كرونيك بعنوان : اغتصابوني فظلمته 💘

3

الحلقـــــة 3
بصح لازملها تٲهيل نفسي. باش تتجاوز الصدمة لانها تعرضت للٳغتصااب بوحشية
في هادي الدقيقة حسيت روحي خرجت مني الدنيا ظلامت في عيني تسمرت في بلاصتي دموعي طاحو علي خدي وفي ذي الدقيقة
خرجني بابا وخاوتي من السبيطار بالخف يعني قبل ما الشرطة توصل وغير وصلت للدار طاوني طريحة تع كلاب وتفننو في تعذيبي بكل الوسائل ٳتاهموني بانو هاد الشي مكانش اغتصاب وانو صرا برضايتي اتهاموني اني سلمت شرفي بيدي ....كٲنو ميعرفونيش كٲنو  انا مش بنتهم وختهم لي تربيت معاهم وبين يديهم خرجوني من القراية ومن داك اليوم وانا عايشة كي الخدامة لاماكلة كي ناس لا رقاد كي ناس لي يجوز عليا يبزق عليا ويضربني عازليني في شومبرة وحدي مفيها لافراش لا والو راقدة علي الارض ناكل الخبز اليابس والما نسيت حاجة اسمها شمس وحرية كنت عايشة كلي درت جريمة لا تغتفر مع انو انا الضحية انا لي نظلمت انا لي نقهرت انا لي شرفي واغلي حاجة عندي راحت انا لي تخرب المستقبل تاعي انا لي بين ليلة وضحاها تبدلت حياتي وتكسرت كل احلامي ووليت خدامة في دار بابا لي المفروض نعيش فيها معزة مكرمة مشي مذلولة مدمرة
مهم عشت علي هاد الحال 20 يوم وجازت عليا كلي 20 عام وكثر وكنت نخمم غير في هداك الرخيس لي نهشلي جسمي بلا رحمة صح مكنتش في وعيي ومحسيت بحتي حاجة مي دكا كي عرفت وشفت واش صرالي بسبتو كرهتو هيه كرهتو متمنية نزيد نشوفو ونقتلو ايه حابة نقتلو باغية نضربو بموس نقطعلو قلبو لي ميحسش وميرحمش باغية نضربو بمسدس نفتحلو راسو لي ميفكرش ياااه كون نشوفو برك والله لنشربلو من دمو قلبي لي مكانش يعرف الكره كرهو لحد السما السابعة وكثر قلبي لي مكانش يعرف الحقد حقد عليه لدرجة كون نشوفو يتحرق وفي يدي كاس ماء نشربو وليت ندعي عليه صبح وعشية وفي كل صلاة كل منسجد ......