عمامي فتحوا حلكهم بس اني مفهمت شنو
مريم:شنو يعني فصلية
عمي:وردتي يعني ياخذون مرة حتى يطلعون مصطفى براءة
مريم:صدددك و اني موافقة اجي اذا مصطفى يطلع
بابا:مررررريممممممم
مريم:بابا (مسكت و جهة )حبيبي اني اروح احسن يعني لابد راح تشوفني بابا بس فكر مصطفى يمكن راح يحكمون علية اعدام حبيبي فكر بأيجابية اميرتك راح ترجعلك و اصلا اني راح ابقى هنا ما افارقك(اشرت ع قلبه) موووو؟؟؟
بابا:اميرتي كبرت و صارت تعرف تفكر حضني و اني حضنته اقوى اصبر نفسي و اترجى دموعي ما تنزل حتى بابا ما يخاف غمضت و عضيت شفتي مجنت منتبهة للعيون الي دتباوعلي .....
اسيد
بعد ما عرفت انو اخوي و حزام ضهري راح الا انتقم منهم خلي يصبرولي اخذنا لكربلاء دفناه و رجعنا للبصرة سوينا الفاتحة خلصت الفاتحة 3 يوم توجهنا لأربيل عليهم رحنا هي فتحتلنا الباب فتنا و ضيفتنا و استغربنا كعدت يمنا احنا ميصير عدنا بنية تكعد وي الرياجيل بس خلي تجي يمنا المهم طلبنا فصلية و وافقت هي حجت و ي ابوها الما قبل حضنته و غمضت و عضت شفتها الكل كام يباوع عليها يمكن هي تخاف لتبجي سوت هيج اشتعلت بنار و هذول الثول الكاعدين فاتحين حلوكهم مال لطم عاد هيا شلون جمال البشرة كطن بيضة و الشعر اشقر و العيون زرك بلون البحر سبحان رب الخلقها ع هذا الجمال.......
الشيخ:خلص لعد باجر نجي ناخذج
مريم:إن شاء الله .سلموا و طلعوا مر هذا اليوم و بابا حاضني و كاعد بس ابد منزلت دموعي كدامة طلعت حضرت جنطي ملابس طلعات ملابس بيت مكياجي احذيتي ادوات العناية ........
"في الصباح"
كعدت و اني مخنوكه بدلت و نزلت تريكت مع بابا الي بس صافن علية كأن يشبع نظرة بية طلعت سقيت زرعاتي راح اشتاقلهم نزلت دموعي بس مسحتهن بسرعة طلعت من البيت شفت سيارة سودا واكفة استغربت ركبت سيارتي و مشيت للمستشفى لاحظت دتلحكني وصلت نزلت رحت عليهم
مريم:ليش دتتعقبوني؟؟؟
الشاب:هذي اوامر الشيخ اسيد لتهربين
مريم:شلون عقليات خايسة انتو و شيخكم الله يهديكم بس
فتت سويت استقالة و الكل انقهر و ضاج بس اكثر من اظهر ردت فعل مهيمن متوقعت لهلدرجة يعني حتى كام يبجي طلعت برا و مهيمن طلع
مهيمن :يعني ماكو غير حل
مريم:لا والله مهيمن ماكو يا اما مصطفى ينسجن يا انا اروح فصلية ..... توادعنا ردت اركب سيارتي انجريت من ايدي ....باوعت هذا التعاركت ويا بالمستشفى
اسيد:منو هذا (و الشرار يتطاير من عيونه و ضاغط ع اسنانة و نبرته مليانه غضب)متت خوف اول مره احد يحجي وياي بهالطريقة بسرعة نترت ايدي
مريم:منو انت و تتجرأ تلزم ايدي امشي من هنا
رجع مسك ايدي و ضغط عليها
اسيد:و رب الخلقج و حق الكون لأخليج تبجين دم و اذا مره ثانيه تنترين ايدح هيج احسبي الله ما خلقج....عافني و راح ركب سيارة جكسارة و مشى بيها او بلأحرى طااار و خلاني صافنة ما اعرف يا ردت فعل تكون مناسبة لهالموقف ركبت السيارة و كلامه يرن بأذني(و رب الخلقج و حق الكون لأخليج تبجين دمممم) رجعت للبيت .....
صارت ب 10 و نص طلعت سبحت طلعت باوعت من الشباك السيارات جاية بدلت فستان صوف اسود لي الركبة احتراماً لميتهم حطيت مكياج خفييييف سويت شعري ويفي و شلت خصلات منه لبست بوت و اخذت القابوط و الجنطة اجت الخدامة نزلت الجنط نزلت طلعت جانوا واكفين بالحديقة دينتظروني
مريم:السلام عليكم
الكل :وعليكم السلام
الشيخ:جاهزة بنيتي
مريم:احم اي عمو طلعنا برا . اندرت ع بابا بس ابد ابد منزلت دمعة كدامة
مريم:حبيبي ليش دتبجي اعتبرني مسافرة برحلة عمل مثل كل مرة
بابا:شتكول علية ليلى ما صنت الامانه . احس تحطمتتتت من كلامه بس تمسكت بأخر ذرة قوى موجودة بداخلي
مريم(بخنكة):بابا ديربالك تكول هيج انت ما قصرت بولاشي ويانا
اسيد وصلنا الهم نزلت هيا ولبسها ماشاء الله خل تصبر طلعنا و كعدت تودع بأبوها بس شكد كوية مبجت ابدد......
بابا:مودعة بالله بنيتي اميرتي وحيدتي زهرتي
مريم:مع السلامة يا عمري و حضنته و عضيت شفتي قووووي احاول ما ابجي لا تبجين مريم ديربالج. بوسلي مصطفى و كله اموووت عليه . ابتعدت عنه واحد فتحلي الباب رحت ركبت ...
بابا:ديروبالكم ع وحيدتي شيخ بأمانتكم
الشيخ:بعيونا ابو مريم جا عين فراش عين غطى ......اتسالموا وصعدوا السيارات و اني كوووه لازمه دموعي حركت السيارة جان ديسوق هذا المتعجرف و يمه الشيخ يسموه و كعد يمي رجال هم جبير بس حرك مكدرت الزم دموعي اكثر انفجرت بجي الرجال الكاعد يمي.....
ابو اسيد:اخذي بنيتي سمي بالرحمن
شربت مي منه بس الشهكة مرافكتني محسيت غير صوته الي رعبنييي
اسيد:نفسسسسس ما اسمع منج لا و علي اذبحج و ادفنج و ميرفلي جفن.........
الى هنا ينتهي البارت حبايبي صوتوا ع القصة....... أحبيني بلا عقدِ ...... للكاتبة فتاة الغيم 💙☁
أنت تقرأ
أحِبيني بِلا عُقَدِ
Non-Fictionهو قاسي عاش في ظل العادات و التقاليد و هي بعيدة كل البعد عن التقاليد رقيقة تحب الخير....هل ستتمكن من العيش معه ؟؟؟؟نتابع القصة لنرى (رواية باللهجة العراقية)
