أحِبيني بِلا عُقَدِ

part 29

أحبيني بلا عقد......للكاتبة فتاة الغيم💙☁
قراءة ممتعة...💗

وسيم:شوكت ننفذ

اسيد(بحقد و ابتسامة جانبية):اليوم

اجا فهد و اتفقنا ع الخطة بعدوكم ساعة وصل الدعم و رحنا لبيت يق وسيم الكل جان لابس زي عسكري و حتى اني  دخلنا كعدنا و ضيفونا

فهد:خابرته وسيم

وسيم:اي جاي بالطريق....

بعد شوي اندك الباب احنا دخلنا
جوا و طلع عليه وسيم استقبل
و دخلوا لغرفة الخطار و احنا ننتظر
اشارة من وسيم حتى ندخل .....

مهيمن:ما كلتلي اختك وينها لان والله مستعجل عندي شغل

وسيم:اعتذر دكتور اذا ازعجتك اختي هسة تدخل .....

اخذنا الاشارة دخلنا هو بس
شافنا اصتك بمكانه و وجهة ينطي الوان .....

اسيد:الله بالخير دكتور

مهيمن:الله بالخير معرفتنا وسيم

اسيد:افاااااا شبسرعة نسيت انا الشيخ اسيد اخو خالد المرحوم الي انت سويتله العمليه (شددت ع اخر كلمات)

مهيمن:هههه اي اعذني انسى بسرعة تدري معارف هواي يلا انا استأذن

اسيد:لا لاااا بعد حتى جايك مشربته و لتنسى الجاي اهم شي ميصير تطلع بدونه مثل ميكول المثل دخول الحمام مو مثل خروجة........لونه صار اصفر و ما بعد يعرف شيكول

مهيمن:واصل جايك شيخ اشكرك

فهد:ميصير مو من شيمنا نطلع الضيف بدون منضيفة موو صح

الكل:صح

انحشر بالزاوية بعد ميعرف شيسوي

بهلأثناء طفر يريد يهرب و لزموا الشباب ربطوا ايديه و رجلية و كعدوا ه الكرسي

اسيد:الحجي صار ثكيل موووو

مهيمن:شيخ اتركني اروح لحال سبيلي معندي شي

اسيد:شوف الشباب ينتظرون كلمة مني حتى يضيفوك ضيافة 5نجوم فغرد بسرعة

.....مقبل يحجي وكام يمطمط
و اني منا طالعة روحي ضربوا
شكم ضربة و هو نستلة ميتحمل فكال...

مهيمن:خللللص راح احجيي بس هدووووني

اسيد:اقسم بالله العظيم اذا جذبت بحرف واحد اراويك نجوم الظهر .......

مهيمن:والله راح احجي و كلشي

....باوع اني من جنت صغير
جنت احب مريم .....مجرد ما كال هاي
الكلمات احس ناااار و كبت جواية
ضربته ببوكس طلعت روحة بس