الساعه 9:00ليلا🌃
راقد ع بطنه ع السرير...
بس ماكانش راقد..
كان يفكر...
⚡عبدالقادر:
ايه والله نفكر....
ونفكر ونفكر...
قصدي اول مرة في حياتي نفكر...عادة دماغي مايخدمش..
يوقع ويروح زي حال كل الموظفين في بلادنا الحبيبه...
جمان: باه .. اختصر..في شن تفكر...😑
ضحك وقال وهو يغني: في أمونه...امونه...امونه...
جمان:مسرع ياكبدي بديت حتى تفكر😶
عبدالقادر بضحكه : والله ماني عارف كيف وليش وعلاش ولماذا...
ابتسم وقال...بس بجديات شاغلتني..
مش عارف هكي وجعتني...
اني راني معروف عديم احساس..حتى العزوات مانمشيش لأني عارف روحي بنضحك وبندير العار😅..
ايه...خطر عليا مرة مشيت عزي واحد صاحب بوه توفى
ماقدرتش نهرب الحق صاحب وليه معاي مواقف...
مشيت وين جت بنعزيه لابس وجه الجديات ومتأثر زعميتني..
حضنته من هني ..خطروا عليا مقالبي اني وياه كلها من هني...كله خطر عليا فهديكا اللحظه...ضحكت..معاش قدرت نشد روحي..
لين طلعني هو بروحه من الخيمه واني قاعد مهستر ضحك وهو مسكين غصب عنه ضحك معاي 😂..
جمان: 😂...ايه باهي ارجع للموضوع الاصلي وانت لازم اطول الخيط وتريح اليبرة...
عبدالقادر بضحكه: باااهي...تنهد وقال...لما شفتها تبكي ..اشر ع قلبه...هدا وجعني...مش عارف ليش...هو اني من الأول قلتها لاحظت الحزن في عيونها...تنهد وسكت شويه بعدين قال...
اول مرة نركز في بنت بشكل تاني ..قصدي اول مرة تجذبني حاجات تانيه في البنت بشكل عام...هكي هادي جذبتني فيها حاجات هلبه....من اول تكشيخه..وتفنيصه...
جمان :احمم..ايه شن هما الحاجات هادي 😔.
تنهد وهو يذكر فيها وقال: اول شي صغيرة ع انها تكون استاده في الجامعه...تبان قويه وواعره..وفي نفس الوقت حشوميه ...تفنص فيا...وفيسع ماتنزل عيونه..ووجهها يتحمر لونه......تنهد تنهيده عميقه...
جمان:حيي عليك امتى صار هدا كله😲
عبدالقادر :هههههههه..والله ماني عارف...باهي انتي قوليلي شن معناه هدا؟؟!!
جمان: مانعرفش😑
ابتسم وشبح فوق...وقعد يذكر فيها كيف كانت تبكي رجع حس بنفس شعور الضيق...
عبدالقادر:كان نعرف بس علاش كانت تبكي ...حتى بكاها ملفت للإنتباه....
جمان:😒....
✊✊✊✊
باب داره يطق...
هو : هااااااه..
برا..
تجديده ؛نفتااااح..
داخل...
ناض من ع السرير توجه للباب وفتحه ...
تجديده:فيسع فيسع سلم وليدي غيرلي لامبه الكوجينه انحرقت .
عبدالقادر رفع حاجبه: فيه مصارين مازال..
تجديده:باهي ياكبير البطن ياهامع تي غير سقدني توا قبل يولع فيا جدك..
عبدالقادر بضحكه: حاضر...
وهو جاي بيطلع ...
جمان:غير استنى ..قولي ع شن ناوي..
تجديده:هي هي سقد روحك...شبحتلي وقالت..وراس بنيتي زيدي غادي مش وقتك ..
ضحك هو ومشي...وحناه لحقاته..
وخلوني زي المهزبه بروحي😶...
🍁🍁🍁🍁🍁🍁🍁🍁
مقعمز في داره ع طاولة المكتب...
لاهي باللاب توب..طق الباب..
عصام وهو لاهي باللاب: تفضل..
