أحبيني بلا عقد ....... للكاتبة فتاة الغيم 💙☁
صحيت من صفنتي على اغنية.......
قولي لي
قولي لي
كيف سأنقذ نفسي
من اشواقي و احزاني
قولي لي
ماذا افعل فيكي
انا في حالة ادمان
قولي لي
قولي لي
قولي ما الحل
فأشواقي وصلت لحدود الهذيان...............
عيونه بعيوني عيونه حمرر
احس ديشرحلي شي بهلأغنية
بسس كافي لهنا دائما جنت اوهم
نفسي انو يحبني ما اريد بعد اوهم
نفسي اكثر لأن تعبت نفسيتي تعبت
اريد ارتمي بحضن بابا و انسى
كلشي.......................
اسيد
لمن جنا بالبيت ابوي كلي
لازم تطلكها انا تخبلت
اسيد:بوية ما اطلكهااا
ابو اسيد:ابني البنية تعذبت هواي يمنا كافي الشافته و هيا بنية دلال ابوها مدللها بس اصيلة و بت اصول و تحملت الشينة لو غيرها مجان سكتت احنا نحاول نردلها جميل افعالها لان ما شفنا من كل خير وليدي خليها تروح لحال سبيلها اعرف انك عاشكها و رايدها اذا الله قاسملك ياها ترجعلك ترجعلك
انضربت على راسي و بقيت مصدوم
انا اعرف ان لازم اسوي هيج بس
تغاضيت ......بعد ما نطقت الكلمة
و انا احس انتهت حياتي هنا
بعد منطقتها هي انصدمت و بقت تباوعلي
نظراتها بيها عتاب بيها قهر بيهاا
هوااي شغلات ما عرفت افسرها
نهضت و طلعت كدامنا استغربت
من سكوتها اتشكرنا من الشيخ
و صعدنا بصعدتنا انتبهت دتمسح
دموعها ااااااه بداخلي حسرة شكبرهاااا
بس الله يعلم ...شغلت اغنية
قولي لي
(طبعا هي مقطع من اغنية هل عندك شك للقيصر)
بعد مرور ساعات............
وصلنا لبيت اهلها لهنا و ينتهي كلشي
وكفت كدام باب بيتهم و اني اتذكر
يوم الاخذناها اباوع الزلم تصفن
عليها و فاتحة حلكها
كلبي احسه حيتوقف
راسي راح يطك ااااه..........
مريم:تفضلوا نزلوا
اسيد:لازم نرجع نلحك نوصل للبصرة
فهد:المرة الجاية خوية ......
نزل من السيارة فهد شمس دكت عليه .....
شكد حزت بنفسي حتى مقبل ينزل
اودعه او اي شي بس!!!!
مريم:اسيد اتمنى تسامحني اذا خطأت بحقك بشي بقصد او بدون قصد و اشكرك على كلشي اتمنى كنت خفيفة الظل .....
باوعلي و عيونه حمر بنظرات
قهر ما اعرف شلون افسرها
و اكتفى بالسكوت
امنيت يكول اي شي
اي شي بس خاب ظني .......
أنت تقرأ
أحِبيني بِلا عُقَدِ
Non-Fictionهو قاسي عاش في ظل العادات و التقاليد و هي بعيدة كل البعد عن التقاليد رقيقة تحب الخير....هل ستتمكن من العيش معه ؟؟؟؟نتابع القصة لنرى (رواية باللهجة العراقية)
