فتحت باب القاعه وخشت وهي تقول :السلام عليكم..
ردوا كلهم :وعليكم السلام..
وقفت ورا طاوله ..
الكل لاحظ ع وجهها ملامح ابتسامه اول مرة تبان فيها هكي..
كانت مبينتها حلوة هلبه..
وهو اكثر من ملاحظ هالشي..
امنه وهي توزع في نظرها عليهم:افتحوا اجهزتكم..
جت عينها فعينه..
وهو كان يدير في اللي قالت عليه ويشوفلها وهو مبتسم ابتسامه خفيفه..
هي رمشت عيونها ورسمت ع وجهها غصبا ملامح الجديه
وتنحنحت..
وبدت تشرح ...
🌸طول المحاضرة
تشرح ومركزه بنظرها ع جهة معينه ..
تتجنب تشبحله..خايفه من الربكه اللي تصيرلها كل ماتشوفله..
نهاية المحاضرة..
امنه :نشوفكم المحاضره الجايه..يوم التلااات الساعه تسسعه..
وخدت شنطتها وتوجهت طول للباب ومازال صامده ومابتش تشبحله..
لين طلعت برا القاعه..
هو ضحك..
جمان:غير شويه ..كنت مركز معاها شن تقول ولامركز عليها
عبدالقادر بضحكه:والله مركز معاها بالحرف..اول مرة تعجبني محاضرة هكي..
جمان:ياعيني 😒
ضحك وقال:باهي شن رايك عندي نيه نراجعها..
جمان:ههههههه..لالاا بصراحه مش قادره نتخيلك وانت تقرا هكي وتولي طالب مجتهد والجو هدا..
عبدالقادر: ولا اني الحق 😂
فاروق:قدو في محاضرة تانيه بعد ساعه للدكتور عصام..
عكرش وجهه وقال:هدا بالذات لو نشرب وراه بيبسي حجم عائلي مايعديش معاي.
جلال بضحكه :ولا اني...
فاروق:يحاسب ع الحضور ره..
عبدالقادر بضحكه وهو مضيق عيونه:شن جاك انت قولي ..شاد مليح السمستر هدا..
جلال:هههههههههه.
فاروق:😒
عبدالقادر بضحكه :غير وراس روقه قول شن في..
جلال شبحله بربع عين وهو يضحك..
عبدالقادر شبحلهم وقال:حيي ع الكلاب حيي من وراي ..قعد يضرب فيهم وهو يقول..تي اني نقوللكم حتى امتى نغسل سنوني ياكلاب...
فاروق يتلقى في الضرب ويضحك:مش قصة..دسان..يا جيفه ياسر..
جلال بضحكه:اني عرفت صدفه ..يازفت..اححح..
وقف ضرب وقال: باهي نوضوا ياجيفه انت وياه عقاب ليكم تفطروني اليوم ومش راضي بأقل من زوز انشلاده..
فاروق بضحكه :سم ....
جمان :فعدوينه 😒
"كلاااب"..
جمان :هييييي...طول ادرقت ورا كرسي جلال..
عبدالقادر: سموعه ياسمح..
سموعه :قديده ياقنين..وزع نظره عليهم..خيركم قاعدين هني..
ناضوا التلاته ..
فاروق :توا كيف جينا بنطلعوا..
سموعه :لاتس جووو ..
طلعوا الأربعه برا القاعه..
طول ماهما ماشيين بطريقهم للكافتيريا...
هدرزة وضحك وتسهويك..
والسيد سموعه ماخلا بنت في حالها..😏
لعند ماخشوا للكافتيريا..
سموعه:ايييه قداش ليا عليها ..لكن جديات ماتغير فيها شي
عبدالقادر بضحكه:لا كل شي فيها تغير الا اني ..
ضحك سموعه..
خشوا للكافتيريا الأخيرة..
فاروق:نقعمزوا غادي..
شبحوا وين مايأشر ..
سموعه :مليح..
جلال:تم ..خل نمشي اني وفاروق نطلبوا..شن تبي سمعه؟
سموعه:اللي بتاكلوا منه ...
فاروق:تمام..
مشوا جلال وفاروق..
وسموعه وعبدالقادر مشوا قعمزوا ع الطاوله..
سموعه وهو يدور بعيونه في المكان:ايه شن جو الكبيده..
عبدالقادر ضحك:الكبيده !!
سموعه وهو رافع حاجبه الإيسار:مالا شنو؟!!
