التفتله....
قعدت تشبحله ..
اما هو فشبح لعصام اللي كان يقول..
عصام:صباح الخير استاذه..تفضلي..
هي شبحت لعصام وعلامات الأرتباك باينه ع وجهها اللي متلون بالأحمر....
وهو واقف من بعيد شوي ويشوف...
خشت آمنه وعصام خش ...
وهو شبح جهة الباب اللي ماقدامه حد..
ضيق عيونه لما حس بشعور جديييد..
اول مرة يحسه ..شعور ضايقه هلبه
⚡عبدالقادر..
ايه ضايقنى هلبه مافهمتاش...
قدم خطوة ...بعدين وقف...تنهد...
بعدين قدم خطوة تانيه ووقف...
بعدين ...
مشي طول للمكتب..
وقف قدام الباب اللي كان مفتوح وطق..
هي كيف جايه بتقعمز ع المكتب وعصام واقف قدام مكتبها..
شبحوله الزوز لما طق وقال..
عبدالقادر بإبتسامه: السلام عليكم ..
آمنه شبحتله ووجهها مازال احمر..
عصام:وعليكم السلام عبدالقادر تفضل..
ابتسم من فوق نفسه واشر بسبابته ع امنه: نبي الأستاذة شويه..
شبح عصام لآمنه..
آمنه: احمم..تفضل 😳
عبدالقادر ابتسملها وقدم وقال:نبي نعرف امتى محاضراتك بالزبط..
ضحك عصام وقال:يعني انت منزل الماده اكيد واخد الجدول مفروض تكون عارف بروحك..
شبحلها ...
لقاها تشبحله برفعة حاجب...
ابتسم بإحراج وقال:احمم..ايه ...بس نسيت..ابتسم بإستفزاز وهو يشوف لعصام..وجل من لاينسى ..
عصام رفع حواجبه..
شبح لآمنه وقال بإبتسامه ساحرة: ايه عطيني مواعيدك محاضراتك💓
آمنه حكت مقدمه انفها بسبابتها وقالت: محاضرة امس..وغدوة ..وبعده..
عبدالقادر بأبتسامه:الوقت..
امنه بحده: 9...11...2..
ابتسم وقال: امس وغدوة وبعده...2..11..9
امس غدوة وبعده...2..11..9
عصام: راك تنسى واهتم...وياسرك استهتار وتخرج..الأستاذه اصغر منك منك وواخده ماجستير..
رفع حاجبه اليمين وقال وهو يشوف لعصام:شكرا استاذه..شبحلها وابتسم..آمنه💓
امنه تلخبطتت مرة تانيه:احمم...
ضحك بعدين شبح لعصام بنظرة ليها معنى.. ولف وطلع..
امنه تبعاته بعيونها لين طلع..
عصام: هو هكي شخص هزلي وواخد الامور كلها باللعب والضحك..
آمنه:للأسف...
عصام ابتسم:حتتعبي في البدايه بس بعدين تتعودي..
امنه:عادي جدا الى الآن مافي شي يبين اني حنتعب ولو ع نموذج الطالب اللي كان هني بكري مار عليا ماهو اسوأ..جت في واحد مش مشكله تجاوز حدوده نسقط الماده وتم..
ابتسم عصام وهو يشوفلها كيف تتكلم بقوة وجديه..
عصام : كويس...
مشي قعمز ع مكتبه ..
وهي ترتب في حاجتها وهو يسرقلها في النظر..
ركز ع عيونها ...معبرات حتى وهي ساكته ولاهيه بشي ادير فيه..
ابتسم وشبح للاب متاعه....
🌟🌟🌟🌟🌟🌟🌟🌟🌟🌟
ماشي بطريقه للساحه..
جمان: مروح..
عبدالقادر: لالا وين مروح ..مافيش مرواح لين هي تروح..
جمان: امباااااه وين ماشي😒
عبدالقادر ضحك ورفع حاجبه الإيسار:عندي ماندير..
