فاتي : (كتسكت فيها ) واصاحبتي ... راه عمري نخليك انا راك الحب ... راك عارفاني ... مكنمشيش لدوك البلايص ... راني محجبة زعما و نتي عارفة لي كاين ... ص : اهئ غير هاد المرة عافاك ... غير ساعة ... اهئ بليز ... و لا عرفتي شنو انا غنمشي راسي ... (بغات تخرج و هي تشدها فاطمة ) ف : اووف غير رجعي انا انديك ... لاحول ولا قوة إلا بالله ... شحال ديال ذنوب غندي ... ياربي تغفر ليا ص : واصافي متخليينش نحس بالذنب ... سيري لعين الذياب سيري ... ف : هاهي غادة ... يوبي غنمشي نشط شوية ... هزيت طيلي و عيطت لماما قلت ليها غنتعشاو اتا و فاتي برة ... و وافقات بالطبع حيت حتى خويا قاليها غيجي معطل.... بدلت اللون د العكر ... وقفنا قدام البواط ... كانت يالاه بدات تعمر ... شدينا طبلة و فاتي مسكينة متقززة ... جا نادل طلبت قرعة د الفودكا و هي خدات غير كانيط د كوكا ... ف : وا الزبل مالك على قرعة كاملة دابا دخلنا عليك بالله ... فاش غتسكري ... كيغندير ليك انا واس مكتفكريش.. . ص : متخافيش دمي ثقيل ... ماشي اول مرة ... راني عارفة شكندير اصاحبتي ... ف :الله يخرج هاد الليلة بيخير... جا نادل و جايب معاه طلباتنا ... غير حط ديك القرعة ... و انا نبدا كاس ورا كاس ... فاكمة تخلعات ... بدات واحد أغنية عزيزة علي ... نضت نشطح ... كولشي باغي يقرب ليا ... كاع لي تما عينيهم علي شحال من واحد دابا عراني غير بعينيه ... ذئاب بشرية ... و لكن أنا مهمني حد ... انا باغة غير نشط و صافي ... شطحت حتى سخفت ورجعت حدا فاتي ... خويت كاس آخر ... حسيت بيها تخلعات مني ... ف : صفاء باراكة عليك اختي ياللاه نمشيو الله يعطيك الستر ... ص :(شبه سكرانة ) بلاتي ... غير شوية ... رحعت لقريعتي ... حتى بدات كتنغز فيا فاتي ... ص :تي مالك شنو بغيتي ... ف : (مصدومة ) خوك قدامنا ... ناري كحلناها اهئ .... ص : (حسيت بالتبوريشة فاش قالت سميتو ... سحيت لا إراديا ... مبغيتش نزيد نكحل معاه دوسي ... حيت فايت حالف علي ... ) صافي تهدني ... كتشوفيه .. ؟ ف : اه مقابل معانا ... هو و شي دراري ... ص : حضري راسك باش ميقشعكش.. ف : واخا .... و ناري قلبي غيوقف .. فهاد الأثناء... ياسر كان واقف مع صحابو ... صاحبو 1 :تا ورق اصاحبي ... محجبة فلابواط .... فاش سمع هاد الكلمة مشا بالو ديريكت لفاطمة ... حب حياتو ...لي كيعشقها و لكن مقدرش يصارحها ...كذب إحساسو ... فاطمة ميمكنش تحي لبحال هاد البلايص ...
البنات كانتمنى تتفاعلو معايا. ..راه لبارت وأجد ..فنادركم اش بيطراا لصفاء ..واش ياسين بيكون الشك نتاعو فمحلو؟؟
أنت تقرأ
القبلة المثيرة
Romanceسلام البنات ليوم جبت ليكم واحد القصة قصيرة كنت قريتها أو عجباتني داكشي باش بغيتكوم حتى نتوما تقراوها....هاد القصة كاتجمع بين محبوبة الجماهير ولي هي السفالة والتفرشبخ ومانساوش الحب لي كايلعب الدور الرئيسي
