أحلامنا و النصيب

الفصل الثامن

《8》

قاطعها خالد وعيونه فيهم نار: مش حياخدك حد غيري يا نور..
نور نصدمت من كلام خالد و نظرة عيونه اللي كلها اصرار عليها وعلى كلامه...
مشى خالد و خلا نور واقفه مكانها ..وهي حايره فيه و مستغربه من كلامه .. رجعت و قعمزت جنب ساره اللي كانت غاارقه في تليفون نور ...
ساره:شنو كان يبي منك ..
نور:قالي مش حياخدك غيري ...

ساره ما كانتش متفاجئه لانها فهمت خالد من عيونه انه نور عاجبته هلباا ...
ساره: كنت عارفه انه معجب بيك ..
نور :شنو معجب ما معجب .. يعني مالقاش الا اني من دون البنات اللي يعرفهم.. بعدين انتي تعرفيني نوعية خالد مانحبهاش .. اني نبي عماد وبس ..
ساره: يمكن يبي يضمك لقائمته ..
نور سكتت تفكر في كلام ساره و تصرفات خالد..
شوي و ناضت ساره ..
ساره: تو انجي فيه بنت نبي نمشيلها و نجيك..
هزت نور راسها و كملت باقي تفكيرها في خالد اللي قاعد يخش لخاطر نور و قلبها باصراره و تصرفاته و غيرته غصب عنها ..

مشت ساره لوحده من القاعات ..كتبت رقم عماد في تليفونها..و رنت عليه ...
رد عماد:الوو ..منو معاي
ساره:مرحبا دكتور عماد..اني ساره
عماد:منو ساره؟
ساره: صاحبة نور ....
عماد:اها .. تذكرتك ..نور عطاتك رقمي؟
ساره:لا بصراحه ..اني اضطريت نسرقه منها ..
عماد:مافهمتش؟!
ساره: دكتور عماد ..انت شخص طيب و ممتاز ولانك دكتورنا المفضل اللي كلنا نحبوه ..تهمني مصلحتك..
عماد:شكرا على كلامك ..بس شنو مصلحتي مافهمتش..
ساره: مانقدرش نحكي ع التليفون .. هوا موضوع مهم و يخصك انت و نور... ممكن نجيك للمكتب ..
عماد سكت يفكر شوي بس الفضول خلاه يوافق اتجي لمكتبه و تقابله ....
............................
مشت مرام لجوري و حكتلها على اللي بين نادر و منار..
جوري بهزوه: هههههه مستحيل اكيد تبصري..
مرام:اقسم بالله مانبصرش..خليهم لبعضهم و ياسرك تخريب...
جوري: هههههه تعالي تعالي ...

وقفت جوري و تبعتها مرام لين وصلو لمنار اللي كانت مقعمزه في الساحه تراجي في خوها باش تروح ..
جوري بصوت عالي سمعوه الكل: هييييه انتي يا باندا .. شدي صاحبتك الهبله ومعاد تخليها تطلع اشاعات..
منار: احترمي نفسك ماتقوليش على صاحبتي هكي..
جوري:هههههه يعني معترفه انك باندا ههههه
منار سكتت .. كانت تبي تمشي ..
جوري: سمعتو يابنات ..قالت نادر يكلم في منار و يحبها هههههه تصدقوها هادي ... نادر الغزيل و البقره هادي...
منار وقفت استفزتها بكلامها و تلفتتلها: ايه .. موووتي بحسدك ...
جوري:واثقه شكلك هههههه
طلعت منار تليفونها و فتحاته على مسجات نادر و رقمه اللي واضح و جوري تعرفه ...
انصدمت جوري ..بالصدفه كاين نادر و صحابه جايين جيهتهم يبو يروحو...
جوري:نادر ..نادر.. انت كنت تلعب عليا .. عقابها تفضل عليا اني جوري بنت زي هادي ...
نادر عرف انه جوري عرفت بكل شي ..كانو كلهم يشبحولا حس بموقف محرج ..منار كانت تشبحلا تراجي منه انه يوقف معاها قدام الطالبات و اصحابه ..
بس خاب ظنها فيه و صدمها....