زوجوني فقيه الجامع

الجزء :1

~زوجوني فقيه الجامع ~

الساعة تشير إلى السابعة ليلا .. فأحد الاحيااء الشعبية كاانت غادة
فتااة فعمر الزهور و ضحكة ممفارقااش وجهها
بحاال لمسطية كاانت لابسة تريكو بالخرقومي
مع سرواال مربع كارويات بالكحل و البني فاتح و سبادري بنفس لون شعرهاا لكحل المسرسب طالقاه على رااحتو و كل مرة تلعب بالكصيصة
فجنب و تدندن اغنيتها المفضلة من نوع راي
كانت غادا و كول مرة تبدل مشيتها كتحااول تمشي بحاال عارضاات الأزياء ..
تا تلف ليها المشية و ترجع لمشيتها لعاادية
و المسكة ففمها مكاين غا نضغ سنيناتها مسااتفين و الفيم متوسط الحجم و دارباه ليك بعكر بالغوز مجهد العينين كحلين و مشفريين
و الحجباان مطرااسيااهم مزيان لي دااعقها فهاادشي كامل هو نيفها لي كاان مطيبز شوية و ليني الكونتور و الهايلايتر قاديين الغراض ردوه ليها صغير و طويل
الحي كاان شبه خالي قليل لي كيدوز منو شي راجل ولا مرة بحكم وقيت البرد ناس كيكونو مخشيين فديورهم و سادين عليهم لبيبان
كانت بضعة قطراات المطر كتسقط على وجهها الجميل كتزيدو جمال على جماال و هي مستمعتة بالجو
حتى باان ليها شخص متكي على جنب واحد الحيط و شاد بريكة يالاه كيشعل فالكاارو
غوتات على حر جهدها
رجاء : و بااااايووووووو جري جري الحنااش جايين
غا سمعها بااايو محس براسو تااا رماا داااكشي من يديه و ضربهاااااا بجرية وحدة
تا سمع صوت ضحكها و هو يدور لقاااها شاادة كرشها بقوة ضحك
مشا تال عندها و عينيه لي محاطين بهالات سوداء
بقوة تقرقيب و سكرة زاادو كحااالو وولاو حمرين
و عاااقد غوبااشتو ليوم بيه ولا بهاااد البرهوشة

مشا عندها هزها من تريكوها  من قوة أعصابو

باايوووووو : مزاااال مبغتيييش تحشمي البرهوشة
شافت فيه رجاء بشوفات ديال نااري قفاارت و ضحكات ليه ضحكة صفرااا : هيهي شتي نتا لهيلااا ضراافات ديال درب دايمن كنقولهاا ليهم
مكااينش بحاال لبزناز د باايو وااخا كيبيع لدراري لحشيش وليني معدور مسكين خاصو يشري لكماية لرااسو تا هو

بايو دغيا تبدلو نضرااتو لنضراات فخر و اعتزااز
نسا كااع لاش هو شادها هكااك
باايو : إييه وااشنو راه ممنيشيش جوج احساب ليك غا جيت ووليت بزناز تبزنين راه حرفة شريفة
ميقدو عليها غا رجال 💪

رجاء : إييه بصح دايمن كنقولها ليهم ، كنقول ليهم دااك الحمار د باايو رجولة
بايو : اوا ديري ليا جاادور فطوف لخرا لي حطيت
فالفيسبوك
رجااء حلات عويناتها مزيان و هنا اتبدا طلق عليه فسلوكية :واايلي اعشيري ، ديال نميلو و منطيحوش تااا راه دخلت من ربعة الفيسبوكاات كاملين درت ليك منهم جاادور
باايو : لحفضك لحفضك رجولة نتي يالاه تلاحي لداركم العفريتة يجي باك ميلقاكش ينحرك