انفتح الباب وخشت اخته...
منى: شنو عصام فاضي نهدرز عليك شويه.
وخر من ع اللاب وشبحلها: تعالي.
خشت منى وقعمزت ع الكرسي: هاه شن جو الجامعه..
عصام: ماشي حالها زي قبل..
منى ؛اممم باهي..شن جوك انت وخطيبتك هدرزتوا..
عصام حك حاجبه وقال:للآن لا..
منى:اياااه واني اللي نحسابك من اول ماروحت البارح من البيان كلمتها..
عصام : مالهيتش عندي ماندير..
منى:باهي ماقلنا شي لكن وخيي لازم تكلمها وتتعرف عليها ماديرش زي اللي خاش ع جبل بقادومه البنت صغيرة ره لازم تتعارفوا وتعرف طبعك وتعرف كيف تتعامل معاك..
عصام تنهد وقال: باهي نكمل اللي فيدي ونكلمها..
منى ناضت :باهي نخليك مانعطلكش..اصلا سامي قريب يجيني...
عصام ابتسم: سلميلي عليه..
منى بإبتسامه: يوصل...
مشت منى طلعت ...وعصام رجع لهي باللاب..
💛💛💛💛💛💛💛
مقعمزه فيدها تليفونها تشوفله وتستنى..
سيرين: مزوديتها روبين..
روبين بقلق:لا بكل ياسيرين ..اني الحق خايفه هلبه ندمت اللي وافقت..
سيرين:ماك انتي هبله ووجه فقر وحده تنخطب لواحد زي عصام وتندم!!
روبين: كبير وتحسيه جدي هلبه..واني نوعيته مانفضلهاش ..تس اففف..كله من امي قعدت تزن فوق راسي لين وافقت..
سيرين :راهو اسمعي قصة تفسخي ماتفسخي انسيها راهو والله امي تقتلك..
لوحت روبين تليفونها ع السرير وربعت ايديها وتأففت
💛💛💛💛💛💛
امي هو هكي يبي..قال نبيها صغيرة وجمالها ع الأسمر وعيونها سود..
زمزم ام عصام: وقالك نبيها جامعيه ومثقفه..
منى: بيني وبينك ولدك يطلب في طلبات مستحيله وينها توا اللي تجمع المواصفات اللي يبيها...بنات هالوقت كلهم سطحيات وتافهات وقرايتهم بالسيف يقروا فيها تبيهم يقروا في كتب تانيه ويثقفوا!!
زمزم تنهدت وقالت: يستر الله وخلاص ..
منى : ماتخافيش صغيرة وتو تغلبه وتخليه ميت فيها..
زمزم :لا ياكبدي وينسى امه بعدين!!
منى: ههههههههههههه
💛💛💛💛💛💛💛💛💛
واقفه تصب في طبيخة البازلياء في الصونيه..
كملت غطت الطنجره..
وخدت الصونيه حطتها ع الطاوله..
وقعمزت...
محمد: وين آمنه..
تبرة بضيق:من لما روحت من حوش بوها وهي في دارها مابتش تطلع..
محمد:اشبح شن صار بينها و بينهم...
تبرة:مرت بوها الله لاتختم عليها اكيد اشبح شن قايلتلها..
محمد: تعرفي يام والله مانبي تنزوج لين نزوجها ونطمن عليها مانبيش نجيب للحوش مراة تطلع زي امها ومرت بوها..
تبرة: امها هادي ياريتني نهار جبتها قعمزت عليها..
ضحك محمد..
تبرة بضحكه: تعشى تعشى...
🍃🍂🍃🍂🍃
"يتسألون عن سبب فقدناهم لملامح السعاده في وجهي...
ولايسألون انفسهم اذا ما كانوا هم سبب فقدناها...
لايجيد وجهي سوى رسم ملامح الحزن ..لإنه لم يتعلم غير ذلك....
لم يتعلم ان يرسم ملامح الضحك....او ربما لم يجد من يعلمه هذا....
ربما لفقري الشديد للسعاده...فقري الشديد للحنان..فقر قلبي الشديد للحب...فقر روحي للعطف....