عبدالقادر تنهد وقال:مش عارف بس نحس مازال بكري ..
سموعه :كيف مازال بكري..اللي انت فيه هدا تكبيد راهو وأسألني اني..
عبدالقادر ضحك وهو يحك في حاجبه:لالا مازال..
سموعه شبحله بنص عين وقال:باهي..
عبدالقادر بضحكه:خليك مني وقولي شن داير مع عمك..
سموعه بمكر:قاعد ع قلبه....
عبدالقادر:وأمك..
تنهد سموعه وقال :مسكينه قعدت بيني وبينه هو وصغاره..
عبدالقادر: تس...المشكله انه عمك واقف..مفروض يكون مكان بوك الزفت..
سموعه ابتسم بتهكم وقال:الطمع...لايعرفوا معاه ولد خو لا ولد اخت..
عبدالقادر: ع خاطروسخ دنيا ياراجل..
سموعه:لالا ياصاحبي الفلوس مش وسخ دنيا الناس اللي زي عمي هما وسخ الدنيا...
جمان :صح..
سموعه :حييي !!
جمان :😳..
عبدالقادر بإستغراب :خيرك..
سموعه بصدمه:الصفرا اللي وراك توا ..هادي ...شني..كيف..مني..؟.
عبدالقادر بضحكه:شافك شافك شافك..
جمان: اسسسكت ..اسسسكت😣
ناض من مكانه :من هي هادي..
عبدالقادر ناض وهو يشبح حواليه وضحك بربكه شد يده :تي غير قعمز ياراجل درت العار..
سموعه شبح حواليه لقي الموجودين يشبحوله رفع يده 🖐: شجو..
ورجع قعمز وعبدالقادر يضحك عليه..
سموعه شبحله :باهي فهمني شن اللي ريته هدا..
ضحك عبدالقادر وقال : تونحكيلك..
جمان بهمس:اااه ياربي😭
🍂🍂🍂🍂🍂🍂🍂🍂🍂🍂🍂🍂
برا..
كانت مقعمزة في مكان مظلل وتشرب في القهوة وتشوف في تليفونها..
اتصلت برقم محدد..
بعد نادى مرتين انفتح الخط..
امنه:السلام عليكم..........الحمد لله كيف حالك انتي والصغار.........كويس الحمد لله...ايه بنقولك تماضر بنخطم عليكم اليوم نلقاك ؟....امم..الساعه هكي 2.....تمام خلاص......نتلاقوا بعدين...السلام عليكم....صكرت ..
تنهدت وهي تفكر......
زعم شن يبي منها...علاش هكي يتصرف معاها هي بالذات..
بعدين اتذكرت كلامه لما قال انه يتيم..
قلبها وجعها...
"أستاذة "..
تلفتت جنبها...
عصام بإبتسامه:فيها مشكله لوقعمزت ..
امنه ارتبكت :احمم...تفضل..
قعمز جنبها بمسافه قال:انسجمتي ..
امنه :عفوا!
ضحك وقال:قصدي مع جو الكليه والتدريس هني..
امنه شبحت القدام وقالت:عادي يعني..هو مكان عمل انسجمت مع انسجمتش ماتفرقش..اني جايه نعطي محاضرتي ونروح وبس..
شبحلها وهو رافع حاجبه بإبتسامه وقال:اسف لو ضايقك سؤالي..
امنه حركت راسها بالنفي :لاعادي مافي مشكله..
عصام تنهد وقال :زيك كنت اول ماجيت ..بس بعدين انسجمت وكونت علاقات فادتني وطورت مني..
امنه :كويس..
هو ابتسم وشبح القدام وقال:ع شني رسالتك متاع الماجستير..
💛💛💛💛💛💛💛
مقعمزين هي واختها يهدرزوا..
الهاديه:فكرت فيها بشكل تاني..
اختها:كيف شكل تاني..
الهاديه : امم..مش امنه بنت عمران...يعني عندها نصيب في رزقه..
اختها:لولدك نصيب الاسد..
الهاديه بضحكه:في الأول كنت نقول هكي..بس بعد اصرار خوك عليها..فتحت عيوني ع شي كنت غافله عنه..
لو خدت خوك..اللي ليها ليه من غير كلام..
اختها :هههههههه..واااك ياهاديه ياوخيتي ياعندك طمع اعوذ بالله..
الهاديه بضحكه؛مش طمع ياغبيه..هدا طموح..
