نعيمة :نهااار كبير هذا دخلو دخلو لصالون كنا كنتسنااوك نيت كان قاليا ادم اتجيو ليوم
رجاء: واخا امي كاين بابا؟
نعيمة :راه فصالون يالاه لقيتيه دخل من دار سلمي عليه
حركات رجاء راسها بالإيجاب و مشاات لصاالون غااا شاافتو كالس بجلبابو الأحمر و طاكيتو كيما مولف و الهيبة باينة فوجهو عينيها دغيا بداو كيحمارو و مشا ادم هو لول سلم عليه من يديه
و باس ليه راسو
رجاء بقاات مبلوكية و حاضية باها هو لي شااف فيها و بتاسم
دريس: مغاديش تسلمي على باك ؟؟
رجاء غاا سمعات كلامو لي زااد على جرح مشات كتجري عندو باست ليه يديه و عينيها كيدمعو شلااال مبغااوش يحبسو ليها لدرجة بورشات ادم محملش يشوفها كتبكي
رجاء : هئ هئ سمح ليا ابا سمح ليا
دريس طبطب على ضهرها : بلا دموع ابنتي بلا دموع ليساامح راه كولشي كيغلط
رجاء: هئ هئ دارتها قلت لعقل ابا دارتها قلت لعقل هئ هئ
ادم قطعات ليه فقلبو مقدرش ميهضرش حط يديه على كتفها و تكلم :صافي ارجاء طيبتي عينيك بدموع
دريس: صرااحة حنى انا غلطت معاك ابنتي سمحي ليا
رجاء : حشومة ابا مكاين لي غلط قدي
دريس: سمحي ليا حتى نتي ابنتي غلطت تنا و الحق يتقال
رجاء : ليسامح ابا نمشي نعاون ماما
مسحات دموعها و مشات لكوزينة غا دخلات لقات مها كتطيب اخر مسمنة
رجاء :فاش نعاونك أمي
نعيمة : قادي ابنتي غا صينية و طبسيل د لحلوة هانا ساليت نيت
بقاات نعيمة و رجاء مجمعين تاا جبداات نعيمة لهضرة لي خلات رجاء غارقة فحوايجها
نعيمة : اوا انظرا ابنتي شنو درتي فداكشي ؟
رجاء وسعات عينيها على جهدهم : علاش كتهضري ؟؟
نعيمة :راكي فااهمة مديريش راسك معارفة والو مدوزيهاش عليا راه انا لي والداك ماشي نتي
رجاء : هادوك راه اسرار زوجية
نعيمة : هااكهااك هاك شوفليك الصفريطة تا هي ولات تعرف الأسرار (هزاات عندها المقلة د البغرير) دبا اتهضري ولا لا قولي خرج دم
رجاء : اهيااا نااري وااه وااه خرج دم خرج دم لمقلة لا
نعيمة : متبدلتيش ابنتي الا متحكيتي متعطي ريحة
رجاء : ماالنا ا نعيمة على هاد المعيور جيت عندك باش تعايريني شحال توحشت نقيرك ا مي
مشات لعندها و عنقاتها و كتبوس ليها فحنكها
نعيمة : تي خنقتيني يااه تي بعدي مني خلينا نحطو لناس ياكلو
رجاء : واخا يلاه ممعاكش لحنان ليستر
نعيمة : لحنان نعطيه لسيدي دريس شنو بغيت بيك نتي
رجاء : ياك الالة اوا ليخلي ليا تنا راجلي نعنقو و يعنقني
نعيمة : اوا اشغنقوليك ابنتي غا ليقل حياك و صافي
مشااات رجاء هي و نعيمة حطو طبلة اشمن يا حلوى اشمنك يا مسمن اشمنك يا الزيت اشمنك يا عسل
كانت طبلة بلدية بامتياز و ادم مجمع مع دريس عين معاه و عين حاضي بيها رجاء ها هي دخلات ها هي خرجت حتى كملو و كلسو كياكلو و دااخلين فالحديث كاملين من الرجاء لي غا كتشوف واخا هكاك مزاال مزاعما على قرة عينها هههه
كانت كل مرة كتسرق منو شوفات و هو منغامس فحديثو و حتى هو نفس شيء لدرجة شي مرات كيحصلو بلي كيشوفو بعضياتهم و هاادشي كاامل مداازش على نعيمة و دريس لي قشعو لبلان لومنا نعيمة فلحضة بقاو كيتشااوفو بلاما ينزلو عينيهم هو كيتأمل فوجهها البريئ الملائكي و هي كتشوف هاد راجل لي رجولتو و تصرفااتو كيخليوها تزيد تغرق فيه كثر و كثر
لحظة صمت فالبيت من غير نظراتهم لي كيتكلمو و يقولو شحاال من حاجة
شافهم دريس طولو و هو يحنحن بصوتو الخشن : احم احم
اوا هنا زينة لبنات عاد ضرباتها لفيقة و حنات راسها حشكانة من باها ادم لي حتى هو حس بالإحراج و قال يعتق الموقف و كون غير بقا ساكت
أدم : احم رجاء طاح ليك رمش من رموشك تحت عينيك
نعيمة مبقاتش قادة تصبر طلقاتها بواحد ضحكة : ههههههه سمحوليا مديوش عليا
رجاء: واخا شكرا
أدم : رجاء نشرب عفااك
اوا نااضت رجاء على سعدها ووعدها عمرات ليه كاس يشرب يالاه دخلات لصالون مرداتش لبال لثنية د الزربية اصلا فين عمرها ردات لبال لشي حاجة جاات مخبوطة مع الأرض و الماء مدفق على حوايجها
..
يتبع بعد قليل ههه 😊 ..
أنت تقرأ
زوجوني فقيه الجامع
Humor#حصرياا زوجوني فقيه الجامع قصتنا اليوم فيها الموت ديال الضحك.. قصة كتحمل كل من: الحب الرومانسية التشويق الدراما التفرشيخ الكوميديا بجهد تقديم الأبطال البطلة: فريفرة حنيقيزة طياارة مقزدرة زهوانية وكل مشتقات ذلك البطل: راه فقيه مغنكت...
