زوجوني فقيه الجامع

الجزء: 20

سميرة : هااا ويلي
شافت  رجاء فين كتشوف سميرة خرجااات عينيها كثر ف لبااس الفاضح ديال نجلاء .. محشمت مرمشت ..
جلسات بضبط قبالة ادم بالضبط .. أما ادم يالاه هز عينيه باش يشوف علاش سميرة قالت "اويلي " حتى كانت رجاء جلسات جنبه شادة فيديه مزيرة عليهم .. قربات لوذنيه وهمسات بصوت خافت ..
أما هو شاف ب استغراب فيها ..
رجاء: غتشوف شي منضر مغيعجبكش ا ادم من الأحسن خليك شايف ف تلفونك حسن ..
هزات عينيها نوعا ما معجبهاش لحال .. مخنزوة ..
فاطمة : استغفر لله .. استغفر لله
زهرة : اش شفتي ا فاطمة ياكما شي جن ..
فاطمة : ابسم لله كون بان ليا جن حسن ليا من واحد لمنظر..
سميرة : ابنيتي لحال مزال مسخن راحنا يالاه فشهر جوج واش سخن عليك راسك ؟
هز ادم عينيه الهضرة و المشاحنات بزاف .. ندم لاش هزو .. نيشان وقف مغادر الصالون كيستغفر لله على بشاعة المنظر ..
نجلاء : مالكم كاملين تحاميتو عليا اويلي ..
سميرة: ملقيتي عفاكم تعرااي اااه .. راه سيد مزوج
نجلاء : وشكون انا قالك حاطة عينيه عليه
شافت جهة رجاء كانت مخنزرة فيها ..
نجلاء : مالكي باغة تاكليني ابشووية عليك ا لبرهوووشة منين كنت قدك مكنتش كنعرف زواج اش سميتو ..
وقفات رجاء دايرة يديها على جنابها ..ضحكات بإستهزاء وشافت فيا ..
رجاء : إلى سميتك بنت لمرة قربي ..
علات نجلاء فيها عينيها بتعجرف وخنزرات فيها هازة حاجبها ..وقربات فين واقفة رجاء ..
نجلاء : ومالي نخااف منك ..
فاطمة : لله يرضي عليك ابنتي نتي مولات لعقل سيري شوفي ادم .. ساعة دخل فيها الشيطان ..
تبسمات لها رجاء ونطقات بهدوء ..
رجاء : دابا اخالتي ..
وقفات نجلاء جهتها بتحدي .. بسرعة البرق طارت عليها رجاء شاداها من نص شعر لي عندها ..
نجلاء : اااااي ..

هزات رجاء كتريش و تنتف من هنا وهنا ناض كلشي كيفك حتى من سميرة أما زهرة كتغوت ب العداوو ..
دخل ادم مفزوغ على هاد صداع ..
ادم : اااش واقع هناا ..
شد يدين رجاء لي كانو فوجه نجلاء وجهها كامل تخطط و دم نازل ..كتنهج .. حمرة بالأعصاب وقوة الحرارة لي حسات بيها
زهرة :واااش نتا مزوج لفعة ولا حيوانة شوف كيف ردات ليا بنتي ..
ادم : لاش دابزو ؟
زهرة : بنتي و حرة ف لباسها بلا سبب دخلات كتريش فيها يعطيك لكرد ليديك ..
ادم غمض عينيه بصبر  : حدك تماا اشريفة مبغيش نخسر لعلاقة اعمتي مرررتي (ورك على الحروف الآخرين) خط احمرررر ..
زهرة : غا تزوجتي و نتا تقلب علينا ياااك أولد خوياا عقل ليان لله طويلة مزال هاد لوجه غنشوفو و اش يخرج منو (كتشير لوجهها)
شدات فيدين نجلاء لي شعرها لي ملصق طاح ولي عندها تريش .. أما وجهها خلاص خريطة ..
طارت باغة تنتف رجااء ترد صرف و الشمتة ..
حتى كانت حنان وقفات هازة راسها لفوق حامية على رجاء ..
هزات حاجب و نزلات ثاني ..
حنان : منخاافوش ..
جرات زهرة نجلاء و هي كتشوف بكره ف ادم و رجاء وحنان و فاطمة لكل ..
طلعو لفوق جمعو حوايجهم يتاجهو لمنزلهم ..
شد ادم على رأسه معارف مايدير .. التفت لجهة رجاء .. كتبان لييه كتغيب و جهها صفر و بلفعل طاحت مسندة على حنان ..
فاطمة : ا رسول لله مال البنت ..
تقدم ادم بخطوات سريعة نحو رجااء هزها كيضرب دقات خفيفة على وجهها ..
ادم : رجااااء
كانت سخفانة جثة هامدة .. وجهها صفر و شفايفها بيضين ..
حنان : ادم دغيا نديرها لطبيب ..
هزها بسرعة من بعد ما عطا ل حنان سوارت الطونبيل ..دخلها لور حطها تالف معارف راسو اش يدير ..
جلسات حنان لقدام .. وهي مسندة لور سخفانة ..
دقائق قليلة كانو نزلو ف لكلنيك دخلوها نيشان جهة الفحص ..