في صباح يوم جديد من منزل سليم
والدة نور : نور يلا يا حبيبتي علشان متتاخريش عالجامعة .
نور "بكسل " : يا ماما سيبيني انام شوية علشان خاطري خمس دقايق بس اخطف الحلم ده .
دعاء : تخطفي ايه بس قومي بدال ما ندي هتخطفك و تلاقيها عالباب دلوقتي يلا بلاش كسل .
نور "و هي تفرك في عينها" : حاضر يا ست الكل انا عارفة أن الواحد ميعرفش ينام اصلا في البيت ده شوية
دعاء : ايوا ميعرفش يلا قومي صباح الخير
نور : صباحوا فلاولة يا دودو و قد أسرعت لتؤدي فرضها و تجهز نفسها لتذهب الي الجامعة .
دعاء : متتأخريش انهاردة يا نور علشان هنروح لعمتو نسأل عليها تمام .
نور : من عنيا يا ماما يلا في رعاية الله انا نازلة سلام .
دعاء : في رعاية الله وحفظه .
****************
"في الجامعة عند مها و يمني"
مها : يمني نور وحشتني جدا عايزين نقابلها .
يمني : و مين سمعك والله الهبلة دي وحشتني انا كمان استني هتصل عليها و نتفق نخرج انهاردة بعد الدوام .
مها : متقوليش هبلة تاني دي مجنونة بس لو سمعتك كانت فضلت تجري وراكي دلوقتي هههه
يمني" و هي تتذكر الموقف اللي كانت نور بتجري وراها فيه لما قالت لها هبلة " : و انفجرت ضاحكة متفكرنيش هتصل اهو .
"باين كده نور سبب مضحك جدا ليهم و هبلة فعلا ربنا يستر "
نور : ايه ده يمني بتتصل الو ازيك يا فراشتي فينك يا بنتي !؟
يمني : الحمدلله بخير انتي اللي فينك ايه اخبارك ... انا موجودة اهو مع مها كنا مشتاقنلك و اتصلنا نطمن عليكي .. و نتفق لو ينفع ننزل بعد دوامنا كافيه أو اي مكان قلتي ايه .
نور : يدوم يا قلبي...انا الحمدلله تمام سلميلي عالصغنن اللي جنبك و بوسهالي لحد ما نتقابل ..و انتو وحشتوني جدا والله بس الست الوالدة كانت بتقولي أننا رايحين لعمتو اممم بس تمام هظبط الدنيا و نتقابل .
يمني : يوصل يا قلبي ...تمام اتفقنا علي الساعة 5 كده هكلمك تاني سلام مؤقت علشان المحاضرات هتبدأ ي روحي.
نور : اتفقنا سلام مؤقت ي فراشتي ..
مها : ها قالتلك ايه
يمني : قصت ما قالته نور لها .. وقالت و بس يا ماهي هنتقابل عالساعة خمسة كده و يلا دلوقتي عالمحاضرات .
مها "و هي سعيدة لأنها هتقابل نور صديقتها المقربة " : الحمدلله كده كويس جدا اخيرا هنتقابل ..يلا عالمحاضرات بقا علشان نخلص بسرعة و نتقابل .
و قد أغلق كل منهم الهاتف و في داخله سعادة كبيرة لانهم هيتقابلوا و يرجعوا يتكلموا و يهزروا و يتقربوا تاني من بعض ..صداقتهم متينة فعلا بالرغم من أن اتفرقوا بسبب الكليات و كل واحدة وراها حياتها إلا أنهم محافظين علي علاقتهم دي .
أنت تقرأ
"لقائنا روحي"
Romanceالقصة تشمل: "رومانسي" .."كوميدي"..."تشويق"..."مغامرة" تستيقظ فتاة دائما من حلمها المتكرر علي نداء ذلك الشخص الذي ينادي اسمها في كل حلم ....
