اليوم داز كيطير .. ادم مشا لخدمته و حنان مشات لفاك .. بقات غير هي و سميرة و فاطمة لي فرحات بيها و شجعاتها وكبرات بيها على الفطور ..
جالسة ف البيت كتقرا كتاب إسمه ~مميز بالأصفر~ جالسين من بعد الغداء لي متغداش معهم ادم ..وحنان لي جات تغدات ورجعات لفاك جالسين ف الصالون حسات ب ملل كبير نطقات كتخاطب فاطمة ..
رجاء : خالتي عفاك يالاه نخرجو قنطت بزااف
فاطمة : واخا بنتي نوضي نيت حتى انا جاني لقطن منها نيت ندوزو حتى على نعيمة تخرج معانا ..انا غنعلم ادم
رجاء :واخا ..
شافت ف سميرة ونطقات بعفوية ..
رجاء : خالتي تخرجي معانا ..
سميرة : إيه ضروري مالي اش غنبقا كالسة كندير ..
رجاء : إيه اخالتي عندك لحق ..
دخلات لبيتها مشات لماريو تشوف اش تلبس .. ختارت لبيسة طويلة موديل عصري ف لگرونة و لبسات معاها سبرديلة دارت شال يليق ب لبسة ومكياج خفيف جات كيوت ..
خرجات ..كانت فاطمة و سميرة لبسو .. فاطمة كيف العادة مهلية فراسها الرشاقة و الأناقة جلابة كرية و بوط وشال ..
وحتى سميرة واقفة رغم سنها أنيقة منين كتبغي تخرج جلابة ف الأبيض و النضاضر ..
لقاو حنان يالاه داخلة جراتها رجاء دايزين على نعيمة يخرجو مجموعين غادين كيضحكو رجاء و حنان من لعد ما دازو على نعيمة لي حتى هي كانت فقمة إطلالتها ..
قرروا يمشيو لمول ومن بعد يمشيو لشي كافي راقية كيف اقتارحات عليهم رجاء ..
كيشوفوا من محل لمحل مجموعين غادين سميرة و فاطمة و نعيمة لقدام و رجاء و حنان لور ..
وقفات سميرة كتحقق شوفة فشاب ف أواخر العشرينيات زوين ..
سميرة : أربي أوليدي لاما وقف وقف ..
وقف الشاب بتسائل كيشوف فيها اش غتقول و كذلك لخرين ..
سميرة : عجبتني أوليدي متزوجنيش أنا نجي نخطبك متخافش !
__
الهربة مع هاد سميرة 😂😂
تسمع الضحك بجهد من اصحاب الشاب و كذلك حنان و رجاء ..
حنان : هترتي أجدة زيدي زيدي .. دارت شافت ف الشاب وجهو حمر غالباه الضحكة ..
~ سمح لينا اخويا جدة مريضة شوية وصافي ..
الشاب : لا لا ماشي مشكل ..
زاد الطريق مكمل الطريق وصاحبه شادين فيه أما سميرة منين سمعات حنان اش قالت لدري وجهها حمر ب الأعصاب ..
سميرة : اشوووفي ا لبايرة أنا ممريضاش واش سمعتي نتي لي على طول ونتي لا خطاب يدقوا لباب لا زواج طفرتيه خليني نقلب على راسي هاااء
رجاء كتجمع الضحكة بزز : صافي صافي متعصبيش راسك دابا تشوفوا شي واحد زوين عليه غيعجبك حسن من هدا ..
سميرة : على لله راني بقيت بايرة ..
شدات فيها فاطمة دائما جملة لا حول ولا قوة الا بالله .. حتى من نعيمة شادة ضحكة ..
غادين وحنان غير گتنكر على الكلام لي قالت ليها سميرة ..
حنان : وااا شوفي قالت ليك لبايرة إيييه بيه
رجاء : هههههه حتى نتي دايرة عقلك فيها ههه
دخلو لمحل خاص ب الأحذية .. عجباتها رجاء سبرديلة .. خدات هي وحنان نفس نوع ..
