《7》
تفاجئو خالد و نور لما شافو بعضهم في الجنان..
خالد: انتي شنو اتديري هني..
نور:انت شنو تدير في حوشنا 😧
خالد:حوشكم😮..قصدك انتي اخت نسرين؟
نور:و انت من وين تعرف اختي نسرين؟
خالد:اني خالد ..خو يوسف 😁
نور وملامحها كلهم صدمه: قصدك اختي خدت من عيلتك ؟
خالد:وخيرها عيلتي🤨...؟
نور:قصدي .. انت متع بنات و مش كويس ...
خالد قعد يضحك على كلامها ..
خالد:بس خوي مش زيي اطمني 😏
سمع خالد صوت حد بيطلع من المربوعه.. مسكها من يدها ومشى بيها بسرعه جنب الحوش باش مايشوفهاش حد .. لما وصلو سحبت نور يدها منه بسرعه و بعصبيه..
نور:كيف تتجرأ تمسك يدي انت واحد..
قاطعها خالد بصوت واطي: سكري فمك و نقصي صوتك تو حد يسمعك ... اني بعدتك عن المربوعه عشان شكله فيه حد بيطلع منها.. نبيش حد يشوفك هكي ...
نور: و خيرني ...
خالد و عيونه عليها من فوق لتحت ونظرته هايمه
خالد بصوت هادي: مشفشفه ، و لابسه بيجاما ،وحفيانه، تهبلي ..
انتبهت نور لروحها و تذكرت منظرها:حي شعري بلا وشاح حي بلا مداس حي بيجامتي ...
فاقت لروحها و مشت تجري..وعيونه تلحق فيها..
خالد: محلاهاااا.. تقتل ... وهي سرافه احلى من منظرها في الكليه 😍😍
خشت نور للمطبخ و عقلها سارح و ترعش..
زينب:وين النعناع..
نور:هااه..شنو ..
زينب:النعناع ...
نور:نعناع شنو .... آآ نسيته..قصدي فيه حد برا ماقدرتش انجيبه .. راجيته نبيه يمشي ما مشاش .. رجعت..
زينب: ياعار بنات الناس ..عمري ماقلتلك ديري حاجه و درتيها ...
نور خشت للدار و قلبها يدق ..وعيون خالد و حركاته و كلامه كله بين عيونها... شوي و رن عليها عماد.. ردت عليه و قعدت تهدرز معاه و مزال خالد بين عيونها...
..........................
كملت هند غداها و خشت للدار تاخد في حبوب منع الحمل ... خش عليها حامد ..
قاللها:هما حبوب شنو مريضه انتي؟
ديت الحبوب بسرعه ... و تغير وجهها
هند:لالا مش مريضه ..راسي بس ..
حامد قرب منها و باسها على راسها ..مسك يدها ..
حامد:سلامتك حبيبتي ... ارتاحي انتي توا يبرا راسك..
هند:لالا بنوض نغسل المواعين..
حامد:لالا ما تمسي شي ..تو اني نضفهم و انحطهم في الغساله متع المواعين ...ارتاحي انتي بس ..
سكتت هند .. حط دراعه على كتفها ..وصلها للسرير و غطاها ..طفا الضي و مشى .. قعدت هند تبكي بحراره ضميرها يأنب فيها على حامد و معاملته الكويسه معاها ..تمنت لو انها تعرفت عليه بدل اسامه ..
هند وهي تبكي:امتى ننساك يا اسامه ..امتى 😭
...........................
منار كل يوم تزيد تتعلق بنادر اكثر و نادر حاس بالذنب .. يبي يوقف لعب معاها و يخليهاا ...
نادر ع الواتس :منار ..احني لازم نفترقو ..
منار:علاش ..مستحيل يانادر ..اصلا شنو السبب
نادر:من غير سبب ..
منار:مستحيييل .. اني مانقدرش بلاك يانادر
نادر:معادش نقدر يا منار ..خلاص خلينا نفترقو
أنت تقرأ
أحلامنا و النصيب
Roman d'amourدائما ما تتعارض أحلامنا مع نصيبنا ، نحلم و نتمنى و نرغب ، ولكن للنصيب رأي آخر ..
