أنا : وااش نتاا تان اك جاي؟؟
امير: نلووح مع نهال
ايمان: ههه شكوون يقدرلك بدلتني يااوااحد لوااعر
نهال : ههههه
كانت اول مرة نشوفها تضحك من نهار جات وهي يا تبكي يا غايسة وساكتة
~~~~~
نهال🌙
خرجت مع ايمان للسوق وكان عندي شحال ماخرجتش كان السوق شباب في ساحة كبيرة الدراري صغار يلعبوو الناس تمشي وتبيع وتشتري نسيت اخر مرة خرجت وتنفست وانا حاسة روحي فأمان وواحد ماراح يوصلي
ايمان: امين حبيت دور نتا وامير وانا ونهال ندخلو للحانوت تاع les robes نشرو
امين: اوكي ماتطولوش بزاف
ايمان: هههه امشي امشي نهال نخيرو les robes مزية جيتي تعاونيني سلاف ماتنفع لوالوو
خيرت ايمانrobe للفيونصاي تهبل حمراء طويلة
انا: الله يبارك خموس عليك جاتك تهبل
ايمان: ههه حتى انا عجبتني بزااف مارانيش حابة نتوسوس نديهاا وخلاص
انا: ههه والله صح
ايمان: ايه ونتي واش خيرتي؟؟
انا: ... لالا وانا وعلاش ياك نتي لعروسة
ايمان: ااه بعداا واش هاد لهدرة جبتك تتفرجي راكي كي ختي ولا ماراكيش ناوية تحضري لفيونصاي
انا: والله يا ايمان نتي تان دايراتك كتر من اختي 💕💕 خلي نلبس اي حاجة من عندك وخلاص
ايمان: ااووه نهال متهبلينيش ازربي دخلي قيسي راني شفت روباا راني غير نطاوعلها علابالي جيك فورر
انا: هههه مريضة والله
دخلت جابتلي ايمان روبا غوز كلاغ طويلة مفتوحة من تحت وكتافها هابطين
ايمان: وااااوو بوبيااا الله يبارك وهاد وين كامل ومخبياتوو🌸🌸
انا : هههه (شفت فلمراية) سرحت في روحي نسيت اخر مرة ضحكت مع لمراية ولبست هكاا .... ااه ايمان مانديهاش بزاف مفتوحة خلي واله ماراه مورالي باش نلبس هكاا
ايمان: هههه لالا والله غير تديهاا حابة تولي عجوزة رايحة تلبسلي روبا كحلة ..(شدتلي يدي) نهال انساي لي صراا صراا خلاص اطوي صفحة هاديك من حياتك وبداي من لول مازالك صغيرة وشابة ودنيا ح تضحكلك ❤❤
(تعمرو عينيا بالدموع) عنقتهاا : مزية راكي معاياا
ايمان: ههه اياا خلاص دركاا بكيتيني معاك اخر كلمة ندوهاا
انا: هههه اوكي
خرجنا لقيناا امين براا يستنا هو وامير
امين: على سلامتك يالالة انا قلت كاشما صرا لداخل
ايمان: اااه خويا شغل لمليح يطوول ولاواش قالوو نهال 😌
امير: نهاال ليكي واش ثرالي امين..
امين: هبلني على la peinture حتى شريتهالوو
امير: ترثمي معايا فدار 💕💕
انا: هههه ايه مايكون غير خاطرك نرسم معاك
ايمان: شفت كيفااه بدلنااا ولا من عند نهال مايتنحاش
وصلنا للدار لقينا نورا وسلاف وجدوو طابلة
طاطا سامية: على سلامتكم واش بدلتو شوياا؟؟
ايمان: ايه شرينا les robes وواش كان خاصني
نورا: هكا مليح بقالنا غير لقاطوو نتعاونو فيه راه مابقاش
سلاف: لمازوزية تاعنا رايحة عروسة الله الله (زغرتت)
معلاباليش علاه تفكرت مريم كانت هكا دايما هياا لي تضحكني مام نكون غارقة فهمي غست فيهم حتى نشوف أمين لقيتو يخزر فياا تلفتلي معلاباليش علاه مي كي نتفكر هديك الليلة نحشم نخزر فيه هبطت راسي ورحت نغسل باه نتعشاوو
سلاف: ليوم لازم نتعاونو على لقاطوو
نورا: ايه انا عليا لبقلاوة ونتوما دبرو راسكم
انا: انا منعرفش ندير مي نعاونكم واش تسحقو راني هناا
ايمان: اوكي كاين انواع نديروهم
بدلت لبست بيجامة ودرت فولارة على راسي خفت لوكان يدخل امين وهبطنا للكوزينة وبديناا انا كنت نشوف ونعااون
ايمان: نهال جيبي جيبي لفرينة
امير: نهااال !!ماشي قلتيلي نرثموو كيفكيف❣
انا: ياا عمري راني مشغولة خلي نكمل وغدواا نرسموو كيما تحب
امير: (شنف) بثاح قلتيلي نرثموو كيفكيف
ايمان: ايييه هاداا مازال ماشفتيهش كي يدير عفسة في راسوو درك زيديلو شوياا ويبداا يبكي
سلاف: نهال تعيشي اقعدي معاه ولهيه وحنا نكملوو
نهال : اوكي .. (رفدتو) اروااح ياازين ديالي نرسموو
طلعتوو للشومبراا وبديناا نرسموو تفكرت كيفاه كنت نرسم في دارنا ووقتي كامل يروح فالرسم وتعيط عليا طاطا مليكة تقولي بيتك ولات شونطي💕
رسمناا انا واميير حتى عياا مسكين ورقد وهو معنقني تكيت قداموو وحطيت راسي حتى داتني عيني
~~~~~~
امين❣:
دخلت للدار لقيت ايمان وسلاف ونورا فلكوزينة قاعد نحوس بعينيا ملقيتش نهال معاهم
انا: الله الله واش هاد الروايح
سلاف: هههه راك تشوف رانا نوجدوو
ايمان: ااه كاشماا راك تحوس ؟؟؟
انا: ... ااه لالا ووالوو ...ايه صح وراه امير شريتلو كراس تاع رسم كان مهبلني عليه
ايمان: امممم اميير راه لفوق مع نهال
طلعت للشومبراا حتى نلقا نهال وامير معنقها وراقدين كانت كي لملايكة 💕💕 ولورق تاع dessin فالارض خزرت فيها زعماا بديت نحبها ؟؟
_______________
واش رايكم ؟؟ نكملوو💫💫🍃
أنت تقرأ
إِلَيكَ أَنتمِي💚🧝🏼♀️💫
Short Story"حياتي تغيرت بين لحظة ولحظة فجأة الحبيب ولا غريب والقريب غدرني حتى ربي بعتني ليه " حكاية غدر ، وانتقام ، وحب وانتماء ...❤💢 Amine 💍 nihel sii vous aimez n'hésitez pas de commenter🧡💕⭐ #new__
