القبلة المثيرة

20

أصبحنا و أصبح الملك لله فقت كنحس براسي كيضرني ... طليت على لؤي لقيت راهنا مخشيين فأحضان بعضنا البعض ... حسيت بواحد الحنان ... ماليه مثيل تفكرت البارح ... حسيت بنغصة فخاطري ... هبطوا دموعي لا إراديا ... خليتهم كينزلوا ... حيت نفسيتي كنحس بيها مزال متضررة ... و بزاف ... الوحوش البشرية كثروا ... فاق لؤي ... لقا دموعي هابطة شاف فيا نظرة حسرة كأنوا كيندم راسو ... مسح ليا عينيا بلطف ...و دوا لؤي : صباح خير حبيبتي ... ص : صباح نور ... لؤي : حبسي هاد دميعات مجاوش معاك ... ص: واخا ... (بابتسامة) لؤي: اليوم عندي ليك مفاجأة ص : شناهي ... ؟ لؤي ... المفاجأة مكتقالش ... نوضي دوشي باش ترخاي ... و ديك الساع نمشيو ... ص : واخا ... نضت ... لقيت راسي ... لابسة حوايحي...جاتني الضحكة ... هادشي كبير علي ... بغيت نخطوي... هو يطيح الشورط ... خرجت منو رجلي ... و مشيت للدوش ... تشللت و غسلت حتى شعري ... و توضيت ... خرجت ملقيتوش فالبيت و لكن لقيت واحد الكسيوة ... زوينة محطوكة فوق الناموسية ...مرافقها ملابس داخلية...و نظارات شمسية ... هزيت ليزار تلويت فيه و صليت ...و لبست هادوك الحوايج ... طلقت شعري و هبطت ... لقيتو جالس ... و كيفطر ... لابس سروال تجين فالأزرق ...و طريكو نص كم كري مزير ... و سبرديلة ... كيبان زوين ... و بزاف ...شافني و ابتسم ليا لؤي : (فخاطرو .. شحال زوينة ... غير كيشوفها كيحس بقلبو كيزعزع ... ) ... نعت ليا فالكرسي لي قدامو ... جلست ... كانت طبلة عامرة ... داكشي باين بنين ...خديت أومليط ... و قهيوة قاصحة ... مزدتش سكر ... و عطيت الحار لقلبي ...باش عجبني متسوقش ... حدر راسو على طبسيلو و انا طبسيلي... كملت ...و هو ينطق لؤي : حبيبتي... يالاه نمشيو ... ص : اوك ... خرجنا من تما و ركبنا فاللوطو ديالو ... حطيت راسي على الزاج ... و انا كنفكر كون مجاش فوقتو اش غيطرا ...كن ضعت و لكن الحمد الله ... مخاصنيش ... نخلي هادشي يضعفني ... شفت فبطل لي كان حدايا ... نظرات شكر و إعجاب فنفس الوقت ... شاف فيا ... و هز إيدي عندو و باسها ... بقينا سايقين حتى وصلنا للمرسة .... او هادا لاش جايبني لهنا... هبطنا سد ...و دار جيهتي شد ليا فيدي ... و اتجهنا لواحد اليخت ...