زوجتي الدميمة -كاملــة-

المقدمة..

المقدمة..

-نعم!!.. أتجوز مين؟؟..

قالها "ظافر" بإبتسامة ساخرة وهو يحك جبهته ناظرًا إلى والده الذي بدا عليه الجدية في حديثـه، حيثُ تابع بثقة:

-تتجوز آسيا يا ظافر، أظن إنك سمعتني كويس.

نظر لهُ بعد إستيعاب وهو يقول بتهكم:
-أنا واحد متجوز، مابقاليش ست شهر متجوز، عايزني أتجوز على مراتي ليه؟؟..

نظر له والده "يوسف"مرددًا بجدية:
-أنا عارف أن مراتك إنسانة كويسة، بس إنت ناسي أن آسيا تبقى بنت عمك وغير كده كانت حُبك الأول و..

قـاطع والده بصوتٍ أجش:
-كانت حُبي الأول، إحنا إللي بينا أنتهى.

نظر "يوسف" له بـ بسمة ساخرة قائلاً:
-وإيه إللي خلاها تسيبك، من عمايلك السودة.

وكما توقع.. إبتسامة حزينة لوت شفتيـه وهو يرد بهدوء:
-أنا كنت هتغير، والله كنت هتغير، بس هي مستنتش، مشيت وسبتني في نُص الطريق لوحدي.

سحب "يوسف" نفسًا عميقًا ثم زفره على مَهَل ليهمس بعدها:
-لازم تتجوزهـا يا ظافر.

عبس "ظافر" أكثر وهو يتمتم:
-مبقاش ينفع، وبعدين أنا راجل متجوز، وكمان عايزني أتجوزها ليـه؟؟..

رد عليهِ بصوتٍ غريب:
-أقعد الأول وأنا هقولك على كُل حاجة، وبالنسبة لمراتك، فسيب الحكاية دي عليا.

******
-مش هتجوزه، يعني مش هتجوزه.

قالتهـا "آسيا" بإنفعال لزوجة عمهـا وإبنة عمهـا ووالدتهـا، نظرت لهـا والدتهـا بيأس مرددة:
-يابنتي هو عايز يتجوزك وبعدين إنتي بتحبيـه وهو كمان بيحبك.

هتفت "آسيا" منفعلةً بعد أن فقدت قدرتهـا على الأحتمال:
-هو إيه إللي فكره بيا؟؟.. وبعدين ده راجل متجوز، إزاي أتجوزه، أحرق قلب مراته، حرام عليكم، سبوني أنا إللي فيا مكفيني.

قالت "بسمة" إبنة عمهـا بحزن عميق:
-آسيا، متعمليش فنفسك كده، هو بيحبك و..

قاطعتهــا وقد أنهمرت دموع حارقة من عينيها:
-أنا بقيت مشوهة يا بسمة، مبقتش أنفع، لا هو ولا غيره، أبوس إيديكم سبوني في حالي، أنا تعبانة أوي.
******
في الأسفل، هتف "ظافر" بلهجة حاسمة:
-وأنا هتجوزهـا، ومش هسبهـا أبدًا.

هتف "يوسف" بإبتسامة:
تمام يا ظافر.

أستدار "ظافر" حينما سمع صوت والدتـه الصارخ وهي تقول بخوف:
-ألحق يا حج، البت أُغمى عليهـا ومش عارفين نفوقهـا.

******

يا ريت يا جماعة رأيكم، وإلا هضطر أسفًا أني أمسحهـا وأنشرها على العيد، ولو لقيت المشهد جاب تفاعل عالي، هنزل مشهد على بليل، وبالنسبة أي حاجة مش واضحة هنـا هتبقى واضحة بعدين.. ومحدش يقول إن ده قصير ياريت، أنا أكيد مش هكتب كتير وأنا حاسه أن مفيش حد معبرني، بس لو التفاعل زاد اوعدكم اني هنزل مشهدين في اليوم والمشهد يبقى طويل ❤️❤️❤️

رأيكم يهمني جدًا، ويا ريت ريفيوهات تفتح النفس أو تقولوا توقاعتكم إيـه ؟؟..

تابعوني على الاكونت بتاعي عشان يوصلكم المشهد أول بأول