كرونيك بعنوان : اغتصابوني فظلمته 💘

16

الحلقة 16
وبينما انا غارقة في تفكير سمعت دقديق علي باب عرفت بلي فؤاد ..فؤاد روحي وقلبي جا نضت نجري خزرت في المرايا 😘 وعدلت جلستي فوق السرير وقلق بصوت رقيق تفضل وقعدت نستنا فيه يدخل 😍
اتحمحم ودخل انا شفتو ووجهي رسم تبسيمة كبيرة 😃 ...وبعد التحية والسلام قالي كاين ضياف جاوك حابين يشوفوك وراهم يستناو فيك في صااالة وخرج
ستغربت شكون لي رح يجي يشوفني مي تبعتو هبطنا وكانت الصدمة تاعي كبيرة كي شفت بابا ايمن ويوسف يما ....دمعة طاحتلي مي مش من خوف مي من الفرحة فرحت كي شت يما هبطت نجري ليها ترمين في حضنها وقاعدة نبوس فيها وانا نبكي ماما زادت عنقتني وبدان تبكي بالشهقة وتقلي توحشتك ياالنتي توحشتك قلبي محروق عليك ....قعدت معاها طمنتها عليا وقلتلها كيفاه عايشة مع فؤاد وكيفاه راه متهلي فيا فرحت كي سمعت خباري ودعاتلي ربي باه يخليلي راجلي ويحفظنا لبعض ويرزقنا الذرية الصالحة وانا قاعدة نقول غير امين امين امين 😇😇😇
ممبعد خزرت في فؤاد لقيتو يتبسم انا حشمت هبطت راسي حتي سمعتو قالي انو باباك وخاوتك حابين يهدرو معاك
بابا : اسمحيلي يا بنتي والله ظلمناك بزااف راه فؤاد ورالنا الفيديو وشرحلنا كل شي سامحينا
ايمن : علابالي بلي معنديش حتي الحق باه نطلب منك السماح بصح اسمحيلي ياختي العزيزة ياريتها تقطعت يدي قبل منمدها عليك
يوسف : انا كنت عارف بلي محال تعنلي هداك الشي بصح مكانش عندي الشجاعة باه ندافع عليك عارف روحي مش راجل ومنستهلش انك تكوني ختي
خنقتني هدرتهم تفكرت واش صرا معايا دموعي طاحو قلتلهم يسامحكم ربي فوق هاد الشي معندي مندير وجريت لعند فؤاد حضنتو وطلبت منو انو يخرجهم وانا قريب نطرطق من البكا
خرجو وخلاوني وانا بقيت حاضناتو وهو يمسحلي علي شعري حسيت بامان كبيرة وراحة مكاش كيفها كنت فايقة واش......
20 جام 💘💘