اختها بضحكه؛ومن قالك ياطموحه انتي انها حتقول باهي..
الهاديه:تي مش غير تقول باهي تي تزغرط في سرها..
اختها:غير يقول بوها قبل..
الهاديه بتفنيصه: وهو يقدر يقول لا!
اختها:ههههههههههههه
🌟🌟🌟🌟🌟🌟🌟
هههههههههههه..
فاروق : ماهو هدا علاش مانبيش نحكيلكم ياتافهين
سموعه بضحكه:وماقالتلكش اما تقدير تبي..
عبدالقادر بضحكه:لاكان شرطت حتى تقدير راهو فاتها..
جلال بضحكه:صدمتني فيك..
فاروق :ماهو الحق مش فيكم ..الحق في الحمار اللي حكالكم..تسمسموا سمسام..
كملوا ماكله وهما يشبحوله وشادين ضحكتهم..
شويه..وتكلم سموعه..
سموعه: لكن تعرفوا ياولاد..بجديات..الراجل ماتربيه الامراة راهو..
جلال: ههههههه والله صدقت تسقمه وتمشيه ع الصراط المستقيم..
فاروق بلع لقمته وقال:ومرات العكس..
سموعه : المهم ديرله ريموت كنترول تحركه بيه..وهو وحظه ياتجيه بنت حلال تخليه راجل وترفعه فوق..ياتجيه بنت ستين كلب..تخليه كلب..وتنزله في اسفل السافلين..
عبدالقادر اللي كان يفكر فكلامهم قال:صح..
شويه ورن تليفونه شاف المتصل لقاه "توجي"..
ضحك وناض:شويه شباب..
ومشي..
كملوا ماكله وهما يتبعوا فيه بعيونهم ...
طلع برا الكافتيريا من بابها الجانبي..
رد ع المكالمه؛هاه ياسمح.............ايه .........لا..............ايييييييييييييه علينا................تي هي عندها بدال الولد عشره........وبعدين يطلع عبدالقادر مايصلحش.........تي وديني تفتح فمها..........ههههههههههه...
وزع نظره ع المكان..
تلاشت ضحكته لما ركز بنظره ع مكان محدد...
امنه بإبتسامه؛مش هلبه..بس اني سماعيه يعني نفضل نسمع اكثر مانقرا..
عصام :مش عارف علاش نحس فيك تحبي تكتبي..
امنه بإبتسامه تعجب: صح ..كيف عرفت..
عصام ضحك وقال: توقعت بس ولحسن حظي طلع صح..باهي شن تكتبي..
امنه شبحت القدام قالت وهي تحرك في ايديها:لالا خربشات هكي ..حاجات عاديه..يعني فضفضه خواطر..شبحتله وقالت..هكي يعني.
عصام بإبتسامه :حلو...
"السلام عليكم"..
هي قلبها دق بقوة 💓
شبحتله ووجهها طول ولا احمر...
عبدالقادر وهو حاط ايديه ورا ظهره ومبتسم : ممكن استاذة شويه..
عصام رفع حاجبه...
امنه : شن في؟
عبدالقادر وهو يشوف لعصام: نبيك في موضوع ..ع انفراد..
امنه تلخبطت وشبحت لعصام...
اللي ناض وفيده الشنطه:تمام استاذه اني نستاذن توا بعد 5دقايق تبدا المحاضره...شبح لعبدالقادر..5دقايق ياطالب.
رفع حواجبه عبدالقادر وقال :تم استاذ انت اسبقني واني لاحقك..
امنه فنصت وشبحت لعصام..
عصام شبح لقادر بنظره حاده..
عبدالقادر بإبتسامه مستفزة: عطيني 5دقايق الموضوع بيني وبينها مهم...
هي رفعت حواجبها...
شبحلها عصام بعدين شبحله وقال :5دقايق فقط لاغير..
شبح لآمنه مرة تانيه..بعدين لف ومشي..
حست انها انحطت في موقف زي الزفت قدام عصام وهو حطها فيه..
وصلت عندها للشيطان الرجيم ..
شبحتله وقالت:يعني لازم نندم اني عطيتك وجه وتعاملت معاك بإحترام!
هو يشبحلها بصدمه..
لفت ومشت طول لشطنتها وطلعت الفلوس وجاته ومدتهومله :خودهم وتصرف بروحك واني معاش نبي نشبحك تجي فطريقي ماتخلنيش نتصرف تصرف اني مانبيشي قاعد نكرر ونعاود الزم حدودك...
