وليل قرب واكي تعرفي الظلمة كي تجي واش يجي معاها ارواحي نوصلك في طريقي
هديل تحكي
انا قاعدة نفكر في كاش حل حتي جات طونوبيل وحبست قداامي كان فيها راجل وزوج نسا مغطيين وجهم ...خزر فيا وهدر هدرة مفهمتهاش لانو في الحقيقة كنت مركزة مع زينو يااااربي هدا مين جا هاذا عبد من عباد ربي ولا كاش جني 😍😍
واش نقول وواش نخلي جااي بيض بزااف وشعرو وعينيه  في النوااار الغاامق عندو لحية خفيفة وباين عليه عندو لاطااي باختصاار كوور وديكور 😍
المهم فطنت من احلام اليقظة علي صوتو وهو يقلي : واش مدنوزال وين راه عقلك
جيت رح نقلو  ونتا خليت فيا عقل بصح الحمد لله شديت روحي 😆😆😆
وهبطت راسي كنت رح نقلو لالا مي كي شفت النسا المنقبات قلت في بالي بلي مافيها وااالو واصلا معنديش حل وحداخر ..شكرتو وطلعت في طونوبيل وياريتني ماطلعت ياريتني بقيت الليل الكل برااا ولا طلعت ياليت وياليت .....ومعندها متفيد من غير التمني
مهم قعدت اللور قدام المرا بيسك المرا لخرا كانت قاعدة القداام
سقساني السيد علي عنوان دارنا فقتلو ******* تبسم وقالي هاد عنوان في طريقنا .....تبسمتلو وشكرتو وبعدها قلع الطونوبيل ...اخر شي شفتو هو تبسيمتو ووجهو وبعدها محسيتش بروحي ولا بواااش صرااا
حاسة راسي ثقيل ومش قادرة نحرك جسمي حليت عينيا بالشوي لقيت الطبا وعايلتي مداورين عليا ....يما عينيها بالدموع وبابا بالخوف

وخاوتي يسقسو في طبيب علي حالتي مي الكل نصدمو والخوف لي في عينيهم راح وولا الشرر يطاير منهم بعد مسمعو الطبيب يقول : الحمد لله علاسلامتها وضعها مستقر ومعندهاش اضرار جسدية كبيرة بصح لازملها....
20 جام  💘💘