كرونيك بعنوان : اغتصابوني فظلمته 💘

8

الحلقة 8.
صح كبير عليا مي رح يخرجني من هاد القبر وبلاك يرجعلي الحياة حمدت ربي ورقدت ..
جاز اليوم تالي وانا بغرفتي راقدة وغدوة من داك لحق اليوم الموعود
بعثلي راجلي لي مزال معلاباليش واش اسمو  لاغوب بلونش مع الشوفور لي رح يديني للحفافة
مكانش من حقي نرفض هاد الشي لانو بابا وافق بيسك. لي راح يديني  كان مصر علي هاد الشي واهلي وافقو علي كل لي طلبو لانو همهم الوحيد كان انو يتهناو مني ومن عار لي رح نجيبولهم كون نبقا معاهم
مهم رحت للحفافة تزينت كيما اي عروسة وخرجت هبااال مع المكياج فانا بطبعي شااابة وكي زدت تزينت وليت نهبل لي يخزر فيا يخلي عقلو عندي لي تدخل للحفافة تصلي علي نبي
انا بلوندا شعري في االاصفر عينيا كبار مشفرين  وخضورا فمي غووز خدودي مليانين وموردين جسمي متناسق ومنحوت
وزدت كي لبست لاغوب بلونش وليت كي الاميرة تع قصص الخيال
المهم انا كملت عيطت للشوفور جا داني باه نعقد وكان موراه بزااف طونوبيلات يعني كورتاج لانو بابا ثان قام بالواجب وبين للناس بلي راه فرحان باش حتي واحد ميشك وصلنا ....جا هبطني بابا بالبرنوس وانا مهبطة راسي عقدنا وفتحنا .......داني عريسي ورحنا للاوتال
كان لابس برنوس ومغطي وجهو طول الوقت بصح قلت معليش اصلا معندي مندير
وصلنا للاوتال هبط وانا هبطت موراه نكركر في روحي بالسيف وصلنا للغرفة دخلنا قعدت فوق السرير وهو مقابلني وواقف بديت نشكر فيه وقتلو ربي يجازيك الخير علي لي عملتو معايا وبينما انا نهدر كي الكسيطة ونشكر فيه ومهبطة راسي من الحشمة
السيد مقال والو مي وقف قابلني ونحا البرنوس علي راسو وتبسملي انا قريب مت. في هاديك اللحظة فالشخص لي اغتصبني لي قتلني ودالي شرفي واقف قدامي واقف وهو يتبسم الارض دارت بيا محسيتش بروحي غير وهو يرش فيا بالما * تغاشيت 😢*
فطنت .......
20 جام البنات 💘💘💘