نهال:~~
جازو اليامات بلا أمين وكنت نحسب فيهم مزية كانت إيمان معايا تنحيلي على خاطري و تحس بيا
فهاد ليامات توحشت ماما ومريم وطاطا مليكة توحشت دارنا سييت نعيط لمريم مكانتش ترفد عليا
كان بجوز نهار فتليفون مع امين ولا تمهبيل مع ايمان
سلاف: نوضوو يا لبنات
إيمان : اففف صباح ربي وش كاين 😏
أنا: غير الخير كاشما صراا؟؟
سلاف: ماكاين والوو عمتك زهور راهي جاية
إيمان : عمتي زهوور ؟؟؟ وغير لخير؟؟
سلاف: معلاباليش قالت جاية فموضوع مهم وتعرفي ماني كي تسمع بعمتي زهور مادابيها نديرو عرس 😅
دوشت لبست وهبطت لقيت طاطا سامية وماني لجوهر
جوهر: سامية تعرفي زهور بنتي تحب شخشوخة ديريها لفطور
سامية : هههه مايكون غير خاطرك 🖤
_____________
أمين : ~~~
في صالة الاستعجلات فلوبيتال:
المسعف: حالات استعجالييية غرفة العمليات
الممرض: وجدوو غرفة العمليات ..
أنا: اعطيني الحالات
المسعف: جبار عدلي 56 سنة جروح من الدرجة الثالثة واختناق اثر احتراق
حياة عدلاوي 45 سنة جروح وحروق بليغة
آدم عدلاوي 18 سنة حروق من الدرجة الثالثة المصابين احترقوا فالبيت ديالهم
أنا: اوكيي وجدوو الغرف العمليات ووصلوهم بالاوكسجين
كانو فحالة خطييرة من الاسماوات حسيتهم مألوفين مي ماكونتش في حالة تسمحلي نركز فحاجة وحدوخرة غير اني كيفاه نسلكهم
دخلنا لغرفة العمليات مي ماقدرناش ننقذو جبار وادم تخنقو كمية كبيرة من الغاز سام و الحروق كانت خطيرة مي المراة قدرنا نسلكوهاا
حياة: آدم ... آدم....
أنا: مدام راكي قادرة تشوفيني ..
حياة: وليييديي وين راه ؟؟ جباار جبااار راجلي وينوو
أنا: كالمي روحك مداام كالمي روحك عطاوك عمرهم كانت حالتك خطيرة سلكتي بقدرة ربي
حياة:(تبكي) اااااه ....لالاااااا آدم ولييدي وينك رحت وخليتني؟؟؟!!! علاااه ياولييدي علااه جباار💔💔💔
أنا: الاعمار بيد الله الشدة فربي مادام ..
عطيتها حقنة مهدئة قطعتلي قلبي ماشي ساهل تخسر اعز الناس ليك بصح مافهمتش علاه حسيت اسماوات هاد ناس مألوفة وانا نراجع فملافاتهم تفكرت نهال .. زعماا هادوهوما فاميلتها؟؟ لي حكاتلي عليهم ؟؟ سي جبار؟!!
