زوجتي الدميمة -كاملــة-

مشهد ٢٥ و٢٦

المشهد الخامس والعشرون..
و
المشهد السادس والعشرون..

تصلب جسدهــا غير مُصدقة ما سمعتـه، تخدرت أحزانهـا، تراجعت بجسدهـا للخلف لتحدق بـه بنظرات مدهوشة، تأملهـا بإبتسامة صغيرة لكنهـا ناعمة، تلاحقت دقات قلبهــا وهي لاتزال غير مستوعبة ما قالـه، هتفت بعدم تصديق:
-إنت قولت إيـه؟؟..

رد عليهـا بتنهيدة مليئة بالكثير:
-أنا بحبك يا إيمان.

تهدجت أنفاسهـا بقوة ليُتابـع بصوتٍ عميق:
-أنا عارف إنك مصدومة، بس إللي متعرفوش إني أعرفك من قبل ما تتجوزي ظافر، أول مرة شوفتك كان في مطعم أسمـه "....."، كنت كل أسبوع باروحـه عشان أشوفك، فضلت مخبي حُبي جوا قلبي خايف من رد فعلك، لغاية ما أتصدمت بإنك أتجوزتي إبن عمي، بس لما أتطلقتي حسيت أن دي إشارة من ربنا، إشـارة بإني أجيلك وأقولك على حُبي ليكي.

ضم كف يدهـا بين راحتي يديـهِ قائلاً بنبرة العاشق الذي أرهقـه عشقـه:
-أوعي تفتكري إني بقولك إني بحبك كـ شفقة، أنا بحبك من زمان يا إيمان.

هتفت بعدم تصديق:
-إزاي مكنتش شايفة حُبك، إزاي طول المدة دي الحُب يبقى جمبي وانا مش شيفـاه!!..

التوى ثغره بإبتسامة راضية وهو يقول:
-كان ليهـا وقتهـا.

تنهد وهو يُضيف:
-ساعات الحُب بيبقى جنبنا وإحنا مش شايفينـه، بنفضل ندور عليـه وبنحس إننا مش هنلاقيـه رغم هو جنبنا، بس مش حاسين بـ وجوده.

ردت مُبتسمة وهي تشعر بأن ما يحدث الآن ما هو إلا حلم جميل لا تُريد الخروج منـه:
-كريم، أنا مش عارفة أقولك إيـه!!..

هتف بإبتسامة وبهمس:
-تتجوزيني يا إيمان؟؟..

أتسعت إبتسامتهــا أكثر وأدمعت عيناهــا بفرحة عارمة، زادت نبضات قلبهـا وهي ترد بسعادة لا مثيل لهـا:
-موافقة يا كريم، موافقة.

رفع كف يدهـا ليُقبلـه قُبلة رقيقة، بينمـا هي مسحت دموعهـا بسعادة غير مصدقة، أعترفت مع نفسهـا بأنـه من الجيد أنـه أنفصلت عن "ظافر"، فهـا هي وجدت الحُب الحقيقي، أغمضت عينيهـا للحظات بسعادة بعد أن أعترتهـا راحة غريبة، وهي تشعر بأنهـا تحلق في السماء عاليًا كالطيور.

******

بعد مرور ثلاثة أيـام..

-نعـــم!!!..

قالتهــا فوزية" وهي تضع قدح القهوة على الطاولة الصغيرة أمامهـا، أعتدل "يوسف" في جلستــه مرددًا بذهول:
-هتتجوز إيمان؟؟..

هتف "كريم" بجدية:
-أيوة يا عمي، أنا بحب إيمان من زمان، من قبل ما ظافر يشوفهـا ويتجوزهـا، ودلوقتي بمـا أنهـا أتطلقت فـ أنا هتجوزهـا.