غااااا خرجااات رجاء من عندو ضربااتها بجرية
وحدة لقسم د مول لمااط مع مزعزع شوية
كيدخل ليهم الفلسفة مع الماط مع تربية الإسلامية غا جيني فم و قول
الأستاذ : فدرسنا ليوم ابنااتي وولادي انخوصو فطياات الإحتماالات كتبوها فدفااتركم
تلميذ:اشغنكتبو ا أستاذ ؟؟
الأستاذ : سَنَخَوصُ فِي طَيَاتِ اُلْإِحْتِمَالاَتِ
نبدااو اولا نديرو تعريف للإحتمالات اول حاجة انبدااو بيها هي انعرفو التعريف فماا هو تعريف التعريف
رجاء: استاذ استاذ استاذ انا نجااوبك
الأستاذ : تفضلي
رجاء : تعريف التعريف هو تعريف
الأستاذ : حسن جداا احسنتي تعريف التعريف هو التعريف
رجاء : استاذ استاذ شحال جبت فالفرض لول ؟
الأستاذ : نتي مزاااال مصحييت و ليني راك جبتي 16 ابنتي اخر نقطة هي 13
رجااء : ولاهيلا حشومة عليك ا أستاذ و انا كنقراا مزيان
الأستاذ : صافي 17 نرجعو لدرس
بعد ساعة ديال دخول و الخروج فالهضرة خرجاات رجااء من لحصة و دخلات لحصة اخرى ديال الإجتماعيات لي دوزاتها غا كتكونيكطا فيها
تاا قاليها وااحد تيتيز بلي بغااا يتلاقا معااها
و بقااات كتخمم فشنو اطلب فالغدا تخرج معاه و ميعشيهااش مستحييل ولا لاش اتخرج معاه اصلا
غا صونات هزات كرطاابلها و ضربااتها بجرية
و صاحبتها كتعيط ليها
إلهام :واا رجااء تسنااي تسناي
رجاء :من بعد من بعد عندي موعد مهم
خرجات فدوى قدام ليسي بانت ليها سيارة من نوع روج روفر ف الأحمر تبسمات و تمشات بخطوات واثقة و بعجرفة ..
وقفات قدام السيارة و فتحات لباب .. سلمات على الشخص لي جالس بلابيز
رجاء : أفين ابب صافا عليك
أيمن : هانية أزين اوا فين نشدوها لخرجة د المدينة ولا غا كافي النرجس ..
أيمن : لي بان ليك أحبي
أيمن شاب ف أواخر العشرينيات إبن وزير الإقتصاد ..
ديسك زهير بهاوي مطلوق على الجهد ف السيارة و بجوجهم كيغنيو بصوت مرتافع ..
رجاء : فحديدة ديكابورطاااااابل ..
أيمن : شفتهاا هازة برطاااابل ..
دقائق قليلة و وصلو لمقهى النرجس .. نزلو بجوج وتمشاو داخلين .. أيمن معنقها بيديه وهي كضحك بصوت مرتافع .. لي داز من حداهم كيستغر الله ..
شدو طابلة و بداو كيتكلمو ..
رجاء : عرفتي أبب مكرهتش نشري بزاف د حوايج
أيمن : لي قالتها الحب نشريها ليها اح وشحال عندي أناا منك
رجاء كتحلون : يخليك ليا أبب ، هي أحبي غير نخرجو نمشيو لسونطر
أيمن : إيه أبب
شربو العصير و تكلمو ف أنواع المواضيع و خرجو متاجهين لسيارة على نفس العادة ..
خرجو من جديد داخلين المحالات د ملابس النساء غير لماركة على ختهاا
30 ألف د لحوايج و روايح لي خدات رجاء أي حاجة عجباتها كيخلصها أيمن ..
وصلها لحومة ف الدخلة هازة ساشي د لماركات منهم ماركة شانيل الأصلية ..
أيمن سلم عليها بلابيز : يلاه أبب لواتس بيناتنا .
رجاء : أكيد (وصيفطات ليه بوسة ف الهواء)
دخلات لدارهم و أمها لي فتحات ليها لباب تعجبات ف الكم الهائل .. د الساشي
نعيمة: اش هادشي شكون خدا ليك هادشي
تبسمات رجاء : صحباتي نعمة و بثينة
الأب دخلو الشك بضبظ هاد صحباتها ربعمية مكمشة ميكتابوهاش ..
دخلو الشك استغفر الله وطرد الأفكار من بالو
—
من بعد متفكاات من أسئلة باهاا و أمهاا توجهات نيشان لبيت ديالها أول حاجة دارتها دارت طيلي يتشارجا و بدلات حوايجها و لبسات بيجامة د الدار ..