جمان: باهي قولي شن هو اللي بديره😁
عبدالقادر: مانحبش القصقاصين والقصقصه..
جمان:😑
عبدالقادر ضحك وقال:ايه قوليلي شن قالوا عليا بعد طلعت..
جمان: مانحبش القصاقصين والقصقصه😑
عبدالقادر:🤣...
💛💛💛💛💛💛💛💛
كلية الإقتصاد..
ماشيات بطريقهم للكافتيريا..
رتاج:عادي جدا في البدايه تكون في رسميات..
روبين: مش عارفه ماتريحتش بكل بكل..
رتاج : نقولك راه كان بتستمري هكي حتى شهر ماك مصكرتيه..
روبين شقلبت عيونها وسكتت...لما غيرت عيونها جو ع واحد لما شافاته تلخبطتت.
رتاج :ديري حوله..
جاها بسرعه...
:انخطبتي صار...
روبين؛برا في حالك ..
:تبي نخليك فحالك...جيبلي 1500دينار..
رتاج شبحتلها بصدمه..
روبين:1500!!!متاع شنو...
:حق اللي صرفته عليك كله..
روبين تشبحله بصدمه...
:عندك اسبوع مايجيبيش الفلوس تحملي مايجيك...
لف ومشي..
وهي تشوفله بصدمه...
روبين:شن ندير يارتاج..
رتاج:قتلك من قبل هدا واحد ملعب وشلتوت انتي اللي ماسمعتيش كلامي.
رتاج :مش وقته كلامك هدا ره مش وقته قوليلي شن ندير..
رتاج مطت شواربها داخل بأسف..
وروبين حطت يدها ع فمها ودموعها نزلوا...
🍂🍂🍂🍂🍂🍂🍂🍂🍂🍂🍂
يتمشى في اروقة الكليه..
حاملا بيده كوبا من القهوة ...
يتجول بعينينه في المكان...
الى ان توقف في مربع الكليه...
لجانب احد...
⚡عبدالقادر بضحكه:
خلاص والنبي اسكتي...
جمان: كنت نبي نديرلك جو خاص الحق فيا😒
عبدالقادر بضحكه:جو خاص قلتيلي ...حسيت روحي في رواية من روايات مستغانمي..
جمان:تعرفها قصدك!
عبدالقادر:ههههه لالا نسمع بيها ...هو اني عرفتها كويس لما كنت متعرف ع بنت من**** الحق هي ماشاء الله عليها لكن طلعت من جماعه حقوق المرأة والمجتمع الذكوري والوجوج هدا كله فتها بالطوييييل..
جمان: كيف وحده زيها طاحت فيك!؟
عبدالقادر بإبتسامه ساحرة ورفعة حاجب:الجواب عندك وغمز😉
جمان"شن قصده هدا 😳💓"
ضحك ومشي حط طاسه النسكافيه في سطل كناسه..
وولا لمكانه طلع طرف تويكس من جيبه..
جمان"شوكلاطي المفضله 😍....ياليته يعلم😥"
وهو كيف بادي ياكل فيها..تبت ع لقطه لما شافها طالعه..
فات بسرعه...وجي وراها..
بس كانت في مسافه..
قعد وراها لين طلعت من الواجهه..
كملت بروحها وهو وقف يشوفلها ...
كيف قصت الكياس وكملت للساحه..
لما يشوف لطريقة مشيتها توجعه وفي الوقت ينجذبلها...
راجاها لين وصلت الساحه..
مشي طول....قص الطريق..
ووصل في الساحه..وقعد يمشي لين وقف ع بعد مسافه بسيطه وقعد يراقب..
امنه تحط في شنطه في السيارة قبل لتركب..
شبحت لوطا..ضيقت عيونها ...صكرت الباب وقعد تشوف للعجله..
امنه بتذمر:لااااااااا عااااد... تس ..وخبطت يدها ع رجلها...استغفر الله ياربي استغفر الله..