هو شبح للفلوس بعدين شبحلها وقال:كنت نبيك في حاجه تانيه تخص البحث اللي طلبتيه ونستسفر اكثر بس..وبالنسبه للفلوس هما مش ليا لحد كلفني نصدقهم يعني انتي لو بديري هاالخدمه ليه هو مش اني...ابتسم..
هي طول غيرت عيونها ونزلت يدها..
هو يشبحلها بإبتسامه ورفعة حواجب..
شبحتله وقالت: البحث اسأل عنه زملائك ماتسألنيش..والخدمه هادي ....حركت يدها اللي فيها الفلوس ..ماتغير شي..نقعد اني استاذك وانت طالب عندي فقط.. لا..غير...
هو ابتسم ابتسامه حلوة وقال :حا..ضر...
غيرت عيونها ورمشتهم ومشت ايمينها...
بعدين غمضت عيونها وقالت :اوففف..لفت ايسارها ومشت وين مافي شنطتها حطت الفلوس فيهم...
وبعدها لفت ايمينها ومشت فاتت من حداها وملامح العصبيه ع وجهها..
هو ضحك ومشي وراها نوعدك البحث اللي بنديره اني لاشفتي قبله ولابعده..
بعدت وهي تمشي.. وقف..علا صوته وقال..
"وعد....ووعد الحر دين عليه"
ابتسامتها كانت تصارع فملامح الجديه ع وجهها ..
ودقات قلبها كانت مسموعه بالنسبه ليها مش محسوسه بس 💓..
اختفت من قدامه...
تنهد وتلفت بيولي للكافتيريا وهو يضحك..
جمان:صدق سموعه 😒
عبدالقادر بضحكه:تي غير تعالي هني قوليلي كيف شافك..
جمان:حظي الزفت اشتغل هو هدا 😑
عبدالقادر:😂..
خش الكافتيريا لقاهم ناضوا..
عبدالقادر: وين..
سموعه:عندي مشوار والجماعه عندهم محاضره..
فاروق:خلاص اخر كلام مش حاضر..
عبدالقادر: ايه 😑
ضحكوا جلال وفاروق ومشوا بعد قالوا "تشاو"..
سموعه :كنت مع الكبيده..
عبدالقادر اتفاجأ وقال:كيف عرفت؟
سموعه بضحكه:غريبه ماقلتش مازال..
عبدالقادر ضحك بعدين تنهد وقال : مازال من عمرك ياصاحبي 💓
سموعه ضربه ع كتفه وهو يضحك وقال:تعال..
ابتسم قادر.. بعدين خدي شنتطه..ومشوا مع بعض...
💕💕💕💕💕💕
في الطريق...
سموعه وهو يسوق:شوف نوعيتها هي تبي اسلوب تاني..بش تقدر اطيحها بيه..شي يمشي معاها ومع عقلها..
عبدالقادر: شي زي شنوا يعني ..
سموعه :اهاااه..قتلي كيف...نقولك...
جمان :استنى..
شبح من مرايه السيارة لقاني مقعمزة وراهم..
قعد يشبح ويقول :حي ع امي حي..حي ع العيون حيي..
عبدالقادر بتفنيصه :اشبح قدامك ياراجل..
جمان : ياااااربي ياربي ياربي ياربي ياربي 😣
ركز وشد فرينوا في اخر لحظه..
عبدالقادر جمان :😧😧
فاتت من جنبه السيارة اللي كان حيخبطه..
سبه اللي فيها..
هو جاي بيرد السبه...رجع شافني من المرايه سكت وغمض عيونه بشده وقال:استغفر الله وخلاص..
عبدالقادر التفت :كله منك..
جمان :والله !شن دخلي اني..
سموعه :ايه شن دخلها مادخلهاش متدويش معاها هكي..
ضحك عبدالقادر بصدمه..
التفت سموعه وقال :شن اسمك ياابله..
جمان بإزدراء: مانعرفش..وبعدين بنقولك انت بالذات ماتدخلش في موضوع قدورة..
قادر بضحكه :علاش..
جمان:ماهو بيودرك ويرفعك في ستين داهيه..وبعدين شبحت لسموعه وقلت بإزدراء لما لقيته يشبحلي..هدا شكل واحد ياخدوا منه نصيحه..
سموعه :جميله وماريت كيفك جميله...
جمان :لا بالله عليك سكته😣
قادر:الله ياسلطان الطرب😁
سموعه :وجميله ماريت كيفك جميله..
