كرونيك بعنوان : اغتصابوني فظلمته 💘

18

الحلقـــة 18
شديت باتيسري وكلتها 😍 ممبعد طلستهالها علي وجها. 😂😂 دارت شنوفة رحت قربت ليها باه نراضيه عاودت خلفتهالي وطلستهالي علي وجهي بقينا نضحكو ونقصرو وحنا فرحانين حتي جات وحد المرا وقاتلي باغية نحكي معاك فؤاد معليش دقيقة
مكنتش حابها تحكي قدام هديل لهاد الشي
ديتها ورحت باه نتفاهم معاها
هديل تحكي
كنت قاعدة مع فؤاد قلبي حتي جات وحد المصيبة لابسة القصيو والمعري كثر من المغطي قاتلو حابة نحكي معاك وهو كي الشادي 🐒 تبعها
بقيت منرفزة في بلاصتي ممبعد جات في بالي فكرة عبقرية وهي انو نروح نتجسس نضت نتبع فيهم ومرة نمشي مرة نتخبا كي الجرذ 😒🐀🐀حتي وصلو ووصلت معاهم للحديقة تع الاوتال لي فيه الحفلة شفتهم يهدرو ممبعد قربت ليه وباستو بوسة طويلة انا مقدرتش نكمل وليت رحت بالخف نجري ولسوء الحظ لمكاش اسوء منو كي كنت هاربة تعثرت وطحت شافني فؤاد وتخلع جا يجري ليا وكان باين بلي ملهوف ومقلق عليا ..انا تصنعت بلي رجلي راه يوجع باه نهرب من هداك الموقف ومن أسئلتو .وهاذ لي صار رفدني بين يديه وداني للطونوبيل وقله بيت للدار غير وصلنا ويشوفني فتحت الباب بالخف وقلعت نجري للدار وليت انا نجري وهو يجري ورايا ويقلي رجلك رجلك يا هديل راه يوجع
بصح لا وقت للكلام كملت هروبي كي الحصان 🐎 وهو ورايا كي الكلب 🐕 محبش يحبس حتي وصلت للشومبرة غلقت باب بالمفتاح وطحت. علي الارض وقعدت نبكي ونشهق وهو يطبطب بالقاوي ويقلي افتحي ويعيط. وهوا يقلي واش بيك ...السيد الغبي ابو عقل فستق مزال مفهمش بلي راني طايحة فيه لوووووف
المهم كي ملقاش مني تجاوب راح جاب مفتاح الاحتياط وفتح الباب ودخل
مي دخل جا يجري ليا نوضني وبدا يمسحلي في دموعي ويحاول يسكتني وانا غير نزيز فيها حسيت بلي خسرتو خلاص ...خسرت شي لي كنت عايشة علاجالو ...لواش.....
20 جام حبوباتي 💘💘✌