فلا تلوموني ولاتتسألوا لما لانرى في عينيك حياة...
فمثلي لايملك الا الحزن...
ولاحياة مع الحزن...."
حطت البيرو..
وحطت راسها ع يدها المحطوطه ع الطاوله وبدت تبكي..
ودموعها كانوا يطيحوا ع حروفها الحزينه....
اغلب وراق مذكرتها هكي شكلهم...حروف حزينه مبلله بالدموع...
تعبر اكثر واكثر عن مدى التعاسه اللي عايشتها صاحبتهم🍃
🌟🌟🌟🌟🌟🌟🌟🌟🌟
لا كان ع خاطر ولاكان في النيه..
اعشق وانا الشاطر تسهر كدا عينيا..
رمشك يازين قادر جاب قلبي في ايديا.
رمشك يازين قادر جاب قلبي في ايديا...
يغني وهو يحدد في حوايجه...وطبعا يرقص بكتافه وجوه ملييييح..
ليه ربع ساعه وهو يحدد في نفس الكم متاع السوريه..
عبدالقادر: عيني عيني نفسي ومنى عيني..
ايه ماتقولوش خيره هدا قديم هكي..الحق اني نحب الأغاني القديمه حلوة وفيها ذكريات...
جمان"زيني حتى اني هكي 😍بس هو ااه منه هو😔"
عبدالقادر بضحكه:الأغنيه هي بالذات عندي معاها ذكريات واني صغير...تذكروا زمان كيف قلبوها الليبين...
جمان: هههههه ايه...فتحت كتابي لقيت خنفوسه..
عبدالقادر بضحكه:فقلت ماهدا ضربتني برشادة...
جمان وعبدالقادر:هههههههههههههه...
كمل تحديد وهو يحرك فراسه ايمين ويسار بضحكه يقول:اييه ايااام بالله....وياريتها ترجع...كان كل شي فيه بنه اما توا....خليها فسرك..
خل نكمل تحديد ونرقد...غدوة وراي يوم طوييييل..
ابتسم ع جنب والغمازة بانت وكمل شغله..
عبدالقادر:ههههههههه لازم يعرفوا ان الغمازة بانت بش تلخبطيهم فيا..
جمان :اني قلت اللي شفته بس 😍..
ضحك وكمل تحديد.....
🌟🌟🌟🌟🌟🌟🌟🌟🌟🌟🌟🌟🌟
🌄وطلع الصبح...
وهو فقع من 7...
نظم اموره...
لبس وتأنق....القى نظره اخيره ع المرايا...ابتسم وغمز لروحه
وطلع...😁
مشي للكوجينه لقي عمته جايه من صباحات ربي..
عبدالقادر: تووووحه..
فتحيه:اووو قدورة ياسمح يازين ياخشم وعين غير قولوا منين..
⚡عبدالقادر..
هدا النشيد القومي اللي عمتي دارتهولي من واني ولد 4سنوات...
تجديده:تبي تفطر ولاتطلع طول...
عبدالقادر: عطيني من المقروض اللي داستيه في دولابك المهني تحت الحولي السكري...
تجديده فنصت عيونها..
فتحيه:هههههههههههههههههههه...والله ياأمي حتى انتي ضحكي وهو قدورة تدرق عليه حاجه...
ضحك وهو يرقص فحواجبه..
طلعت مسكينه تجري للدار اللي فيها الدولاب وهو مشي وراها وهو يضحك...وفتحيه معاهم..
خشوا للدار...
فتحت الدولاب طلعت الطنجره من تحت الحولي...
فتحتها لقت حوالي 10مقروضات..بعد كانوا120
تجديده بصدمه:نهااااااار احرش...
هو ضحك ومد يده خدي طرف :اما مقروض لاقبله ولابعده..
ولف وطلع ..
وتجديده مازالت مصدومه.. وفتحيه ميته بالضحك..
🌟وهو ماشي...
عبدالقادر:نموت في المقروض والكعك الحلو والمالفي...من الحلو كله ماناكلش غير هما...
لاتقولولي بريوش ولاكريب ولادلاع..
