الجوهر: ايه يابنتي وسمك؟؟
انا:.......نهال ..
الجوهر: من وين جيتي ؟ ووين داركم؟..
انا: .....ااا....
امين: ااه ياماني قلبتيها استجواب اتعشاي اتعشاي
ماكنتش قادرة ناكل كنت غايسة نخزر فيهم كيفاه ملمومين كيفاه متحابين الدفاء والحنانة لي جامي شفتها في دارنا صح كنت غريبة بصح كنت قادرة نميز هاد الشي
استأذنتهم وطلعت نرقد فالبيت تاع ايمان بكيت بكيت حتى رقدت
~~~~~~~
امين💜:
كنت نشوف معاها ماكلات والووو يديها كانو زروقا حتى طلعت لفوق عند ايمان ماني بحكاياتها ماحبتش تطلقها
جوزت سهرة مع دارنا وطلعت نرقد
سامية: صباح الخير يا وليدي رقدت مليح!!
انا: صباح الخير !
سامية: يااا وليديي..
انا: وش كاين؟؟〰️〰️
سامية: نهال ..الطفلة تاع لبارح.. ايمان قاتلي باتت بالحمى 💢
انا: كيفااه! وهاداوين تقولي يايما الطفلة أمانة ...
طلعت نجري لبيت ايمان دخلت عليها لقيتها راقدة
ايمان : ليل كامل وهي تهترف اطلقوني ، اطلقوني ، مارانيش نكذب ، ماما والحمى درتها الماء كيفكيف
انا: مستيها لقيتها تغلي..
هبطت بطونوبيل لفارماسيان شريتلها دواء وعاودت وليت نجري.. ضربتها تشكة
ايمان: كيفاه راهي!!🌸
انا: عطيتها تشكة مهدئة تكالميها و تهبطلها الحمى
ايمان: مسكينة.. . غاضتني تبان عاقلة بزاف
قاعد نشوف معاها كانت راقدة وشعرها طويل مطلوق كي الملايكة كنت حاس انو موراها حكاية كبيرة راهي مخبيتها ولازم نعرفها باش نقدر نعاونها 🍁
~~~~~~
فطنت كان راسي يوجعني وكلش مضبب حتى نشوف ايمان واقفة فوق راسي
ايمان : هكا يا نهال خلعتينا عليك !! راكي مليحة
انا: راني مليحة واش صرا؟
ايمان : ليل كامل ونتي تهترفي وحكماتك الحمى مزية كان امين هنا عطاك دواء
انا: يعطيكم الصحة
ايمان؛: بصح مقلتيليش كيفاه حتى جيتي هنا !!وشكون هادو لي كانو موراك ليل كامل ونتي تهترفي بيهم؟؟
انا: (سكتت)
ايمان: منزديش عليك.. قتلك نهدر بزاف متديريش عليا ارواحي نهبطوو نفطروا ماكليتي والو من لبارح
هبطنا لتحت لقيتهم قاعدين يوجدو فالطابلة وأمين كان قاعد مع اسماعيل يشوفو فالتليفيزيون
نورا: واش نهولة صافاا ريحتي شويا؟
انا: حمدلله
سامية: ايه يابنتي خلعتينا عليك راكي مليحة ❣
انا : يعطيك صحا طاطا راني مليحة نعاونكم؟
سامية: ياخااه واش تعاونينا اقعدي برك ما صدقناش كي بريتي نزيدو نخدموك
نورا: شفتي البنات يالالة ايمان اتعلمي قريب نزوجوك ونتي فنيانة 🤷🏻♀️
ايمان : اووه نهال شفتي كيفاه جايبينها مورايا
حتى صونا الباب راحت ايمان تفتح ودخلت وحدة
سامية: ايمان شكون جا؟؟
سلاف: انا يماا
امير : مااااانووو
ايمان: جات ست الحسن تاع بنتك
سلاف: كيفاه خويا يجي وانا اخر من يعلم وزيد سليم عندو خدمة فالمدينة هديك هيا نجوز يمات
سامية: مرحبا بنتي
سلاف: (عنقت امين) توحشتك ياخويا هاداويين
امين: (رفد امير) ههه انا تان توحشتك وتوحشت هاد الكتكوت كبرت ياااه؟؟
امير: ثكووون نتي ؟؟
سلاف دنات ليماهاا : يماا ؟
سامية : اقعدي درك نفهمك هادي نهال ضيفتنا
سلاف: (سلمت عليا) مرحبا بيك عندنا
فطرنا كامل كيفكيف ورفدنا الطابلة حتى تفكرت مريم توحشتها بزااف طلعت للبيت نعطيلها بتليفون مريم
انا: الوو
مريم: (تشوكات) نهااال؟؟ نهااال هادي نتي؟؟!!
