"لقائنا روحي"

الفصل التاسع

تتدخل نور الغرفة لتتفأجي بأدهم يجلس علي الكرسي و يضع رجلا علي رجل .

نور : انت !! فين ندي هي كويسة قالولي أنها هنا .

أدهم بابتسامة شريرة : ندي مين .. انا اللي موجود لو عاجبك يا آنسة نور .

نور : يعني ايه انت اللي موجود . لحظة تقصد انك انت اللي عملت كده و خليت حد يتصل عليا و يقول إن ندي عاملة حادثة .. بس ليه تعمل كده ليه .

أدهم و قد قام من علي الكرسي و اقترب منها : علشان الآنسة نور اللي شايفة نفسها تتعلم ازاي تجري و متقفش تتكلم و ترد كويس عليا .

نور و هي في حالة صدمة مما تسمعه و بعصبية : بتقول ايه انت ازاي تفكر بالطريقة دي انت عارف انا كنت خايفة قد ايه علي ندي انت عارف أن كان عندنا ناس مهمين جدا و بسببك انا طلعت و سبتهم و صغرت بابا قدامهم انت ايه يا اخي ايه التفكير بتاعك ده انا عملت ايه فيك انت اصلا مش فارق معايا انت واخد مقلب في نفسك بجد روح بص لنفسك في المراية كده و شوف قد ايه انت انسان مغرور و شايف حالك و تعاملك اللي بلا ذوق معايا ده انا فكرتك اتغيرت لما جيت اعتذرت بس لا غلطت انت انسان قليل ذوق و هتفضل كده .

أدهم و قد تعصب مما قالته مما جعله يمسك بذراعها و بصوت عالي : انتي اللي مين علشان تكلميني كده ايوا انا عملت كده لانك تستاهلي ده ردا علي موقف الصبح .

نور و قامت بابعاده عنها : هاتندم علي اللي عملته ده وعد مني هاتندم .. ثم تركته و خرجت من الغرفة .

أدهم لنفسه انتي اللي هتندمي يا نور سليم عمر ما حد قدر يعلي صوته عليا أو يتكلم معايا بالطريقة دي تيجي انتي و تعمليها .. بس انا هعلمك درس علشان تبقى تعرفي تتعاملي معايا كويس .. ثم غادر هو الآخر المستشفي و ذهب إلي منزله .

****************
(في منزل نور سليم)
وصلت نور الي المنزل و هي متضايقة جدا مما حدث ثم ذهبت الي ابيها ل تعتذر منه عما حدث و لكن وجدته نايم فذهبت الي سيف لتعرف ما حدث بعد ما خرجت .
في غرفة سيف .
طرقت نور الباب و قالت سيفو دي انا نور .. ليرد سيف ادخلي يا نوري .
دخلت نور و باين علي وجها الضيق و العصبية مما حدث .
سيف : نور مالك و ايه اللي حصل علشان تخرجي و تسيبي مصطفي و أهله كده و انتي عارفة أن بابا هيضايق جدا .

نور و هي تبكي : انا مكنتش اقصد والله اللي حصل يعني الموضوع أنه و قصت له منذ أن اتصل عليها ذلك الرجل و ذهابها الي المستشفي و عدم وجود ندي و ما دار بينها و بين أدهم ..

سيف و قد تعصب بسبب أدهم و تصرفه معها : ازاي يعمل معاكي كده مين ده اصلا هشوف حسابي معاه .. و قد قام ليذهب إليه و لكن نور أمسكت به و قالت له اهدا يا سيف و بلاش تعصيب دلوقتي.. الوقت اتاخر و انا هعرف ارد عليه كويس .

سيف و قد هدا قليلا : نور مش هتروحي المستشفى دي تاني و انا هروح و اشوف حسابي معاه بكره تمام .