الممرضة: دكتور حالة المريضة حياة رانا نقلناها لشومبرا وراهي فاقت
أنا: اوكي ني جاي
حياة: رااني حاية نخرج دكتور
أنا: فهاد الحالة لازم نشدوك عندنا الحالة تاعك ماتسمحش
مليكة : ( دخلت ) ااه ياا لالة حيياة الحمدلله الحمدلله ع سلامتك وعظم الله اجركم ربي يصبرك رانا معاك
حياة : يعطيك صحة مليكة مالقيتك غير نتي تحاسبت على فعايلي فقدت وليدي وراجلي فقدت بنتي نهال لي ظلمتها راني نخلص واش دارتلها نشالله تسمحلي كونت عميااء جبار كان عاميني(تبكي بالشهقة) 💔💔💔
مليكة: استغفري مولاك قضاء وقدر وكامل مسامحينك نشالله ريحي نتي برك
لتم واش سمعت اكدلي كلش هادي هيا يمات نهال لي تخلات عليها خرجت من شومبرتها وخليتها حتى لقيت وحدة قدام لباب وما تكون غير مريم لي حكاتلي عليها نهال
انا: سمحيلي نتي مريم ؟؟
مريم: ايه انا هي غير الخير
أنا: معليه تستنايني فالحديقة تاع لوبيتال ونجيك عندي هدرة معاك
~~~~~~~
نهال🌙:
وجدنا لفطور حتى صونات
إيمان: ماتكون غير عمتي زهور جات
زهور : السلام عليكم
إيمان: عليكم سلام تفضلي عمتوو توحشناك جوزي
زهور : هههه باين ( زهور جاية تكلاشي كي يماها الجوهر😅)
جوهر: على سلامتك يا ينتي هادي مدة هادا وين تفكرتي يماك
زهور: بووه يايما راكي تعرفي لمدينة بعيدة وسليمان بتحلال باه يخلي خدمتو ويجيبني
سهام: وشراكي ايمان ؟؟ قالولي تخطبتي
ايمان: لاباس والله جاز كلش بالخف اكي تعرفي
جوهر: الله يبارك على بنت بنتي بوبيا خمووس كبرتي
سهام: ههه وين راه امين مشفتوش؟؟
ايمان:ههه هاداا واش تحوسي امين راه خدام
زهور: اممم حناا سمعنا جاا علابيها قلنا نشوفوه
نورا: راكي تعرفي يا عمتي خدام جا يمات وراح مايطولش ويولي
زهور: اممم وشكون هادي الطفلة؟؟
ايمان: اااه عمتوو صحبتي هادي تاع لمدينة وين قريت وضيفتنا عزيزة وقديمة وجات عندنا يمات اسمها نهال
زهور: ايييه ملييح
سهام:نهال شعرك ايكستونسيون؟؟
أنا: ههه لالا شعري طويل هكا
زهور: اييه يابنتي البنات تاع هاد لجيل كامل خلطات واكستونسيون ومايهدروش
المهم رحبنا بزهور بصح لسانها واعر كي هيا كي بنتها سهام تحسبها لبنانية تتدلع كتر مهم قصرنا و كليينا ورحنا انا وايمان نغسلو لماعن
أنا: سمحيلي ايمان مي بنتك عمتك وعمتك ماقدرتش نبلعهم 🙄
ايمان: ههههه انا ومانبلعهمش سورتوو سهام من نهار كنا صغار وانا وياها كي القط ولفار نهبلهاا
سامية: نهال بنتي تعيشي فرشي لسهام معاكم فالشومبراا
نهال: اوكي طاطا
زهور رقدت بكري عيات مالطريق وسهام دخلت معانا للشومبرا
سهام: ماتبدلتش شومبرتك ايمان انا كل عام نبدل ديزاين شومبرتي منحملش
ايمان: هههه انا مانبدلش ياختي شهور ونكون فدار راجلي خمي على روحك (ايمان تكلاشي😅🙄)
سهام : اممم ايه ونتي نهال احكيلي شويا على روحك ماسمعتكش
أنا: قاتلك ايمان صحبتها وقرينا كيفكيف نسكن فالمدينة وجيت نجوز يمات ونعاون صحبتي فعرسها هادا ماكان
سهام: اايييه ملييح
ايمان: اذا خلاص تحقيق تاعك خلينا نرقدوو 😏
سهام: ايه ارقدي هادا واش تعرفي مي ماقلتيلش معجباتكش صبيغة لي درتها ؟؟ امم امين كان يجب شعر صفر
ايمان: هههه لالا راكي تخلعي حشمت نقولك برك وديجا خويا مايحبش شعر لكناري
انا: ايمان وشبيها هادي كل زوج كلمات امين آمين 😐
ايمان : هههه طايحة فيها مالصغر وهو ماشي معبرها وكي زاد عرفك نتي وحبك ههه اذا شافها وعقلها راهي فالفايدة ارقدي ارقدي 😅
أنت تقرأ
إِلَيكَ أَنتمِي💚🧝🏼♀️💫
Short Story"حياتي تغيرت بين لحظة ولحظة فجأة الحبيب ولا غريب والقريب غدرني حتى ربي بعتني ليه " حكاية غدر ، وانتقام ، وحب وانتماء ...❤💢 Amine 💍 nihel sii vous aimez n'hésitez pas de commenter🧡💕⭐ #new__