هو يشوفلها ويسمع فيها ....
ضحك وقال:حان وقت التدخل السريع...
مشالها طول...
عبدالقادر: معلمتي خيرك..
امنه صكرت عيونها بشده وقالت بصوت عالي: كمممللت..
هو ضحك وقال:غير شن في خيرها السيارة..
شبح للعجله...اه العجله دارتها فيك..شبحلها...عندك عجله وعدة والجو هدا..
امنه تشبحله برفعة حاجب...
هو مشي طول للكوفني : ترا تعالي افتحيه..
شبحتله برفعة حواجب...
حرك راسه وهو يضحك "بمعنى شنو"..
شبحتله شويه ..
بعدين قدمت للكوفني..
امنه:حول..
وخر وهو يشوفلها بإبتسامه..
كان قريب عليها..وهي ملخبطه بعض الشي..
فتحت الكوفني..ووخرت..
امنه وهي تاشر بيدها :وريني كان فيك فايده ونفع للمجتمع ..
⚡عبدالقادر..
حيي طلعت من جماعة راجل عمتي..🤦♂️
هو ابتسم وقال: شكلك خديتي عني فكره غلط..
قدم للكوفني وقعد يطلع في الحاجات:اني محيطي من غيري مايديروا شي ..اني ايديهم ورجليهم كان نغيب عليهم يوحلوا..
امنه واقفه مربعه ايديها و تشبحله وغصب عنها لقت روحها مركزة في تفاصيله..لبسه شكله ...طريقته في الكلام..
وكيف يحرك في ايديه لما يتكلم.
طلع الحاجات وهو مازال يهدرز..
جي للعجله..
حول جاكته.. وحطها ع السيارة اللي فجنبهم..
هي وجهها ولااحمر ونزلت عيونها..
كان ملفت هلبه شكله جسمه من فوق وهولابس السوريه..
بدي يفتح في بطم الكمام..
عبدالقادر: حناي تقول قدورة ايديا ورجليا..
شبحلها وقال بإبتسامه:تقولي ياقدروة واني نحبه الاسم هدا..
نزل ع روس صباع رجليه وقال: وعندي غيره..قدو..قدري ..ابتسم وقال اللي يعجبك ناديني بيه..
امنه بحده؛ممكن تسقد روحك وتخدم وانت ساكت..
قعد يشبحلها..
نظرة الحدة اللي فعيونها تبدلت للخجل نزلتهم وقالت: هيااا.
هوضحك ورجع كمل شغله..
وهي غيرت عيونها وقعدت تشوفله..
سكت شويه وقال: اصلي ورفلي...لكن عايش في طرابلس من جد جدي..وانتي ..
امنه بنفاد صبر:اللهم طولك ياروح ..
عبدالقادر بضحكه؛غير اهدي وروقي تربحي..خليك تيتشر عليا في الكليه لكن برا منها. اني حنكون اسعد انسان في الدنيا لو ولينا اصدقاء
امنه :اسمع عارفتها الطروح اهيا كويس بالك عابي بالحركات هيا بنصفيهالك !!لا صدقني مش نسقطهالك لا..تقعد وماتصفاش وتزيد اطيحلك معدلك اكثر ماهو طايح هدا اذا كان في معدل اصلا..
عبدالقادر شبحلها بقرنة حواجب وهو يضحك وقال:باهي معاش تفنصي فيا..
امنه تلخبطت من جديده رمشت عيونها وغيرتهم عنه ..
وهو ابتسم ..عجباته هلبه ترميشة عيونها من الخجل..
حول العجله المفشوشه وركب التانيه وكمل...
رفع التانيه ووقف وهو يقول:انتي اما دفعه ..اكيد ملحق عليك..كان قريتي هني..
امنه ابتسمت تهكما: وتقول فيها عادي جدا!!تعرف لو كنت مكانك سيبت ومشيت خدمت ع راسي ولادرت حاجه مفيده ننفع بيها نفسي مدام مش نافع فالقرايه..
