زوجوني فقيه الجامع

الجزء: 31

رجاء : اح كرشي أي
ادم : رجاء مالك اش واقع ليك ..
رجاء : كرشي كرشي ..مقداش نوقف ..
ادم : زيدي ..واش لحريق بزااف ؟
رجاء : اهئ كنتقطع
هزها فيديه خارج بسرعة داز على الصالون كيجري و رجاء كتغوت لحريق عاطيها بجهد ..
خرجات نعيمة و فاطمة مخلوعين ..
بزربة حطها لور و ركبات نعيمة لي كتسول وتغوت ادم بحال مصمك .. نعيمة داخلة و لفرشيطة فيديها ..أما فاطمة خلاص طرف د لخبز فيديها
نعيمة : أرسوا لله كيف وقع ليك ابنتي كنتي صحة سلام ..
رجاء:اهئ ماما كرشييي
دقائق قليلة و كانو دخلو لسبيطار خاص وسط لمدينة .. نيشان دخلوها
بقاو واقفين ف لممر .. التوثر .. الضغط .. الخوف كلشي تجمع عليه
واقفين نعيمة دايرة يديها على خدها خايفة على بنتها ب بيجامتها واقفة وزيف حياتي على راسها و ريحة الرفيسة كضرب من بعيد ..
الدقائق كتمر عليه كأنه عام طوووويل عقله مبلوكي مقادرش يفكر ..
دقائق قليلة و خرج الدكتور لي شرف على حالتها حيد ليكَات الطبية من يديه وشاف ناحيتهم ..
الدكتور : نتوما عائلة هاد لبنت ؟
نطقات نعيمة بسرعة ..
نعيمة : اه اه هوما حنا أسيدي
طول شوفة فيهم ونطق ب أسف ..

د.ك : قبل كل شيء بعدا الحمد لله على سلامتها ماشي شي حاجة لي خطيرة .. غير هو كلات شي حاجة سخونة و موافقتهاش ومصالحاش ليها هي حاليا .. لأن خطر على المرأة الحاملة و خصوصا ف الأشهر الأولى من الحمل
نعيمة : حمممل !!
د.ك: اه مبروك عليكم وردو معاها لبال والحمد لله على سلامتها مرة أخرى ..
حمد لله وشكره على النعمة و الذرية لي عطاه سيدي ربي قلبه كيرفر ب الفرحة إحساس فشكل ..
فاطمة : مبروك عليكم اولدي لله على فرحة وأخيرا الدار غتعمر ب حفايدي الحمد لله الحمد لله
نعيمة : اليوم بالنسبة لينا عيد ياربي تجيبه على خير ياربي
ادم : الحمد لله ، يالاه ندخلو
دخلو لغرفة فين ناعسة رجاء كانت فاتحة عينيها وكتشوف ف سقف و الصيروم معلق لاصق فيديها ..
نعيمة : لله ابنتي على فرحة الله يفرحك دنيا و اخرة
تبسمات لها رجاء حولات نضرها ل ادم واقف كيشوف فيها و عينيه باينة فيهم الفرحة كيشوف فيها و مبتاسم وهي أيضا مبتاسمة ..
فاطمة : مبروك ابنتي الله يجعله من الذرية الصالحة يارب
رجاء : امين اخالتي .. لله يبارك فيكم
خرجو فاطمة ونعيمة لجردة يتسناو دريس و سميرة لي خرجو و خلاوهم معترفين والو ..

~فالغرفة رجاء &ادم ~
قرب لناحيتها وهو مبتاسم شاف فيها ونطق بهدوء ..
ادم : مبروك علينا ..

رجاء خنزرات فيه : مامشيتي حتى درتي لي فبالك ..
ادم تبسم ليها : مول النية كيربح ازين ..
رجاء : ياك أسيدي ..
ادم : ايمتا توصل هاد 9 شهور ونهز بنتي ولا ولدي بين يدي
رجاء : قريب قريب ليام كطير .. عاد شهوور لي دازت  كنت كنقز و من دار ليسي و لمول وهاد شهر ها أنا مزوجة و حاملة ..
ادم : على لله ديري عقلك شوية ..
رجاء : اصلا علاش كتهضر معايا ياك مخاصمين سير بعد مني
ادم : اجي متصالحون نخرجو نمشي لأي بلاصة بغيتي ..مم
رجاء بعفوية : بصاح ؟
أدم : مولف كنكدب عليك
رجاء : ودابااا
أدم : حتى يسالي صيروم ها أنا نخرج نخلص و نسني على ورقة الخروج و نجي
رجاء : واخا
أثناء خروجه لقا دويس و سميرة و فاطمة و نعيمة داخلين ..
دريس : مبروك اولدي مبروك ..
ادم : لله يبارك فيك ..
سميرة : لحمد لله بقيت حية حتى نشوف رجاء شايبة مع لولاد ..
ادم : يااك هههه
دخلو عندها كانت لفرملية دخلات ليها صوبة ترجع طاقة ديالها وخرجات ..
بارك ليهم إدريس و كذلك سميرة لي شادة ف رجاء .. خلعتها ب لمزيان ..غيقطعو لك كرشك ب لموس .. كرشك غتشرك وغتولي شارفة ..
كدوي بلا فران محاشمة لا من دريس ولا من غيره رجاء شداها لقفقافة من كلام سميرة و فنفس الوقت حشمانة من باها ..
دخل ادم من بعد ما خلص ..دخلات حنان هي الأخرة كتنهج هازة صاگ ..
حنان : ا مبرروك مبروك
رجاء : لله يبارك فيك عقبة ليك ازين ..
حنان : إن شاء لله (قربات جنبها ودوات بهمس )
~ بايوو جا يبارك ليك ..
__

يتبع في الليل  ايلا لقيت شي تفاعل زوين 😄