نهال❣❣
جاز فيونصاي وراحوو الناس ماحبيتش نخسر فرحة ايمان سكتت ورحت نرقد مي مقدرتش كلما نغمض عينيا يجيني أمين بين عينيا كيفا ه عنقني كيفاه حماني عليا اووف واش راه يدور فراسي ...
ايمان: وشبيك تتقلبي كي الجاجة 😂؟؟
أنا : والوو ماجانيش نعاس ؟
ايمان: اممم ولا راكي تخمي فكاش عفسة،؟
أنا : عليمن راكي تمعني ؟؟
أيمان : ماراكيش منتبهة على أمين كلاك بعينيه كي شافك مقبيل !!!
أنا : اااه ايماان ارقدي خيير يرحم باباك
أيمان: هههه اقعدي تهربي .. تصبحي بخير 💛
نضت صباح دوشت لبست وهبطت عندهم
ايمان: صباح الخيير نهوولة
أنا : صباح الخير الزينة 💕💕
نورا: راكم متفكرين واش كاين ليووم !!
إيمان: لانيفرسار تاع أمين
سامية: ايه وليدي لعزيز 💙💙
ايمان : لاززم نديرولوو surprise يتفكرهااا
سلاف: عند الحق عندنا بزاف ماشفناهش لازم نفرحووه
أنا: بصح واش نديرو ؟؟
إيمان : عندي فكرة .... نهال لازم تقعدي مع امين وتشغليه نقولولو بلي لازمك حوايج وتهبطي تشريهم ونتي روحي وهو يقعد يستنا فيك وفهداك الوقت حنا نوجدوو الدار ونزينو ونجيبو ليكادو 💕💕 وش رايكم ؟؟
أنا: ..........
سلاف: فكررة مليييحة
____
امين~~
جازت هاديك الليلة كامل وانا نخمم فنهال وواش صرا لبارح خرجت صباح فريت اموري وتلاقيت بصحابي لقدم ووليت للدار
سامية : على سلامتك وليدي
أنا: الله يسلمك يماا 🌸
إيمان : ااا أمين نسحقك
أنا : وش كاين ؟؟
أيمان: نهال...
أنا: وشبيييها؟؟!!!
إيمان: ههههه مابيها والوو ..راهي حابة تخرج للسوق تشري شويا عفايس ناقصينها وخرجها وريلها village تبدل مسكينة تشم هوواا وتشوف لحالة
أنا : ااه اوك قوليلها توجد راني نستناها لتحت 🌙
أيمان: يسس ااه اوكي صحاا صحاا
~~~~~~~~~~
نهال~~
أيمان طلعت تجري ليا للبيت
انا: ههه وشبيك فاقلنا 😂
إيمان : خسارة علييك الزين ازربي وجدي روحك قبل ما يشك
انا: راني واجدة
إيمان: تتمسخري بياا راكي رايحة هكا راكم رايحين وحدكم يرحم باباك البسي عفسة تسقي شفتي لاغوب البيضاء 🌸🕊 لي شريناها تجيك هباال البسي درك نجيبلك سباط والصاك
أنا: هههه مهبولة والله
لبست لاغوب بيضاء وباسكات كيوت وخمار كلاغ شويا غيسيل وغوجالاف .