انا: (بديت نبكي) توحشتك مريم
مريم: اااه ياا ختي وينرااكي ؟؟ خفت عليك عيطتلك شحال من مرة ومحكمتكش قالولنا متيي ما قدرتش نأمن قلتلهم محال نهال تموت .
انا: متتت!!؟؟ 💔💔
مريم: مور مارحتي بيومين سمعت سي جبار قال لمدام حياة بلي عيطلو فؤاد وقالوو بلي سويسيديتي رميتي روحك
انا: .......
مريم: نهال ...نهال راكي معايا
انا: راااني ..معااك !! ويما ؟
مريم: سي جبار لعبلها براسها وقالها خليها. ومتخرجيش لهدرة كلي ماصرا والوو وبلي ماقدرتيش تتحملي فعايلك وكانت هدي اخرتك
كي سمعت لخبر تشوكيت قلتلهم نهال ماتديرهاش !! والحمدلله وين راكيي درك؟؟
انا: راني ملييحة درك حكاية طويلة اومبعد نحكيلك اوعديني ماتقولي لحتى واحد بلي هدرت معاك كي نلقى فرصة راني نعاودلك وكوبيت
درت حتى نلقا امين مورايا ...
~~~~~~~~~ أمين 💙:
انا : معامن كنتي؟؟
نهال: أأأأاه...
انا: شكون ؟؟
نهال: معا حتى واحد ؟
انا: (شديتها من يدها ) يا طفلة راكي حابة تهبليني كنتي مرمية برا فنص الطريق مجروحة لبارح شعرة ومتي ليل كامل ونتي تهترفي واليوم فتليفون وتقولي والوو ؟؟
عينيها تعمرو بالدموع وحسيت يدها ترعش كانت باينة خايفة بزاف ما حبيتش نزيد عليها
انا: اوكي ماراكيش حابة تهدري كيما حبيتي مانفورصيكش بصح انا لازم نعرف لحكاية
خليتها وخرجت مقلق ..
الجوهر: وين بيها يا وليدي خارج؟؟
انا: ماني راني خارج نشم شويا هواء ندور ونولي
الجوهر: ايه وحكاية الطفلة هاديك كيفاه؟ سكتت ماشي معنتها راني غافلة
انا: يا ماني طفلة امانة عندنا حبيتيني نرميها برا كانت محتاحة وعاونتها انا طبيب منقدرش نشوف واحد يسحق معاونة و ونخليه مرمي
الجوهر: علابالي ياوليدي .. بصح وهادي ماعندهاش ماليها مايحوسوش عليها؟؟ ماتكونش مرت راجل ؟
انا: معلاباليش يا ماني .. معلاباليشش كي نعرف نقولك
وخليتها وخرجت وبزاف حوايج يدورو في راسي ؟ زعما صح تكون مرت راجل وهاربة
_________________________
واش نكملو الاجزاء ولا والوو؟؟❣🌸😅
ps: photo amine 💢
أنت تقرأ
إِلَيكَ أَنتمِي💚🧝🏼♀️💫
Short Story"حياتي تغيرت بين لحظة ولحظة فجأة الحبيب ولا غريب والقريب غدرني حتى ربي بعتني ليه " حكاية غدر ، وانتقام ، وحب وانتماء ...❤💢 Amine 💍 nihel sii vous aimez n'hésitez pas de commenter🧡💕⭐ #new__