جمان: معاش نقدر نقعد خلاص 😖...واختفيت..
سموعه بتفنيصه:تي وين مشت!!
عبدالقادر :هههههههههه..للخلي مسكينه..المهم قولي شن جاي بتقولي انت ..
سموعه تنهد وقال:تو نقولك لكن هاه زي مابنساعدك ساعدني وديرلي موضوع مع الصفرا..
عبدالقادر بضحكه:هههههههههه..ياودي باهي تونشوف رغم انني ماننصحكش بيها راهي نار حمرا ..
سموعه :اااخ ياقلبي نموت فيه العصبيات اني..حتى لما تكشخ عليك ياراجل تحس روحك خاطرك تعطيها كف وتحضنها فنفس الوقت..
هو قلبه دق بقوة 💓..
خطرت عليه امونه ماهو😁
عبدالقادر بإبتسامه:صدقت💓..
سموعه بضحكه :المهم اسمعني جاي...
💕💕💕💕💕💕💕💕
الساعه 7:00مساءا..
تحني في شعر حناها وتغني..
ماتغيب عني ماتغيب
ماتغيب خليك قريب
ماتغيب يالغيم الماطر
ماتغيب يالورد العاطر
لما العين توالف زول ايش نسي العين زويل
لما الظل يوالف طول من ينسى في الظل ظليل..
امنه:شويه حركي راسك هكي حناي..
تبرة بإبتسامه:باهي..وحركت راسها..
ابتسمت وكملت تحني وهي تغني :
لما الصوب يكون اوصول من ينسى في الصوب غريل
كان تحب ماتودش عيني بالدمعه
كان تحب كان على وردون الشمعه
كان تحب عليا ماتغيب
كان تحب خليك قريب..
تبره بضحكه:شني ياتونس مفتاح انتي زاهيتلك الحمامه ..
امنه بضحكه:حركي راسك هكي حناي ترا..
حركت راسها تبره وهي تضحك وتغني :
ماتغيب عني ماتغيب..
امنه بضحكه:ماتغيب خليك قريب..
تبره :ههههههههههه..
امنه ابتسمت وحاسه بشعور حلوة بالمرة 💓
💕محلاه هالشعور💕
💛💛💛💛💛💛💛
خشت للدار لقاته كيف لبس فانيلته..
الهاديه :عمران..
عمران :نعم ..
الهاديه :قولي..شن صار في موضوع خوي وبنتك؟
عمران:قتلك عطيني وقت نفكر..
الهاديه: قتلي يومين انت؟!
عمران تنهد وقالت: عندي سفرة غدوة بعد نروح يصير خير فات من حداها ومشي للحمام..
وهي تنرفزت منه هلبه ..طلعت من الدار وصكرت الباب بتقربيع..
🌟🌟🌟🌟🌟🌟🌟🌟
الساعه 10ليلا..
صكر اللاب وهو يقول:راسي مستك..
جمان :انت مش متاع قرايه..لتوا حايرة كيف وصلت سنه تالته اصلا..
شبحلي شويه بعدين قال؛تعرفي لو نبي نجيبها الأول ع الجامعه مش الكليه بس..
جمان:ههههههه..جرب..بالك.يصير منك انت وسمراء الجنوب..
ابتسم وقال:لا تو يصير ..لكن من غير القرايه ووجع الراس..
جمان :بتبع نصايح المختش هداكا😑
عبد القادر بضحكه:ايه حقه قال يبي رقمك..
جمان :يبي نص بالدحي ..😒
اصلا انت بروحك ماعندكش رقمي..
عبدالقادر ضحك وقال: وراس توجي يجيبه يجيبه اني نعرفه..
جمان: 😒كان ري شحمة وذنه المختل هدا..
عبدالقادر :هههههههه..
جمان :وانت زيد تبعه وتو تشوف وين يرفعك..
عبدالقادر بإبتسامه :لقلب امونه إن شاء الله..
جمان:😑
🌟🌟🌟🌟🌟🌟🌟🌟🌟
تاني يوم...
الساعه 9:00
صباحا
نزلت من سيارتها بعد درستها..
صكرت الباب..
ومشت طول للطريق..
قصت الكياس..في امان من الله..
فجاة..
صوت سيارة دارت فرينو..
هي سمعتها..
طيحت شنطة اللاب وحطت ايديها ع راسها وعيطت بأعلى حسها...
...يتبع...
