زوجوني فقيه الجامع

الجزء: 16

ادم : عااودي فين تلاقاو ؟؟؟
دارت عندو بخطوات بطيئة ..كتمنى ميكونش سمع لجملة .. حيت كيبقا خوها لكبير ودائما خاص تكون حدود ..
وخايفة لا يفهم غلط .. الجملة ~بصااح ؟؟حتى انا كنحماااق عليك احيااتي متصورش قداااش صافي نتلاقاو فدارك كيف العادة~
عاطيها الحرية و لحقوق ومخليها على خاطرها و داير فيها ثقة عمياء ..
نفس الوقت خطف ليها التلفون  وجهو حمر بداية الأعصاب خنزر فيها ..مفهماتش قصدها..
دار لهاتف على وذنه سمع صوت أنثوي..
ريهام : واا حنان وتي فين مشيتي ..سولتك حيت مقريتش رواية لبارح .. عاد جيت لعند ماما خاص نتلاقاو ..
حيد التلفون على وذنه وباقي بنفس تخنزيرتو ..
شاف فرقم المتصل كان على هاد الشكل : _ ريهام ❤️_
زفر براحة نوع ماا ونطق بصوت خشن ..
ادم : شكون عادي من ايمتا ولاو عندك صحابات ..
زفرات ب رجفة ..
حنان : و..والله اخويا حتى هادي غير صاحبتي
ادم : فين كتسكن ..؟
مع سؤالو مع دخول رجااء ..
رجاء : اش باقين كديرو هناا ..
زفر بعصبية ونطق بصوت حاد ..
ادم : رجااااء بيتك ..
أعدى حاجة عند رجااء هو شي واحد يتحگم فيهاا ..
نطقات بنبرة فيها نوع من الضد ..
رجااء : مخرجااااش ..
ادم كمش وجهه بعصبية مباغيش يدابز معاهاا وهوما عاد ف البداية ..
طول فيها الشوفة وخرج .. زادح لباب وراءه ..

طولات حتى هي شوفة ف الباب عاقدة حواجبها .. من تقلبه بسرعة البرق ..

شافت ف اتجاه حنان كانت حاطة يديها على خدها و عيونها متكونين عليهم شبيهة طبقة زجاجية بفعل الدموع ..
رجاء : مااالك معاااه شفتو دغياا تقلب ؟
حنان : اهئ اهئ قيسي قيسي قلبي كي كيضرب بجهد

رجاء: اويلي على زغبية تي مالك كانو جاريين عليك ؟؟

حنان : والله اختي كنت كنهضر غا مع صحبتي وعاودت لها واحد لقطة من واحد لقصة ..

رجاء : وفين كتعرفيها اصلا نتي ؟

حنان : هي خت أستاذ ديالي ف لافاك كان كيهضر هو لي عرفني عليها
رجاء : اويلي تااعت عرفك عليها تي من نيتك اشبينك و بينو بعداا ياك استاذك علاقتكم اتبقا محصورة غا فالقسم ؟؟ جيني من لخر

حنان : رجاااء متكمليش عليا حتى نتي نستاراح و نعاود ليك لقصة كاملة .. دابا ادم مغيكونش فهمني غلط ياك ..
رجاء : امم ممكن لي متأكدة منو هو هاد لأستاذ لي قلتي شميت فيه الريحة كاينة إن تما ..
حنان : مم .. صراحة منكدبش عليك كيعجبني ونقدر نقوليك كاع كنبغييه ..
عرفتي فشكاال..
رجاء خنزرات فيها : ياك قلتي غتزوجي فقييه ..
حنان : أوا حتى نتي راني غا داوية خاوية ..
رجاء : ممفاكااش معاك تا تعاودي ليا كولشي من ليف تال لباء
حنان : وا لصقة معاك انعاود ليك فليل دبا راني باقا مخلوعة يالاه نزلو دبا لتحت مي و سميرة ايسولو علينا
رجاء: زيدي زيدي ليدوز هاادشي على خير و صافي
ساعات دازو و ادام مزال مدخل لدار ..
اول مرة فتاريخه غيدخل معطل ..طوول لوقت ورجاء مشوشة اكثر .. خايفة علييه بهاد المعنى ..
خسراتها معاه .. وعنادها و ضدها جا وقت ندامة !!

تسمع لباب تفتح .. كانو جالسين فصالون مجموعين فاطمة و سميرة وهي و حنان ..
فوسط تفكيرها دخل .. كيحط سوارت سيارته على الطابلة ..
ادم : سلام ..
فاطمة : ادم اوليدي فين تعطلتي هاد تعطيلة عمرك درتيها ..
ادم تبسم ليها : والو باس ا لواليدة كوني هانية .. كاين سي عشاء ..
فاطمة : كونا كنتسناوك غا نتا اولدي ..
شاف جهة رجاء ورجع ثبت شوفة ف سميرة ..
ادم : اوا لحاجة فين وصلتي ف صلاتك ..
سميرة : اه يا لحبيب ديالي ( كدوز يديها على لحيته بحنان )
تبسم ليها هو ايضا بحنان وكمل جملته ..
ادم : هي العام جاي نمشيو لعمرة ؟ولا هاد لعام كاع ..
سميرة : فين اوليدي رگابي ..
نطقات حنان بخفة ..
حنان : بحرا توووبي ا سوسن ..ينقصو لك شوية ذنوب..
شاف جهتها ادم وخنزر فيها و رجع ثبت شوفتو ف سميرة ..
ادم : الا مشيتي غتشفاي ا لحاجة و هذاك لمقام حلم اي واحد ا لحاجة ..
سميرة : ان شاء الله اوليدي يكون خير..
حطات فاطمة لعشاء من بعد محطات معاها رجاء صلاد و عصائر طبيعية ..
كتاكل وكتشوف جهة ادم ..مبغاش يهضرها ولا يشوف حتى فيها ..
رجاء : احم .. ادم ممكن تمد ليا داك صلاد ..الا مغتكلوش .. عجباتني تبارك لله عليك اخالتي
هز طبسيل لي حداه ومدو ليها ..
عيونه ثبتو فعيونها .. بقا كيشوف وهي كذلك .. نفس لوقف د الصباح طاحو فيه ثاني ..
سميرة : هاااد طبسيل غيبقا معلق .. شدي ابنيتي ولا حطو ساعة و انا نتسنا باش نمد يدي لطبسيل ناكل قاطعين الطريق ..
طرطقات حنان بضحك لي فيها ممهنيها ..
تجمعات الطبلة و لماعن العشاء تغسلو جالسين كيف لعادة ف الصالون شاد ادم لحديث مع أمه و جداه أما رجاء فكالسين كيوشوشو ..
وقف أدم داير يديه فجيبه ..
ادم :رجااء .. يالاه بيتك .. تصبحون على خير
حنان : لا اخويا عفاك خليها نبات معاها عفااااك ..
فاطمة خرجات عينيها ف حنان ..
فاطمة : نوضي ابنتي سيري تبعي راجلك ..
حنان : عفاااااك غير هااد نهار ..
سميرة : واش صحاب لكم معندو حد ليوم ينعس حدايا يعنق جدااه ..
فاطمة : لله لله رجوع لله الحاجة ..

موعدنا  مساءا ... خليو  ليا توقعاتكم/أراءكم ونجيماتكم 😂😌