أحِبيني بِلا عُقَدِ

part 40

أحبيني بلا عقد ..... للكاتبة فتاة الغيم 💙☁

..............................

بابا؛شوفي حبيبتي البارحة بالديوان اسيد طلبج ??

مريم؛شنووو صدك تحجي بابا

..........

جنت كاعد بالديوان على ناار بعد ما اكدر
اصبر اكثر و اشوفها تروح مني و بعيدة عني
كملنا عشا و كاعدين نشرب جاي ....

اسيد؛عمي اريد احجي وياك بموضوع

نزل استكانه و هو يكلي؛تفضل تفضل ابني

اسيد؛الصراحة عمي انا اليوم اريد اطلب منك طلب

؛كول ابني و ان شاء الله محلولة

ابوي و شهم و الباقينن يباووعون
مستغربين

اسيد؛عمي انا رايد مريم على سنة الله ورسوله

؛هاي الساعة المباركة و الله انت كفو و تستاهل بس تدري لازم ارجع و أسئلها و ان شاء الله كم يوم و نردلكم الجواب

ابوي؛و النعم من اصلا يا طيب انا كلش احبها لمريم بنية و النعم منك و النعم من تربيتك

؛اشكرك شيخ هذا من طيب اصلكم .....

احس روحي طاارت و طلعت من صدري
اتمنى احضنها  و بس اضمها جوا ضلوعي
و ما اخليها تطلع سودنتني بت الأوادم
وديتهم للمطار و انا اقنع بنفسي المرة جاية تبقى هنا وياي
و مترجع بعد طلعت للشط و انا ادعي ربي يتممها على خير
و تصير حلالي نذرت الا اخذها و نكضي اول ليلة
النا بالنجف يم الإمام عليه (ع) فدوة لأسمه
ما ردني خايب

.........

بابا؛شوفي بنيتي اني ما راح اجبرج و لا اي شي انتي تعرفيني اسيد انتي عاشرتي وتعرفين معدنه و انا اكول
رجال و النعم منه كلمته وحدة ما تثنه شفته و شفت
وكفاته وي اولاد عمه يكعد بصدر الديوان و كلمته مسموعة من بعد ابو و القرار الج بنيتي فكري الج يومين تفكرين بيهن
لأن عيب شيوخ ميصير نخليهم ينتظرون اكثر

مريم؛تمام حبيبي

كمت بسته و صعدت فوك شعوري
ملخبط ما اعرف شنو ما توقعت بهالسرعة
اسيد خطبني بهالسرعة فراشات تطير
داخلي من الفرح و بنفس الوقت خوف
شت تلفوني يضوي رحت اله اسيد
ديخبر

مريم؛الو

اسيد؛ااااخ يا صوتج يزيل كل تعبي ...تنهد و حجى...شلونج بعد رويحتي

مريم؛الحمد لله انت شلونك

اسيد؛مو زين من دونج