ابتسم وقعد يشوفلها وهو ساكت..
هي رمشت عيونها بخجل وقربت من الكوفني وسكراته..
وهو معاها بعيونه...
وهي كانت ملخبطه هلبه..
مشت فتحت الباب بتركب..
"قدوووو" .
التفتت ...
هو غمض عيونه وهو مبتسم..
جاته البنت :قدووو واخيرا...
فتح عيونه شبح لأمنه لقاها تشوفله من فوق للوطا.. ركبت السيارة وسكرت الباب..
البنت :ايه خيرك ماتردش ع مكالماتي..
عبدالقادر وهو يشوف لسيارتها كيف تتحرك: تليفوني انحرق..
البنت: انحرق..
عبدالقادر وهو يشوف للسيارة :ايه..
فات البنت ومشي طول خدي دجاكته ..
وطار جري لسيارته بش يلحقها..
⚡
جمان: مش ملاحظ ان وضعك مش طبيعي..
عبدالقادر وهو يركب سيارته: ملاحظ ملاحظ..
ركب وشغل السيارة وطار بيها يجري بش يلحقها..
💫💫💫💫💫💫💫💫
الساعه 10ليلا...
شاد الخباشه ويخبش في وراق الشجر الطايح في الجنان..
⚡عبدالقادر..
جادبيه غريبه نحس بيها جيهتها...
مش عارف..بس حاس روحي نبي نعرفها نبي نقرب منها..
وقف واتكا بيده ع عصاة الخباشه..
ضحك وقال:عرفت وين تسكن..
قعدت فجرتها لين وصلت طلعت مراة كبيرة منه وركبت معاها شكلها امها هكي نقول..
المهم ..برا برا...مشوا لحوش..
قعدوا ياسيدي بنسيد حاجه 4ساعات...
جمان:قصدك قعدت 4ساعات تراجي!!
عبدالقادربضحكه: طبعا لااااا..درت دورة في المنطقه حواليهم وبعدين وليت السيارة واستنيت حوالي نص ساعه طلعوا..
وروحوا طول...
تنهد وقال:نراجي امتى يصبح الصبح بس...
ايه غدوة امتى المحاضرة ..
جمان:9..11..2
عبدالقادر بضحكه: ايه امس وغدوة وبعده
9..11..2💓
🌟🌟🌟🌟🌟🌟🌟🌟🌟
مقعمزات في دارهم ويهدرزوا...
سيرين :مافيش غير هالحل...
روبين :تبيني نمشيلها ونطيح روحي ليها!!
سيرين:مالا خلاص تحملي مايجيك ع قولت هداكا الحقير..
روبين قعدت تهز فرجلها بعصبيه..
فجأة رن تليفونها..
انخلعت...شافت منو خافت..
سيرين: هو؟!
روبين :عصام....
سيرين :ردي باهي...
روبين شبحتلها بعدين شبحت للتليفون وردت.: ايوه..
عصام:السلام عليكم..
روبين:وعليكم السلام..
عصام:كيف حالك وحال الاهل..
روبين :الحمد لله ...كيف حالك انت وحال العيله..
عصام:الحمد لله.
🌟🌟🌟🌟🌟🌟🌟
اني لما كنت فعمرك كنت نقرا وندرس..كنت قايم مع بوي رحمة الله عليه المسؤوليه...الراجل ياولدي لازم يتعب ويتبهدل في الدنيا مش كل شي ضحك ولعب ...
⚡عبدالقادر...
واخيرا...راجل عمتي....الصادق...
هو هدا ....هو اني والله نضم في الجنان ويدي ع قلبي
ومع الأسف اللي خفت منه صار...
الصادق: نذكر ايام الحصار...
"الصااااادق"..
تلفت وشبح فوق: نعم..
فتحيه :تعالى العشي واتي..
الصادق:هي هي....تلفت لقادر وقال...نهدرزوا مرة تانيه هي تصبح ع خير...ولف ومشي ...
