كرونيك بعنوان : اغتصابوني فظلمته 💘

12

الحلقة 12
تضرب في صدري وهي تشهق محسيتش بروحي غير وانا حاضنها
هدنت شوي ممبعد كي فاقت بعدتني عليها وهي تعيط بالقاوي وتقول متمسنيش متمسنيش متزيدش تمسني واش وقيل راكي ناوي تعاود لي درتو
انا في ذي دقيقة صح تنرفزت شديتها بالقاوي وقلتلها اسمعيني قبل ماتحكمي
خافت مني وسكتت وهدنت روحها انا زدت قعدت حذاها وقلتلها :
اسِمٌْعيَنَيَ بلا متقاطعيني وبعدها رح تتغير نظرتك ليا
هزت راسها بمعني ايه اما انا فكملت هدرتي وقلت
هيه مشي انا لي اغتصبتك صح انا درت بزاااف حواايج مشي ملاح في حياتي بصح جامي لا تعديت علي طفلة ولا درت علاقة مع وحدة في الحرام
في هداك اليوم كي شفتيني في طونوبيل كنت مهرب هدوك النسا لي كانو معايا او بالاحري مهرب هادوك الزوج رجال لي كانو معايا ...ايه متستغربيش هادوك المتجلببات المنقبات رجال مشي نسا ويكونو صحابي كانو لاعبينهالي كنت داير في بالي بلي يحبوني ويخافو عليا كنا الروح بالروح وكثر من خاوتي بصح اتاهموهم بالسرقة والقتل وحكمو عليهم مؤبد جاو ليا وقالولي بلي راهم مظلومين انا صدقتهم مكنتش قادر نكذبهم لانو دايرهم كي خاوتي تربيت معاهم
مهم دبرتلهم كيفاه يهربو من بلاد وكنت موصلهم للبابور باش يهربو في اابحر وكان لازم يتخفاو باه ميعرفوهمش علا ديك لبسو الجلباب
ركبتك معايا وصح كانت نيتي اني نوصلك لداركم بصح الكلاب غدرو بيا وبيك
كنت ماشي في طريق. وكي وصلت لبلاصة خالية  شفت واحد منهم غملك فمك حتي تغاشيتي قتلو واش اك دير
قالي بكل حقارة سلعة تبان بنينة وحاب نذوق مش قادر نصبر
حبست طونوبيل وخرجت كنت رايح نضربو ونبعدو مي خدعني لاخر وطالي ضربة للراس تغاشيت بعدها ومحسيت بحتي شي الا وانا في سبيطار
وهوما دارو رايهم فيك وهربو
بعد مفطنت حوست عليك وعليهم هوما لقيتهم ودك راهم مرميين في الحبس ونتي .
20 جام 💘💘