نهار كان مغيم والشتاء طيح بقوة كنت نسوق وفرحان لانو ح تكون عطلة طويييلة المدى في دارنا اريح بلاصة ليا مع انو نحب عيشة المدينة وين نخدم وكلشي ساهل ليا بصح الانسان مهما تقدم فحياتو وعاش وجرب عفايس جدد لكن يقعد اصلوو هو الصح وبالنسبة ليا دارنا فالجبل الواد الغابات الطبيعة هي ملجأي الوحيد
سامية: الوو أميين
انا : اهلا يماا ههه راني جاي ماتخافيش منهربش
خديجة: لالا وليدي عيطتلك نقلك بلعقل برك راهي الشتاء بزاف براا متجريش فالطريق
انا: ماتخافيش يماا راني بلعقل
كملت مع يما والشتاء كانت تزيد حتى نشوف طونوبيل حبست فنص الطريق ومحبتش تكمل
انا: وااش هادو تلفتلهم الطريق حابسين هكاا
صونيت شحال من مرة والطونوبيل لي قبلي و محبتش تمشي وطريق ضيقة هبطت ليهم حتى نشوف زوج رجاال
انا: اااه سلام خويا هاد طريق تدي lvillage صغير وصعيبة باش تدخل منا اذا متعرفش
....: لالا علابالي واش راني نديرر صحيت
كانو يبانو ناس ماشي من المنطقة علا حساب الحطة جيت رايح حتى شفت طفلة قاعدة ماللور وخبطتلي فالتاقة وشافها لي هدر معايا وضربها
عاودت وليت لطونوبيلتي وقاعد نهدر مع روحي زعما واش كاين علاش هديك الطفلة خبطتلي فالزجاج
اكسيلارت الطونوبيل لي قبلي وقلبي مهنانيش قلت نمشي موراهم ماراني خاسر والوو طريقي حتى نشوف من بعيد تفتحت الطونوبيل ورماو الطفلة فنص الطريق قدام الغابة وقلعوو
دنيت بالطونوبيل ليها وخرجت نجري ليهاا كانت مرمية فنص الطريق
انا: ختيي صاافاا؟؟ نوضيي الشتاء راهي بزاف تتجمدي هنااا وطريق خالية
.......: كانت تبكي ومضروبة فوجههاا (خزرت فيا ودنات)
انا: متخافيش معندي والوو وماراني ناوي نديرلك والو شفتهم كي رماوك فنص الطريق غابة هنا خالية وراه والبرد تموتي هنااا امشي معايا
....: (خزرت فيا) وناضت بالسيف كانت مجروحة بارتو تبان كانت هااربة
عاونتهاا وطلعتها معايا فالطونوبيل كنت نسوق ومحبيتش نسقسيها سيرتو كي كانت خايفة وباينة موراها حكاية كبيرة شفت فيها لقيتها مشمخة وتترعد مالبرد نحيت جاكيت تاعي وعطيتهالها تحطها عليها 💚⭐
أنت تقرأ
إِلَيكَ أَنتمِي💚🧝🏼♀️💫
Short Story"حياتي تغيرت بين لحظة ولحظة فجأة الحبيب ولا غريب والقريب غدرني حتى ربي بعتني ليه " حكاية غدر ، وانتقام ، وحب وانتماء ...❤💢 Amine 💍 nihel sii vous aimez n'hésitez pas de commenter🧡💕⭐ #new__