إيمان: ااه راكي زلة هكا دوخيه شوية
أنا: هههه روحي برك
إيمان: زعما مارانيش فايقتلكم نتي تسمعي أمين تحماري تصفاري وهو غير يسمع أسمك يتخلط ونهار كامل هو يتبع فيه بعينك ... ههه مالا غير ماتضيعوش الوقت وخلونا نفرحو بيكم 😊🧡
أنا : معلاباليش إيمان مور ماجوزتو كامل نقول صعيب قلبي يحن لكاش واحد بصح أمين منقدرش نفهمك هو الانسان لي حماني بلا ما يعرفني وحن عليا وخاف عليا
إيمان : من نهار الاول لي جيتي معلاباليش علاه حبيتك فيك براءة كبيرة ومنكدبش عليك كي شفتكم نهار الاول قدام لباب نتي مشمخة ومضروبة وتترعدي وأمين شايدك و خايف تمنيتكم لبعضاكم💕💕😂
~~~~~~
أمين 🌙:
قاعد نستنا فيها لتحت حتى نشوفها هابطة لابسة الابيض كي الملاك 💕
أنا : مشاءالله راكي شابة
نهال: ههه مغسي
أنا : ايه وين تروحي قاتلي إيمان حابة تشري حوايح ناقصينك
نهال: أأا ... ايه
أنا: اوكي أمشي
وصلنا للسوق محبيتش نخليها تهبط وحدها ويخزر فيها كاش واحد
نهال: متعييش روحك أمين منطولش وزيد أني رافدة معايا نشري ونولي
أنا: لالا نخاف تعود تتخلطك طريق وتتبحري
نهال: اوكي كيما تحب
هبطنا دخلت شرات وقضات وش حبت ..
أنا: كاين واحد يبيع la creme هنا معروف مادام جبتك لهنا لازم تدوقي
نهال : هههه نحب la creme بزاف علاباللك في دارنا كنت نهبط متخبية ونسرق la crème au chocolat ونطلع لبيتي ونقضو عليها أنا ومريم
أنا: ههه تسمااا هكاا ماراكيش ساهلة ..
نهال: كي تولي في لاكريم نون ماشي ساهلة هههه
أنا: اوكي نشرو لاكريم ونديك بلاصة قريبة منا وقليل لي يعرفلها تشوفي lvillage كاامل
نهال: هههه مادابيا
أنا: خويا عطيني زوج creme au chocolat تعيش
خالتي طاوس: ااااه وليدي أمين راك هناا !!!توحشناك وهادي مرتك ؟؟
أنا : أاااه والله أنا تان خالتي طاوس
طاوس: (دنات لنهال) خموس عليك يا بنتي بوبيااا
اااه يا أمين عرفت واش تخير ملايكة الله يبارك🌸🌸صح كنت ناوية نزوجك لسارة ااه بصح الدنيا كيفاه
أنا: ههههه راكي تعرفي خالتي كبرناا 😂
راحت خالتي طاوس ودرت لنهال .
أنا: ههههه مديريش عليها هادي خالتي طاوس جارتنا كبيرة تهدر برك
نهال: اممم وشكون سارة؟؟
أنا: هههه تسما نتي هادا واش فهمتي لمرا ضربت نص ساعة وهي تمدح فيك .. اركبي نوصلو ونحكيلك 😂
~~~~~~
نهال💛:~~
وصلنا وللسوق وشريت شويا حوايج ليا كانو ناقصيني وسييت نطول باه هوما فالدار ياخدو وقتهم كنت رايحة نخلص أمين محبش وهو خلص كامل واش ديت ههه بصح غافلتوو كي كان يخلص ودخلت لحانوت قريب شفت كان يبيع سوايع تاع رجال شابين تفكرت أمين كي ضارب مع نسيم علاجالي تخسرتلو ساعتو وبدراهم لي عطاتهملي إيمان خيرتلو وحدة وجبتهالو كيما لي كانت عندو 💕💕
شفت لاكرام نسيت كلش💕 مازالني طفلة صغييرة كيما كانت تقولي طاطا مليكة
حتى نشوف واحد لعجوزة كبيرة تهدر مع أمين وحسبتني مرتوو معلاباليش علاه فرحت كي ماقال والو بصح قلقتني كي قاتلو نزوجك لسارة وهو يضحك 🤔
