كرونيك بعنوان : اغتصابوني فظلمته 💘

9

الحلــــقة 9
فطنت ودموعي علي خدي بعدت عليه بالخف وليت نرعش ونبكي بالشهقة خزر فيا ممبعد خرج من شومبرة وخلاني
انا مافاهمة وااالو كنت من قبل حابة نقلو بزااف هدرة ونلومو كنت حابة نقتلو مي كي شفتو راحتلي كامل القوة تاعي انهرت حسيتو تعدا عليا للمرة الثانية كيفاه يتزوجني بهاد الطريقة واش حاب مني حاب يكمل واش بداه ولا يصلح غلطتو بّصّحُ انا محااال نساامحو بقيت نخمم حتي داني نعاس ورقدت
ومع فطنت لقيتو واقف في البالكو وحاطلي الفطور فووق المايدة قدام السرير
شفت في الفطور لقيت معاه سكين باه نقطع بيها الفاكية رفدتو وتوجهت للبالكو كنت حابة ندي حقي منو كنت حابة نقتلو ونتهنا من خليقتو ..وصلت ليه جيت رح نخبطو وفي ديك الدقيقة دار ليا بالخف شدلي يدي ورمالي الموس بعيد ...بديت نخبط فيه في صدرو ونقلو علاه علاااه درتلي هكا فاش غلطت معاك علاه دمرتلي مستقبل تاعي وحرقتلي قلبي وخليت كامل عايلتي تكرهني
مي السيد مهدر والو مشا وخلاني نندب وحدي خرج من شومبرة وغلق عليا باب وراح
انَا تنرفزت هادا واش في عقلو علاه يعاملني هك هو لي غلط هو لي ظلم هو لي خسر واغتصب وراه يتصرف كلي مدار والو
جازت علي دي الحالة 20 يوم وانا غير نسب بابشع الالفاظ فيه  ونضرب حتي اني زدت حاولت نقتلو وسببتلو جرح كبير في يدو وكسرت كامل قش لوتال وهو متقبل كل شي وساكت ودايرلي علي خاطري ومدايرلي والو
انا يأست منو وفقدت الامل انو يحكي وليت تهدنت وموليتش ندير مشاكل وليت نظل ساكتة وطول الوقت دموعي علي خدي حسيت روحي بلي منسوااش وبلي راني لعبة يمشوني كيما يحبو كرهت روحي وكرهت الدنيا حبست الماكلة والما وبعد 3 ايام ...ضعف جسمي بزااف وموليتش قادرة نوض ولا نتحرك وكي راني في فترة الوحم زاد هلكني هاد الشي
كان فؤاد * عرفت اسمو من عند خويا يوسف قبل العرس..
20 جام 💘💘💘