وعبدالقادر يطير في البوسات لعمته 😙😙😙😙😙
وهي تضحك عليه.. بعدين خشت داخل..
شويه..
وخش داخل..
عبدالقادر: حناااااي....تمييت
حناه من الدار:ربحت وليدي..
ابتسم وخش للدار..
سمع تليفونه يرن...
مشاله طول شاف المتصل ضحك ورد..
عبدالقادر: هاه ياكلب..
فاروق:اني مانبيش نسبك ع قمم سيارتنا اللي طبقتهم بس نبي نسألك قمم سيارة الأستاذ عصام انت اللي طبقتهم حتى هما!!
عبدالقادر ضحك وهو رافع حاجبه:يس😎
🌟🌟🌟🌟🌟🌟🌟🌟🌟🌟
كملت تحديد حوايجها وعلقتهم...
ومشت طول لطاولتها...
قعمزت ع الكرسي...وخدت مذكرتها..
فتحتها تنهدت...قلبت الصفحه و كيف جت بتكتب..
<< عبدالقادر: حناي تقول قدورة ايديا ورجليا..
شبحلها وقال بإبتسامه:تقولي ياقدروة واني نحبه الاسم هدا..
نزل ع روس صباع رجليه وقال: وعندي غيره..قدو..قدري ..ابتسم وقال اللي يعجبك ناديني بيه..>>
شبحت للورقه البيضا قدامها...
لأول مرة تحس روحها مش قادره تكتب شي..
مع هدا قامت البيرو وحاولت....
كتب كلمة ...
اليوم...ووقفت
<< اضحكي...💕
لأن ...والله ...ضحكتك حلوة💕>>
حطت البيرو..
كانت حاسه بشعور غريب..
شعور مانعها من انها تكتب وتعبر ع سطور صفحت مذكرتها..
اللي تعودت ديما تعبر فيها عن كل مشاعرها..
اللي ديما غالب عليها الحزن...
<< غير اهدي وروقي تربحي..خليك تيتشر عليا في الكليه لكن برا منها. اني حنكون اسعد انسان في الدنيا لو ولينا اصدقاء >>
غمضت عيونها بشده وتأففت وناضت...بعد صكرت مذكرتها..
ومشت طول لسريرها تمددت....
وتغطت..
<< امس وغدوة وبعده...2..11..9
امس غدوة وبعده...2..11..9>>
امنه :اففففف...وغطت وجهها بالشرشاف..
🌟🌟🌟🌟🌟🌟🌟🌟🌟🌟🌟🌟🌟
اليوم التالي ...
الساعه 11:00صباحا...
ماشيه بإتجاه القاعه... وتتكلم بالتليفون..
امنه؛باهي انتي تعالي للكليه........ايه.........باهي براحتك......خلاص........نشوفك في الحوش....سلام...
وصلت في القاعه...
"Good morning teacher"
امنه وجهها احمر نزلت عيونها وقالت:باهي خش..
ابتسم وقال؛حاضر..غير بنقولك
شبحتله..
عبدالقادر بإبتسامه:نسيتي تشكرني امس..
امنه بحده:شكرا...خش وسقدني..
ضحك وخش...
وهي خشت وراه وتحاول تتمالك نفسها...
مشي قعمز حدا صحابه..
فاروق بضحكه:شنو ياجحش ..
جلال: طاحت..
عبدالقادر يشبحلها..
هي كانت تفتح في اللاب.. وتشوف فيه..
بعدين قامت عيونها ووزعت نظرها عليهم..
لين جت عينها فعينه..
هو ابتسم..
ورمشت عيونها من الخجل وغيرتهم وقالت :احمم.. بسم الله نبدوا محاضرتنا اليوم..
عبدالقادر تنهد: مش عارف...كان هي اللي طاحت ولااني 💓
جمان: الله غالب ماليش في الطيب نصيب😔
....يتبع....