حطها في فم واحد..وقعد يمضع والفم قريب ينشرك...
وهو طالع لقي راجل عمته...
ولا وادرق حدا الحيط وقعد يراقب فيه..
شافه ركب السياره وبيطلع...
عبدالقادر يمضع ويشوفله...
لين طلع برا الحوش..
تنفس بإرتياح وهو مغمض عيونه بعدين فتحهم ومشي لسيارته...
نقز فيها وقال:اخر لك يوم اليوم ...
شغلها..لبس نظاراته...وضحك وقال : قادم اليكي يا Myteacher...💕💕💕💕💕
🌟🌟🌟🌟🌟🌟🌟
وصل في الكليه..
وطول للقاعه اللي فيها المحاضرة قاله عليها فاروق...
خش قعمز وماكان في حد غيره..
خدي نفس ...وقعد يستنى ويشوف للساعه..
شويه وبدوا يجوا الطلبه...
لين تعبت القاعه وشويه وجو جلال وفاروق..
قعمزوا وراه..
فاروق:شني نشاط وحيويه..
جلال: شن واخد ع الصبح..
عبدالقادر: باهي ياحانط انت وياه ع قولت الشراقه..قولولي الأستاذة امتى تخش...
شبحوا لبعض ..
فاروق :9مزبوطه...
شاف عبدالقادر للساعه وقال بإبتسامه:توا تخش...
شويه وخشوا باقي الطلابه..
هو يشبح للباب برفعة حواجب..
ويراجي امتى تخش..
وقلبه يدير في حركات مش مزبوطه..
⚡عبدالقادر..
هووووه....والله حق ..مش مزبوطه بكل..
انفتح الباب...
و....
خش دكتور....
وانصدم صدمه تلاتيه الأبعاد😨..
الدكتور: صباح الخير..
ردوا الطلبه بأصوات متقطعه...
وهو لف راسه ببطء لصحابه...
لقاهم يشبحوا للدكتور وهما شادين ضحكتهم..
شبحلهم من فوق للوطا...بعد هز راسه ايجابا يتوعد وتلفت القدام...
صحابه:😂😂
😥ويعدوا عليه اطول ساعتين فحياته كلها...
اول مرة يحضر محاضره طويله وممله هكي..
قريب رقي عليه الضغط..
⚡عبدالقادر..
بطبيعتي ملول وقلاق مانعرفش نقعد في مكان واحد...
قسما بالله قريب جاني اكتئاب..مرضت رسمي...
لكن تو يشوفوا رفاق السوء هادم...
الدكتور: نلتقي في المحاضرة القادمه...
⚡عبدالقادر..
يااااالله....حاس بشعور اللي بينفدوا فيه حكم الإعدام وفي اخر لحظه طلع براءة...
طول طلع قبل الدكتور...
فاروق : يومين تلاته مفروض لايشوفنا لانشوفوه.
جلال بضحكه:هو هدا...
برا...
كان ماشي يتفس في هوا ربي وكأن كان ليه 10سنين محبوس..
وزع نظره حواليه..
توسعوا عيونه....ولمعوا بنظرتهم..
لما راها كيف جايه...
كانت برغم اعاقتها الواضحه تمشي بثقه وكبرياء..
رفع حواجبه وهو يشوفلها وقعد معاها بعيونه لين ادرقت...
تلقائيا مشي لحقها..
هي كانت ماشيه وجوها مش تمام...
هو وصل فيها وكان ماشي وراها ويشوفلها..
مرر نظره ع لبسها...ع شنطتها.. ع ساعتها اللي كانت بسيطه وعاديه جدا جلدتها سودا...ورقيقه بعض الشي..
خشت داخل وين مافي الأقسام خش وراها...
رن تليفونها...
طلعاته وشافت المتصل وردت: نعم حناي.........ايه....
وقفت...
هو وقف...وقعد يشوفلها..
هي اتكت ع الحيط...وقعدت تتكلم هو مركز عليها..
آمنه: ايه......تمام ان شاء الله بعد نطلع من الجامعه نخطم عليك ونمشوا............ايه فطرت....ههههههههه..
