القبلة المثيرة

10

ركبت معاه فاللوطو علم الله اش باغي يقوليا ... ديمارا ... و نعتو فين كاين الصالون ... ي : قاليا الواليد أتبداي معانا الخدمة ... ص : وي ي : غنتقاهمو من هنا ... الخدمة حاجة و دار حاجة ... يعني مغنتساهلش معاك... داك التقحبين ديالك حيديه ... داك التقزاب معندنا منديرو بيه كتسمعي ... مبغيناش الفام يتحلوا ... ص : (خنزرات فيه ) غندير لي بغيت و نت معندكش دخل لا فحوايجي لا فلباسي... حكم فمراتك و انا قيلني عليك (سمحيليا ا فاطمة 😂 ) ي : مراتي محكومة بلا راجل ... نتي لي خاصك تجمعي شوية راك كبرتي ... ص : دابا هادش لاش باغي توصلني ... باش تبقا تقرا علي فهاد الزابور ديالك ... ي :(خنزر فيها ) واحد صاحبي ... شافك فالبواط ديك المرة ... و عحبتيه بغا يتزوج بيك ... ص : زواج هاهاهاها كتحلم ... (وقفوا قدام الصالون ) أنا مبغاش نتزوج ... عاجباني حياة العزوبية ... يالاه باي... ي : (فخاطروا ... احنا انشوفوا واش غتزوجي بيه ولا لا ... ) أنسيفط ليك شوفور يجيبك ... هبطت من اللوطو ... دخلت ديريكت لصالون ... دماغي كيفكر ... شافني فبواط و بغا يتزوج بيا ...و الله يلا تقدمنا ... ولا عندنا الانفتاح ... اصلا انا باقة صغيرة و باغة نعيش بزاف د الحوايج ... دخلت لصالون لي كيعرفوني مزيان فيه ... درت لاصير لجسمي ... و سوان لوجهي ... و من بعد فتحت اللون د شعري و صيبتو ... درت مانيكير و بيديكير ... حلقت على الحالة ...خلصت و خرجت لقيت شوفور كيساين ... مشيت ديريكت لدار ... دويت مع ناما شوية تعشينا و حان موعد النوم ... حطيت راسي على الوسادة و أنا متحمسة للغد ... مخداش مني النوم وقت طويل إلى أن تكمن مني ...