ركبنا باش نروحوو يديني لبلاصة لي كان هدرلي عليها حتى فيبرا تليفوني وصلني ميساج من عند إيمان
إيمان : واش نهال راهي ماشية لحالة؟؟
ههه تبسمت كي شفت لميساج وبعتلها : كلش أوك كملو نتوما .👌🏻
أمين: رانا وصلنا أهبطي ليووم تشوفي lvillage ديالناا تا ع صح
هبطنا من جهة غابة و الوااد من تحت ولفيلاج كاامل يبان والديور وكانت تبان دار أمين لفوق كامل وحدها
أنا: تهبل 💕💕 كلش شبااب ... ااه هاديك داركم لفوق صح ؟؟
أمين : هههه هيا بالذات كنت كي نحب نقعد وحدي دايما نجي هناا
أنا : عندك الحق أنا تان نهار كنت نحب نهرب ونقعد وحدي كنت نهبط لجاردان تاعناا ونهبط معايا باش نرسم ههه يقعدو يحوسو عليا وواحد مايلقاني
أمين : هههه شفتك ديك لخطرة مع أمير وش رسمتي تعرفي ترسمي بزاف لمرة لجاية نحيبو كلش ونجيبك لهنا ترسمي
أنا: ههه فكرة هايلة 💕💕
أمين : ومعاودتيش عيطتي ليماك ولا ؟؟
أنا : (عينيا تعمرو بدموع ) مور ما حاوزتني ماخممتش نعيطلها بصح هدرت مع مريم هاداك نهار سي جبار قالهم بلي متت وماراهمش يحوسو عليا نساتني كي كنت قدامها نهار ما حنت علياا..
أمين : (شدلي يدي ) نهال رانا معاك وحنا هوما عايلتك وأنا لوكان هوما يرجعو يدوك مارانيش حانخليهم يدوك مانقدرش نريسكي بيك مرة وحدوخرة 💕 نهار لي شفتك فيه مرمية ومضروبة ومشمخة ووحدك فالطريق كنت حاسك كي طفلة صغيرة لي ماعندها وين تروح عطيت عهد على روحي مانخلي حتى حاجة تقسيك ❣ونهار شفتك بالحمى هاداك نهار وماشي فايقة لوالو خفت كاشما يصرالك ومانكونش قد الوعد لي عطيتو لروحي
أنا: ( خزرت فعينيه) أنا نهار لي جيت سلكتني فيه وثقت فيك نهار لي كامل خانو الثقة كي يما كي راجلها لي كنت دايراتو كي بابا كي خويا 💔 نتا حميتني وخفت عليا وكامل وش كان صاريلي كنت علابالي واحدمايقدر يدنالي ونتا معايا ..
أمين: نهال نحبك 💔
فهديك اللحظة حسيت روحي جمدت وقلبي حبس 🌸 عينيا كانو معمرين بالدمووع عنقتوو باسكو فكل مرة كان يعنقني فيه كي نكون خايفة ولا كاشما صرالي كنت نحس روحي ننتمي ليه 💚🕊 وساعات نقول بلاك واش صرالي كامل صراا باش نتلاقا بيه ونحبوو ونعرف عايلتوو ونحبهم 💕
خزرت فيه : أنا تان نحبك أمين💚
~~~~~~~
بردت شوياا وطاح ليل نحا لافاست تاعوو وعطاهالي وطريق كامل وهو يخزر فيا وشايدلي فيدي
أنا: هههه أمين مارانيش ح نهرب نقعد معاك
أميين: هههه كنت مستني هاد اللحظة صافي شحاال ههه مرانيش ح نخليك 💕 وباسلي يدي
وصلنا للدار هو غير فتح لباب وكانت ظلمة خزر فيا شعل الضوو
لافامي:🎉🎉🎉🎉🎉 عيد ميلاد سعييييد❣❣🎉🎉🎉🎉
_________
واش رايكمم ؟؟😇😇💙
أنت تقرأ
إِلَيكَ أَنتمِي💚🧝🏼♀️💫
القصة القصيرة"حياتي تغيرت بين لحظة ولحظة فجأة الحبيب ولا غريب والقريب غدرني حتى ربي بعتني ليه " حكاية غدر ، وانتقام ، وحب وانتماء ...❤💢 Amine 💍 nihel sii vous aimez n'hésitez pas de commenter🧡💕⭐ #new__