هو ابتسم لما ضحكت وهو سرحان فيها..💕
امنه:تمام حاضر والله حاضر...ايه....لالا هدالا مستحيل لو تطبق ع السمي ع الوطا...
ضيق عيونه لما شاف ملامح وجهها تبدلت للحده...
غمصت عيونها بنفاد صبر وميلت راسها وقالت:ع خاطرك راه باهي...
هو مركز معاها كويس...
ولأول مرة في حياته ينسا نفسه وهو واقف يشوف لبنت💕
امنه؛ههههههههههه...باهي غير وتي البخور...
غيرت عيونها وشبحت جنبها ضحكتها تلاشت..
هو قعد جامد فمكانه ويشبحلها برفعة حواجب..
هي قعدت تشبحله برفعة حواجب حتى هي...
هو مش عارف شن يدير...ارتبك وضحك..وقال:صباح..الخير
شبحتله من فوق للوطا وقفت ع حيلها وكملت مشي...
هو كمل وراها...
⚡عبدالقادر..
مش بيدي ...مش بيدي...
ماتسألونيش علاش ندير هكي...
لأني نفسي مش فاهم شعور مش مفهوم يجبد فيا ليها 💕...
آمنه:خلاص حناي...باهي....سلام....صكرت
وقفت قدام الباب متاع المكتب..
التفتت فجاة...
لقاته واقف يشوفلها...
شبحتله...
هو ابتسم..
ضربت قلبها رعشه من ابتسامته...
حتى من عيونه يبتسموا...
هو يشوفلها وخلاص ومش فاهم شي...
جمان:هما توا خارج التغطيه راه...
مشاعرهم هي اللي تتواصل وهما تحت تأثيرها....💕
💫💫💫💫💫
بس سرعان ماعقل امنه وقظها..
شبحتله من فوق للوطا وجهها مولي احمر ...
عبدالقادر ضحك وقال:صباح الخير معلمتي..
امنه شبحتله برفعة حاجب : صباح الخير...
عبدالقادر ضحك وقدملها وهي تلخبطتت لما تشوف فيه مقدملها..
عبدالقادر: شن جو..
امنه رفعت حواجبها؛اسمع مزاجي زي الزفت مش ناقصاتك..
عبدالقادر بضحكه:نعدلوه...
فنصت فيه..
عبدالقادر ضحك بربكه:نغيروه..
شبحتله بحده..
عبدالقادر بضحكه مرتبكه وهو يتكلم بإيديه:خلاص خلاص..خل يقعد زي ماهو...حك حاجبه وقال ..غير والنبي معاش تفنصي فيا هكي..😅
امنه بنفاد صبر : تعرف كان اختفيتش توا من قدام وجهي الماده والله ماضاله اللي ساقطهالك..
عبدالقادر وخر خطوتين: خلاص ماشي ماشي...ضحك وقال..غير بس بنطلب منك طلب صغيرون...
اضحكي...💕
هي فنصت و قلبها دق بقوة💓
عبدالقادر بإبتسامه حلوة :لأن ...والله ...ضحكتك حلوة💕
هي قعدت تشبحله وخلاص...ووجهها احمر..
هو لبس نظاراته..وابتسم ع جنب..
ولف....
⚡عبدالقادر..
وبانت الغمازة...
جمان:ههههه..باهي ياودي...
وبانت الغمازة ..ولف ومشي...
وهي تشبحله....
تلخبطتت كلها ع بعضها...
عمرها ماسمعت كلام زي هدا من شاب...
ولاعمره في شاب تعامل معاها هكي...
ومش اي شاب...قنين وجذاب...
نظره منه كافيه بش تربكها💓💓
⚡عبدالقادر...
كلام كبير😎
جمان: خليك برا توا ...😒...
عبدالقادر: لاغير شويه في حاجه نسيت نقولهالها...
مشي للخلف خطوتين ولف وولا للقسم..
وهي فعز تلخيبطها...
انفتح باب المكتب...
في نفس اللحظه...
عصام ...عبدالقادر قالوا:
استاذة آمنه....
....يتبع....
