شااااف فييها أدم مطولا و نطق بصراامة : بيتك
اوا و هناا كاانت صدمة لكبرى رجاء معااودااتش معاه لهضرة يالاه طالعة لبيتها تااا كتسمع لبكا
سميرة : هئ هئ هئ انا مكيبغيني حد هئ هئ علاش زعما انا مبغيتيش تنعس حدايا
ادم :ستغفر الله اجدة شكون هدا لي ميبغيكش
سميرة : شكون من غيرك زعما بااش حسن مني تنعس حداها و تخليني انا
فهاد لقطة بضبط ناضت حنان عند رجاء شادة ضحكة غا بزز و نطقات فودن رجاء
حنان : عتقي عتقي فخر ياامك ماين حماتك اتولي ضرتك
شافو فبعضيااتهم و طلقوها بضحكة مفروشة تا تلفت عندهم الكل و هناا زادت كسيراات سمورة فالبكا
سميرة :هئ هئ هئ شفتيهم كيضحكو عليا حيث مبغيتيش تنعس حدايا
ادم :صاافي اجداتي زوينة ميكون غا خاطرك على شحال عندي منك شااف أدم فرجاء و تكلم و صرامة باينة فملاميحو
ادم : تبعيني
تحركااات رجاء من مورااها تاابعاه تا وقفو فالكوزينة و هو رد الباب د الكوزينة باش ميسمعهم حد
أدم : داكشي لي وقع قبيلة بالبيت د حنان مبغيتوش يتكرر ارجااء مرديتش عليك ماشي حيث مقادرش
و لكن مبغيتش نجبد صداع و المشاكل بيناتنا انا وياك تزوجنا خاصك تحتارميني و نحتارمك يكون الإحترام بيناتنا قبيلة كنت معصب و نتي عواض توقفي معايا زدتي كملتيها بضد ديالكعضات رجاء على شفايفها و هي كتسمع لكلامو فعلا غلطات مكانش عليها تغوت عليه بحال هكاك عواض تسولو شنو لي مقلقك و تحاول تحسن الجو كانت عاد مزادت أزمات الأمور تا فات الفوت عاد حسات بغلطها
رجاء و هي حانية راسها : سمح ليا بزاااف فعلا غلطت فالأخير كنبقا تطفلت على الخصوصية ديالك نتا و ختك
ادم دوز يديه على شعرو : رجاء شوفي فيا متحنيش راسك بيني و بينك مبقاتش شي حاجة سميتها الخصوصية الا داراني شي حاجة انبغي فاش نرتاح و نستاعد نهضر نجي عندك و نجلس مع مراتي نعاود ليها كاع لي ضرني فخاطري انا هضرت على ديك طريقة د الهضرة لي تكلمتي بيها
رجاء غاا شاافت رااسها وحلات وحلات بقات اشندير اشندير شداات ليه فيديه و بداات كتلمشهم ليه بحنان و فجئة عنقاتو
رجاء بتحلوين : هاادشي مغيوقعش مرة أخرى أحبيبي كنواعدك
ادم لي غا سمعها اشقالت بتاسم و بعدها عليه شوية : عاوديها
اوا هنا اتبداا تلعب القنديشة فراسها اوا ها لبسالات
رجاء : و صاافي ادم
شدااتو من حناكو كتجبدهم ليه : الكتكوت ديالي
ادم صاافي مقدرش يبقا محافظ على قناع الصرامة تشتت بالضحك : ههههه ربي وااش كااع هاد الدخامة تقولي عليها كتكوت ؟
رجاء : أه نتا هو الكتكوت ديالي ؟ دبا واش غنعس مع حنان
ادم : هههه زيدي زيدي قبل منبدل رأيي راني شاد راسي عليك غا بزز
خرج أدم و رجاء من الكوزينة و توجهو لعندهم لصالون كيضحكو تقولي هزيتي وااحد و حطيتي وااحد غاا شافتهم سميرة بداات تبسم و طلع فيهم و تهبط
سميرة : إييه قااالوها نااس زمان لحلاحة غلباب سحارة
دور ادم وجهو لجهة لخراا اواا اشغيدير لجداه دبا لي ولاات حاضيااه مبقاش ياخد رااحتو شااف تااا عيا و دوا مع رجاء فودنيها خلاها مزلعة بالضحك
أدم : كنفكر نزوجها و نتهناا
رجاء : ههههه
مشااا أدم جلس حداا جداه و هي كدوز يديها على شعرو بحنان لدرجة غمض عينيه بسترخاء
اما رجاء فجلسات حدا حنان مجمعة معاها و فاطمة كانت مشات نعسات فبيتها تا ناضت رجاء و جرات معاها حنان
رجاء : نوضي يالاه نعسو تا حنا
حنان : تصبحو على خير
رجاء : تصبحو على خير
غاديين فطريق و كيهضرو
حنان : يااا ختي بغييت نعرف غااا كيدرتي ليها خوياا بحالا فورماطيتيه دخل واحد و ولا واحد أخر
رجاء : ههههه تعرفيش دااكشي سر المهنة
حنان : وجهك قاصح ليستر
رجاء : مكاين مقصح من وجهك ليوم ممفاكاش معاك تا تقولي ليا شنو قاضية هاد الأستاذ تاني كفاش عرفتيه ؟؟
__
اجزاء ليوم .. واخا مكملتوش 30نجمة حطيت ولكن المرة الجاية حتى تكملوها عاد عنحط .. راه 200واحد لي كيقرى ومكتقدوش حتى تكملو ⭐30 😔
أنت تقرأ
زوجوني فقيه الجامع
Humor#حصرياا زوجوني فقيه الجامع قصتنا اليوم فيها الموت ديال الضحك.. قصة كتحمل كل من: الحب الرومانسية التشويق الدراما التفرشيخ الكوميديا بجهد تقديم الأبطال البطلة: فريفرة حنيقيزة طياارة مقزدرة زهوانية وكل مشتقات ذلك البطل: راه فقيه مغنكت...