كرونيك بعنوان : اغتصابوني فظلمته 💘

5

الحلقة 5
مانيش فرحانة بيه ومعلاباليش اذا رح نقدر نتقبلو في حياتي ولالا مي مش حاباتو ينضر ولا يموت لانو هو ضحية كيفي ومعندو حتي ذنب
بابا وخويا خزرو فيا ممبعد تبادلو نظرات غريبة مفهمتهاش قربو لبعضاهم يتهامسو بشي مسمعتوش ....
كنت متوقعة انو يضربوني يقتلوني يشرشحوني مي مدارو والو ....
خزر فيا بابا وقالي نوضي البسي حوايجك نروحو للدار
انا استغربت من هاد الهدوء مي درت واش قالي نضت لبست حجابي وخماري وخرجت نتبع فيهم ركبنت في طونوبيل وخويا قلع بسرعة جنونية حارق الطريق 😑😑وانا قاعدة غير نفكر في هداك الشيطان لي عمل فيا هاد الشي ملقيتش سبة اصلا انا منعرفوش علاش يدمرلي حياتي ...حابة ننساه وننسا وجهو ننسا تبسيمتو لي تبسمهالي كي طلعت معاه في طونوبيل مكنتش حابة نزيد نتفكرو اما دكا راني حامل بوليدو ومراح نقدر نديرلو والو لانو هو وليدي انا ثان قطعة مني ومن روحي ........******************************
وصلنا للدار حبس انا خفت لانهبط مي جا فتحلي الباب وشدني من يدي خرجني بالقاوي وقعد يكرر فيا وبابا يسب وينعل فيا. ....دخلنا للدار قعدوني فوق الكرسي وخبرو يما وخويا يوسف بالحكاية
يوسف كان متعاطف معايا شوي مي مقدر يدير والو لانو هو الصغير وكلمتو متمشيش خبط يدو علي الحيط وخرج برااا
اما بابا فقال : هاد الوسخ لي راه  في كرشك لازم تنقيها منو باسرع وقت ممكن
بقيت نخزر فيه ومش فاهمة شي صح بابا قاسي بزاااف وراه يعاملني كي العدو مي متوقعتش منو يطلب مني نقتل روح بريئة معندها حتي ذنب
انا هبطت راسي وسكتت
تنرفز عليا وعيط بالصوت القاوي وقال فهمتي يا الرخيسة
هنا انا مقدرتش نسكت محال نوافق انو غلطة الكلب يخلصها وليدو لي مزال مجاش للدنيا محال نخليه ينحرم منها قبل ميشوف النوور
طلعت راسي خزرت في بابا وخويا بتحدي وقلت ....
20 جام حبوباتي  💘💘