نهال:~~~
نعرفكم شويا بروحي وبحكايتي اسمي نهال 22 سنة الطفلة الشابة المدللة لي عندها كلشي تتمناه هكا كانو ناس يعرفوني بصح واحد ماكان يعرف حقيقتي والحياة لي كنت عايشتها كان الترفاه والثراء لي مو برا جامي يعكس واش كاين لداخل توفى بابا اكسيدون وعمري 3 سنين منشفالوش بزاف نعرفو برك فتصاور بصح كان علابالي بلي يحبني بزاف وخرجت نتشبهلو فكلش يما كانت شابة وتحب تعيش مترددتش باش تعاود زواج وخيرت سي جبار من اغنى رجال الاعمال كانت شايفتو هو لي راح يعوضها فكلش ويعيشها بدراهمو واش ما عيشهاش بابا وماكانتش دايرتني كامل فلحساب زاد عندي اخ ادم في عمرو درك 18 سنة وكانت فرحة ماما بيه لا توصف وهاد شي خلاها تكبر في عين سي جبار كبرت وحدي حتى انو الخدامة طاطا مليكة كانت احن علي من يما لي تلهات فحياة الترفاه الحفلات والخرجات و les voyages ماكنت نعرف نخرج ولا نعيش ولا عرفت حنان الاب والام طول الوقت وحدي فشومبرتي وكانت أسعد ايامي نهار نغافل ماما ونطلع مريم بنت طاطا مليكة تبات معايا فشومبرا كانت صحبتي وختي واكثر وحدة مقربة ليا نحكيلها كلش وتحكيلي كلش تربينا كيفكيف حتى كبرنا علاقتي بآدم كانت محدودة ماكنتش نحب نداصرو باسكو تخلاص عليا بالمشاكل وماما كان واش يدير تعطيه الحق دخلات وسهرات فليل وساعات يجي ماشي صاحي ولهدات لي يديرهم وهي كانت تغطي عليه مدخلاتو فأحسن المدارس الخاصة أما سي جبار لوكان ماشي طابلة لعشاء لي تجمعنا ماكنتش نحب نتعامل معاه كنت دايما فصغري نبكي ونلومو هو بسبابو ماما هاملتني وكرهتني بلاك نفكرها فبابا وفلحياة لي كانت عايشتها معاه ولا تحشم بيا المهم كانت حياتي هكاا
قريت فكلية الفنون الجميلة كان الرسم الشي الوحيد لي ينسيني فهمومي كنت كلما تضيق بيا الاحوال نرسم
~~~~~
FLash back🌬🌬🌬
مليكة: نهال ..نهال بنتي نوضي راهي 9
نهال: امم خلوني شويا برك
مليكة: يابنتي اهبطي تشوفي يماك راهي رايحة
أنا: وييين تاني ؟؟؟
مليكة : تجوز سمانة فلندن وتولي
انا: بفففف هاني نضت
مليكة: اغسلي بنتي وهبطيلها وانا نسقملك الشومبرا
انا:(بستها) ربي يخليك لياا موموو ديالي
مليكة: ههه روحي برك يابنتي راكي رجعتي بيتك شونطي بهاد اللوحات
انا: ههه يسموه الفن الفن
غسلت وهبطت لقيت ماما قاعدة فالصالون ولكابات قدام باب الفيلا
انا: صباح الخير وين بيها ماما؟
حياة: (شادة تيليفون )راني رايحة نجوز شمانة فلندن نزيد نشوارك قبل ؟
انا: لالا بصح كيفاه غير كيما رحتي
حياة: متقلقينيش ماراكيش بيبي يرضع باش نخمم فيك قتلك راني رايحة شدي بيتك والدار وماديريش مشاكل
حتى تفتح الباب ودخل آدم كان سهران برا وهاداوين دخل
حياة: ااااه ياا وليدي لعزيز ديالي وين كنت؟؟
ادم: يماااا كنت برااا سهران برك
حياة: واش هاد سهرات يا وليدي بايتة خايفة عليك ولوكان يسمع باباك
ادم: ما يسمعش لوكان ماتقوليلوش
حياة: ايه وليدي مايكون غير خاطرك اروااح كول كاش عفسة مليييكة
مليكة :انعم
حياة: وجدي لادم petit dej لي يحبوو
مليكة: مايكون غير خاطرك
حياة: يا وليدي راني رايحة نجوز يامات ونولي توله على روحك وماديرش مشاكل
ادم: روحي بسلامة يماا
قاعدة تبوس وتعنق في وليدها الهامل وانا كي الاطرش فالزفة متابع فالاحداث واقفة مخزرتش meme mas فياا كيفي كيف الكلبة حشاكم عندهاا رفدولها كباتها وخرجت طلعت لشومبرتي وعيطت لمريم قتلها تجي تبات عندي نجوز شويا وقت معاها مادام راحت ماما
مريم: واش بيييه الزيين قاعد حزييين
انا: ههه جيتي المهبولة ديالي توحشتك
مريم: ههه انا تان كنت مع رضا
انا: اممم راكي تتمعشقي مع حبيب القلب وانا لا خبر ياااه
مريم: هههه خرجنا كيفكيف فطرنا وايماجينيي واش صرا
انا: غااولي احكي واش صراا
مريم: بوروبوزالي باه يخطبني 💕💕
انا: اووه ياعمري مبرووك عليك زينة ديالي والله فرحتلك من قلبي رضا يحبك بزاف منخافش عليك
مريم: يسلمك عمري 💕 لعقوبة ليك
انا :هههه انا مشكيتش
مريم : لالا نتي واقيل هبلتي صح شفتي روحك كيفاه دايرة (داتني عند لمراية) ليكي الزين ولاطاي لي عطاهملك ربي بلا عقليتك حنينة بزاف وعاقلة الف واحد يتمناك نتي لي غالقة على روحك هناا ومراكي حابة تفتحي قلبك لحتى واحد
انا: مريم نتي عشتي معايا وتعرفي دارنا ماما لوكان تسمع ديرلي تبهديلة وسي جبار ماشي ساهل
مريم: ايه وش دخلهم والله يا صحبتي اني خايفة تخلاص عليك مال ويزوجوك لواحد ميستهلكش
انا: بعييد الشر هادي منسمحهاش ومرانيش نخمم نتزوج بواحد من نفس الطبقة هادي ومرانيش حابة نعيش فهاد الترفاه تاعهم وملداخل حزينة
مريم: ربي يبعتلك واحد على حساب قلبك ويعوضك على كامل لي فاتك🧡
انا: اميين 💫
مليكة: مرييم نهال لعشاء راه واجد
______
ps: photo nihell💜
أنت تقرأ
إِلَيكَ أَنتمِي💚🧝🏼♀️💫
Short Story"حياتي تغيرت بين لحظة ولحظة فجأة الحبيب ولا غريب والقريب غدرني حتى ربي بعتني ليه " حكاية غدر ، وانتقام ، وحب وانتماء ...❤💢 Amine 💍 nihel sii vous aimez n'hésitez pas de commenter🧡💕⭐ #new__
