نور وصلت إلي قسم العظام لتتفاجأ بشخص يخبط علي كتفها لتصرخ نور و تلتفت لذلك الشخص لتجد حنين صاحبتها ..
نور : نونا انتي خضتيني وربنا هقطع خلف بسببك واحشاني جدا بس بتعملي ايه هنا .
حنين'' و قامت بضمها و التسليم عليها '' : ههه لا متخافيش مش هاتقطعي خلف ولا حاجة .. انتي واحشني اكتر والله .. مفيش كنت جاية اسال انا و ماما علي واحدة صاحبتها هنا في القسم عندكوا و سبتها جوه و قلت ادور عليكي لانك وحشتنيي جدا .
نور : الف سلامة عليها .. طيب تعالي اقعدي معايا شوية بقا علي ما مامتك تخلص لانك واحشني حقيقي.
و قامت باصتطحاب حنين الي كافتريا المستشفي ليتحدثوا ...
نور : تحبي تشربي ايه بما انها كافتريا المستشفي و كده فيه محاليل و بلازما و دم جميع الفصائل تحبي تطلبي ايه هههه.
حنين : ههههه ياربي عليكي يا نوري اصلا انا بقرف من ايه حاجة في المستشفى هنا فمعلش تتعوض بقا و ابقي اشرب كيس دم المرة الجاية .. المهم طمنيني عنك و عن كليتك و تدريبك هنا ايه أخباره .
نور : ههه ماشي يا ستي هبقي احضرلك احلي كيس دم المرة الجاية و مشابر و من الثلاجة كمان ...
الكلية الحمدلله ملحقناش نروح كام اسبوع و امتحان الميتدرم الاسبوع الجاي و حاجة قمر يعني .
أما بالنسبة للتدريب فانا لو قولتلك حصل معايا ايه قبل ما تيجي فمش هتسالي تاني .
حنين : ربنا معاكي و يوفقك يارب يا حبيبتي ..
قولي قولي اكيد خريبتي حاجة هههه ؟!
نور : اسمعي يا ستي و قصت نور ما حدث معها أثناء تنزيل الحالة الي قسم الأشعة و كيف نطت علي الترولي لإنقاذ الحالة و كيف وقعت بالاخير علي أدهم ... بس يا ستي من اول اسبوع مغامرات و خربتها فعلا .. المشكلة اني معرفتش أنه ابن دكتور محمد صاحب المستشفي غير بعد ما قولت كل اللي في قلبي الحمدلله ..
حنين "و هي تضحك بشكل هستيري بسبب تخيلها للموقف الذي قالته نور " : ههههههههه ناطيتي فوق الحالة و الترولي معانا سوبر ومن هنا هههه ياريتني كنت حضرته كنت فصلت ضحك اكتر من دلوقتي و كنت هستمتع بالجو الاكشن الرومانسي ده .. بس الحمدلله انه عد هالك و متكلمش كتير معاكي تعرفي انا لو في مكانه أو اي حد شاف المنظر ده حقيقي كنتي روحتي فيها و كل ده كمان و معتذرتيش و سبتيه و مشيتي انتي فظيعة حقيقي يا نور بجد .. انا مش هسألك فعلا بعد كده ليكي مستقبل عظيم في المستشفي هنا ربنا يستر من اللي جاي ...هههه.
نور : اضحكي اضحكي انا مش عارفة والله عملت ايه يعني الترولي خبط في الباب بالغلط مش قصدنا و احنا حاولنا نمسكه لولا تصرفي ده كانت الحالة في الأرض واتكسرت عظامها اكتر ما هي مكسورة اصلا المفروض هو اللي يشكرني اصلا مش انا أعتذر ..
المهم انتي طمنيني عنك و عن مصطفي عقد القرآن بتاعكوا امتي صح ؟.
حنين : هاتجنيني والله يا بنتي كمان هو اللي يشكرك ايه ده بس تفكير عميق حقيقي هههه يارب الصبر ...
انا و مصطفي يا ستي الحمدلله تمام جدا و عقد القرآن هيبقي بعد امتحانات الميتدرم بتاعتكوا علشان تبقوا مركزين كده معايا .. عقبالك يا نوري
أنت تقرأ
"لقائنا روحي"
Romantizmالقصة تشمل: "رومانسي" .."كوميدي"..."تشويق"..."مغامرة" تستيقظ فتاة دائما من حلمها المتكرر علي نداء ذلك الشخص الذي ينادي اسمها في كل حلم ....