و قدات الحوايج ف الماريو ..
تجبدات على الناموسية هزات تلفونها نيشان لبلاي سطور تلشارجات Azar إبليكاسيو كتهضري مع جميع الأشخاص من مختلف الدول
جالسة كتكركر كتهضر مع هادا و هدا طلعو ليها غا المغاربة شدات معهم لحديث ولي معجبهاش تقلب على لفور ..!
السي حميد ( أب رجاء) جالس ف الصالون كيتفرج الأخبار ف لأولى كيسمع الضحك بجهد و صوت الرجال ..
ركب من السرجم ليكون شي واحد مع شي بنت ..
الشيطان حضر تاني توجه لبيت رجاء
رجاء سمعات خطوات قريبة خرجات دغيا من الأبليكاسيو و طفات تلفون ودارت راسها ناعسة !
فتح السي حميد الباب لقاها ناعسة نعل شيطان و توجه لكوزينة ..
دقائق قليلة و دخلات عندها أمها كتفيقها ..
نعيمة : رجاااء فيفي
التمثيل هي سيدته مثلات دور الناعسة ..
رجاء : مم وا الوليدة خليني نعس ..
نعيمة : وتي نوضي تعشاااي
ناضت وخرجات مع نعيمة تعشاو و تناقشو و السي حميد كيشوف بنص عين ! سالاو و جمعات و غسلات الماعن و توجهات لبيت ترجع لواتس و لفيس
__
أصبحنا و أصبح الملك لله
نفس الروتين يتكرر .. غير هاد لمرة مشات بكري تهودات مع أوخميرة و فتحات معاه لباب لمؤسسة ..
قرات الفلسفة و فيزياء وخرجات مع 12 موصلات حتى لوحدة غادة وضحك تشير لهذا و هذا حتى كيبان ليها بايوو ..
رجاء: وااابااايو ..
بايو : أفين ألعشيرة هانية مزيانة
رجاء : هانية هاد ساعة بيخير .. يالاه تشاو نتشاوفو ..
دخلات لدارهم و نكير نعيمة مسموع وصل لجيران حطات صاك و دخلات نيشان لواتس لقات أيمن مصيفط ليها مساج ..
أيمن : بب ، عندي ليك مفاجئة فداري ضروري تمشي معاياا ..
رجاء : لا أبب منقدرش و أصلا قارية و عندي سوايع ..
أيمن : علاش كتكذبي عليا و أنا حافض توقيتك راه عندك عشية خاوية ، واا بب واش كتخافي مني
رجاء : لا أبب
بقا معاها أيمن بلكلام لحلو حتى قنعهاا !
أيمن : اوا بب ندوز عليك مع ديك 3 صافي قولي ليهم قارية !
رجاء : اوكي بابي
بقات بحوايجها خرجات كتعاون مع مهاا و تحاول تنشط معاهم ، كاينة أختها عايشة ف فرنسا مزوجة فرنسي و هي ..
نعيمة : اوا أبنيتي مدوزيش ليا ختك نهضر معاها توحشتهاا ..
الواتس عامر دراري و مها قارية شوية كتفهم !
رجاء : اه واخا الوليدة دابا
طارت البيت كتمسح حتا سمعات صوت نعيمة
نعيمة : نص ساعة هادي باش قلتها ليك امخصنيييش مناقص ..
خرجات ليها رجاء تلفون و مداتو لهاا..
رجاء : وا لوليدة غا تبلوكا وبقيت معاه ..
هضرو مع ختها نور الهدى و جا باها من الخدمة و حطو الغذاء ..
الساعة ثلاثة سلمات على مها وقالت ليها غادة تقرا..
مع دورة د الدرب تلقات مع أيمن برونج ..
كيف ديما الديسك مطلوق على الجهد
وصلو لشقة ف الرياض وطلعو كانت شقة رائعة بسيطة
رجاء : بب فيا جووع
أيمن : راها ابب لكوزينة
لأول مرة لخوف يتكون ف قلبها وهي محطوطة فهاد لموقف ..
وقفات ف البوطاجي كتقلب من هنا وهنا حتا كتحس ب أنفاس أيمن عند عنقها محاوطها بيديه
يتبع...
أنت تقرأ
زوجوني فقيه الجامع
Humor#حصرياا زوجوني فقيه الجامع قصتنا اليوم فيها الموت ديال الضحك.. قصة كتحمل كل من: الحب الرومانسية التشويق الدراما التفرشيخ الكوميديا بجهد تقديم الأبطال البطلة: فريفرة حنيقيزة طياارة مقزدرة زهوانية وكل مشتقات ذلك البطل: راه فقيه مغنكت...