وخرجو متاجهين لكافي راقية ..
كان الضلام بدا يطيح و لمغرب مبقا ليها والو و تأذن ..
شدو بلاصة عائلة جالسين مجمعين ..كل وحدة اش طلبات قهوة .. عصير .. أتاي ..
رجاء : أنا غنمشي لحمام ونجي دابا ..
سميرة : شناهوا ابنتي لحمام واش غتعراي و تكسلي هنا ..
رجاء : هههه لا لا زعما نمشيو لطواليط
فاطمة : سيري أبنتي سيري ..
نعيمة : أمتعطليش أهياتا ..
تمشات غادة لجهة لمراحض يالاه جات تدخل لمكان لي مخصص حتى تزدحات مع شي جسم ..
علات راسها بثقل كتشوف فشخص لي تزدحات معاها خرجات عينيها بصدمة ..
رجاء : أيييييمن !!
هز فيها راسو .. سد عينيه و فتحهم ممتيقش ..
ايمن : ايييه واش بصح هادي رجاء
جا يقيس ليها يديها بعدات مخنزرة ..
أيمن : لله لله ههههه انا لي مخلين فين قصتك درتي لحجاب قالو لينا تزوجتي هههه (ضحك ب إستهزاء )
رجاء : حتااااارم راسك بزاااف عليييك انااا و اييه تزوجت سيد الرجال سمعتها
دارت غادة راجعة لمكانها حتى شدها أيمن بتحكم من يديها ..
ايمن : ييه دغيا تقلبتي علينا و ولا لفقيه سيد الرجال مم ...نسيتي لفلوس لي كنت نحط عليك ههههه
رجاء : طلق مني طلق ولا نشوهك ..
ضحك ايمن مرة أخرى ب إستهزاء
ايمن : لا احبيبة ماشي دابا صبري تخيلي هادو
(كيشير لتلفون صور ديالها لي كانت كتحط فيس وحتى لي كانت كتصيفط له ملابس شبه عارية و صورو معاها )
~تخيلي هادو يوصلو لراجلك سيد رجاااال هههههههه ولا يتحطو فشي مواقع ممم
كيف شافت صور صفارت بدات كترجف و ايمن كيضحك ب استهزاء ..
ايمن : اش بان لك معلوماتو و نمرتو كلشي عندي ..
جمعات قوتها وشافت فيه بكل قوة ..
رجاء : اعلى ما فخيلك ركبو اشماااتة
وتمات غادة راجعة ممخلياش ليه لفرصة فين يدوي مرة أخرى ..
نعيمة : افين تعطلتي نتي ..
ردات بتوثر ..
رجاء : مم .. ك .. كاان لحمام عامر
طووول لوقت وهي غير ساكتة كتخمم لبعييد لحماس لي خرجات بيه اول مرة تلاشى ..
الا وصلو صور ل ادم اش غيوقع ؟ أكيد زواجها غيدمر شكون هادا لي يرضى يشوف صور زوجته وهي بداك لباس أو محطوطين فشي موقع خايب ..وتوصل لجيران و أي واحد يشوفهم ..
سمعات صوته كيسلم على عائلته كانت غايبة فمرة كتسمع غير صوت الهضرة و الضحكة ..
قرساتها حنان هزات راسها مضهشرة ..
رجاء : ا .. سلام
يتبع ...
توقعاتكم 😊
أنت تقرأ
زوجوني فقيه الجامع
Comédie#حصرياا زوجوني فقيه الجامع قصتنا اليوم فيها الموت ديال الضحك.. قصة كتحمل كل من: الحب الرومانسية التشويق الدراما التفرشيخ الكوميديا بجهد تقديم الأبطال البطلة: فريفرة حنيقيزة طياارة مقزدرة زهوانية وكل مشتقات ذلك البطل: راه فقيه مغنكت...
